تامێ بازنەو ناڕەزایەتی و کاردانەوەکا دژ بە گەشمەردەکەردەو دووە ژەنە ڕۆنامەنووسە ئازادەکا "گوڵستان تارا و هێرۆ بەهادین"ی جەلایەنو خەتەو خیانەتی و دۆڵەتو فاشیزم و تورکی ئەرەگیریۆ فراوانتەر بۆنەو بەردەوامیش هەن، جە بەردەوامی ناڕەزایەتەکانە ژمارێوە جە ڕۆنامەنووسا ئێراقی داوا جە حوکومەتو ئێراقی مکەرانۍ کە دمایی بە هەژموون و دۆڵەتی و فاشیزمی بارۆنە.

دماوە ئانەی جە ٢٣ی ئابو ٢٠٢٤ینە دۆڵەتو فاشیزم‌ و تورکی ئەرەگیری جە ڕاو نۆکەرەکاشۆ بە باڵە فڕۍ بێ فڕکەوان، هەردووە ڕۆنامەنووسۍ گوڵستانە و هێرۆش دلی سەیارەینە سەرو ڕاو سەیسایەقی سەر بە پارێزگاو سلیمانی کەردۍ ئامانج‌ و گەشمەرڎۍ بیی، هەر زوو ئی تیرۆرەو دۆڵەتە فاشیستەکەو تورکیای جە سەرو ئاست ‌و دنیێنە ڕوووە ڕوو کاروەدای فرەو دلێینەی ‌و بەری بیۆ، پېسەو نەفرەتی ‌و کینەی دژ بە زیهنیەت‌ و فاشیزمی و دەسەڵاتدارا تورکی، چڼین ڕێکوزیێ لوۍ ڕاوە.

جە سلېمانینە بە بەشداری بەشێوە فرە جە هامکارا هەردووە گەشمەرڎەی و بەشێوە فرە جە ڕۆنامەنوویساو کۆششکارا، جە پارک ‌و ئازاڎینە بە وانایۆ بەیانناما ڕووە و دۆڵەتو فاشیست‌ و تورکیشا سیاوەکەردە، هەرپاسە جە شارو ڕانیەینە دژ پی کۆکوشیەیە گلیرۊبیەیێوە کریاو قەولو بەردەوامکەردەو ڕاو گەشمەرڎا تا بە یاوای بە ژیوایۍ ئازاڎیی دریا. هەرپاسە بەبەشداری بەشێوە جە کۆششکارا شارو سەیسایەقی، جە یاگۍ بۆردوومانەکەینە کردەکەشا شەرمەزارکەردو داواشا ئۆو گلیرگەو پانیشتیکەرد ئیتر جە ۋەرا ۋەرو ۋنەو ئاڵە‌و ڕۆڵەکاشانە بێدەنگی نەرمانا.

وەرنشین ‌و کورڎەسانیچ پېسەو گرجارێوە بە ئەرکی ئاخێزگێڵنی ۋێش هۆرئێست و جە کانتۆن ‌و قامیشلۆینە، بە ڕابەرایەتی کۆنگرەو ستاری و بە بەشداریکەردەی هەزاران کەسا، ڕاپیمایۍ فراوان بە واتەیۆ دروژمەو "بە ئامانج گېرتەو سەرمەشقا ژەنا بە ماناو بە ئامانج گېرتەو دەسکۆتەکا ئاخێزو ژەنۍ مێ"؛ واوەی کریاوە.

سەرنیشت ‌و کورڎةسانیچ پیسەو وەڵینگەو ۋێش، بە سەرمەشقی "مەکەگە"ی و "دەفەگە"ی وەردەم‌ و بیناو دەفەگەینە جە ئامەد، بە ئاماڎەبییەو ڕۆنامەنوویساو نوێنەروو ڕێکوزیاکا مافوو مرۆڤی ئەرەیاونێوە هامبەششا وەناوە و داواشا جە ڕێکوزیاکا چاپەمەنی ‌و پارێزنەرا مافەکا مرۆڤی میاننەتەوەی کەرڎ کە دژ بە هرووژم کەردەی سەرو چاپەمەنی ئازاڎیی و سیاسەتو فاشیزمو دۆڵەتو ئەرەگیرو تورکی مردانە.

هەرپاسە ڕێکوزیاو "پەیامنێر"ی بێسنووری جە ئەرەیاوناکەیشانە سەرەڕاو ئیهانەکەردەو تاوانە قیزەونەکۍ فاشیزمو تورکی، واوەیشاکەردۆ، داواو چنە پەرسایۆیشا جە دۆڵەتە فاشیستەکەو تورکی کەردۆ.

هامکات کۆمیتەو پارېزناو ڕۆنامەنوویسا "سی پی جەی" جە وەڵاکراوێشەنە ئانەش وستەن ڕووە کە پەیامێوەشا پەی نوێنەرو تورکی جە نەتەوە یۆگێرتەکانە کیانان و پرسیارەشا جەبارەو ئا هرووژماوە کەردەن، بەڵام لایەزال تا ئیساتۍ بێ جواب مەنێنێ.

هەرچی ڕێکوزیا کورڎییە ئازاڎیی وازەکێچەنۍ جە شارەکا پاریسی، پۆردۆ،بەرلین، فرانکفۆرت، سۆتکۆڵم، زیورخ و چنین وڵاتا دنیێنە، گلیرێبیێوە و کردە تیرۆرستیەکۍ دۆڵەتو فاشیزم‌و تورکیشا ئیڎانەو شەرمەزارۍ کەرڎۍ.

جە لێوەتەرۆ وەربەرەو کەناڵ‌ و "بی بی سی"نە جە لەندەن بە دەس وەڵۍ وستەو ئەنجومەنو گەلوو کورڎیی و تەڤگەرو جوانا، ئاخێزگێڵنا و ژەنا بەریتانیانە، ناڕەزایەتیشا نیشانەداو ئیڎانەو هرووژمە وەحشیگەرەکاو دۆڵەتو فاشیستو تورکیشاکەردو سەرزەنشت ‌و بێ دەنگی‌ و چەمپۆشی کەردەی کەناڵ‌و بی بی سی و سیاسەتە مەسڵەحەتوازیەکەو دۆڵەتو بەریتانیایشا کەرڎ.

ئارۆنە هەر لێوە کورسانی ڕوووە ڕوو ئەرگیرکەردەو وێرانکەردەی بییەنۆ جەلایەنو خەتتەو خیانەتی و بنەیانەو بارزانی ‌و زیهنیەت ‌و فاشیستو تورکیۆ. پۆکەی پەنەوازا دژ پی قڕکەردەیە هەر مرۆڤێوە ئازاڎیی واز، دەنگ ‌و ۋێش هۊربڕۆ، جە دلۍ گلېرگەینە ڕێکوزیێ سروشتیی وەشکەرا، تا جەڕاو ئا ڕێکوزیایاوە بەشێوێوە فراوان واوەی بایکۆت ‌و کەلوپەل ‌و دراما‌و سینەماو تورکی بکریۆنە، هەر جا چوارچێوەیچەنە فشارەکۍ پەی سەرو ئەرەیاونا ساختەکا فراوانکریۆنە، کە جەنگێوە تایبەت دژو ڕۆحوو مڎرامانوو گلیرگەی ڕاوبەر مکەرا.