بەشێوە جە چالاکا و ڕۆنامەنویسا و شارەکڵەو سەیدسادەقی پارێزگاو سلێمانینە، بە نویسیاێوە داواکاریی فاڕای نامێ چوارڕاێوە شارەکڵەکەیشا ئاراسەو قایمقامی کەرد.

نویسیاێوەنە داوا کریان، چوارڕاو (تەپەڕەش-هەیاس، سەیدسادق-سلێمانی) بکریۆ بە نامێ هەردووە گەشمەردە ڕۆنامەنویسە ژەنا " گوڵستان تارا" و "هێرۆ  بەهادین"ێوە، کە بە بۆردومانوو دەوڵەتی ئەرەگیروو تورکی گەشمەردێ بیێ.

ڕۆو ٢٣ـێ ئابوو ٢٠٢٤، دەوڵەتی ئەرەگیروو تورکی بۆردومانوو سەیارێوی ڕۆنامەنویساو کۆمپانیاو چەتری پەی هەرمانێ میدیایێش کەرد و دووێ ڕۆنامەنویسێ ژەنی بە نامەکاو "گوڵستان تارا" و هێرۆ بەهادین"ێ گەشمەردێ بیێ و ڕۆنامەنویسێوە تەریچ بە نامێ "ڕێبین بەکر"یوە بریندار بی.  

ئەم کردەوەو دەوڵەتی ئەرەگیروو تورکی ئاستوو دلێنە و بەرینەکاردایوەششۆنەو وێشەرە ئارد و ئیدانەو ئا هجوومەو دەوڵەتی ئەرەگیروو تورکی پەی سەروو ڕۆنامەنویسە ئازادا کریا  و بە تاوانوو جەنگی دریا قەڵەم.