پارێزنەراو نویسینگەو یاسایی سەڎەی رازیە ئۆزتورکە، جەنگیز یورەکلی، عەمران ئەمەکچی و ئیبراهیم بیلمەز پۍ ئانەی بتاوا موەکیلەکاشا عەبدوڵا ئۆجالان، عومەر خەیری کۆنار، حامیلی یەڵدرمی و وەیسی ئاکتاشی بوینا، سەردای داواکاروو گرڎیینوو کۆماریشا جە بورسا و ڕاوەبەرایەتی زینڎانوو ئیمراڵی کەرد.

پەیوەندیی ڕابەروو گەلوو کوردی عەبدوڵا ئۆجالان بە بەریوە، بە تەمامی بڕیان. جوابوو داواکاریی چەمپەنەکەوتەی مەدریۆوە، فرەو جارا دماو چندین مانگا، سزاو دیسپلینی پێسە بەهانێ بە پارێزنەرەکا ئەرەیاونیۆ.

بە پاو ڕاپۆرتەو نویسگەو  یاسایی سەڎەی، کە ١٧ کانوونوو دووەمینە وەڵا کریاوە:

-جە ٢٧و تەمووز و ٢٠١١یۆ تەنیا جە بەینوو ئایاری- ئابوو ٢٠١٩ینە پەنج جارۍ دیڎاروو پارێزنەرا ئەنجامدریان، دمایین دیڎار جە ٧و ئابوو ٢٠١٩ینە بیەن.

-ساڵەو ٢٠١٤ تەنیا ٥ چەمپەنەکەوتەیێ چەنی بنەیانەکا کریان.

-ئاخرچەمپەنەکەوتەی ڕووبەڕوو ٣ ئابوو ٢٠٢٠ چەنی براو وێش بییەن.

- ڕۆو ئەوەڵیوە (١٥/٢/١٩٩٩)یۆ تەنیا ٢ جارێ (٢٧ نیسانوو ٢٠٢٠ و ٢٥ ئازاروو ٢٠٢١) جە ڕاو پەیوەندیی تەلەفونییوە قسێش کەردێنێ.

-ئاخر قسەکەردەیش بە تەلەفون جە ٢٥و ئازاروو ٢٠٢١ێنە بییەن و ماوێوە کەمنە بڕیان و چا وەختۆ حیچ زانیاریێوەش بارەوە نییا.