داواکاریی تازە پەی دییەی ڕابەروو گەلوو کوردی پێشکەش کریا
پارێزنەر و بنەیانەو ڕابەروو گەلوو کوردی عەبدوڵڵا ئۆجالان بە مەبەسوو کەردەی دیداری ئیمراڵینە،سەرێ داواکاری گردینو کۆماری بورسای و ڕاوەبەرایەتیی زیندانو ئیمراڵییشا دا.
براو ڕابەروو گەلوو کوردی عەبدوڵا ئۆجالانی محەمەد ئۆجالان و پارێزنەرەکەش مەزڵوم دینچ بە داواکاریی کەردەی دیدار چەنی ڕابەروو گەلوو کوردی عەبدوڵا ئۆجالانی سەرێ داواکاری گردینوو کۆماری بورسای و ڕاوەبەرایەتیی زیندانوو ئیمراڵییشا دا.
عەلی کۆنار براو عومەر خەیری کۆناری، پۆڵاد یەڵدرم براو حامیلی یەڵدرمی و مەلیحە چەتینە واڵێ وەیسی ئاکتاشیچ بە هەمان داواکارییوە سەرێو ئا دووە ئەرەمەرزیایاشا دا.
*ڕابەروو گەلوو کوردی ماوەو ٢٥ ساڵان بە پیلانگێڵنی میاننەتەوەیی گیریان و زیندانوو دورگەو ئیمراڵینە وزیان گۆشەگیرییوە.
*ماوەو ٤٢ مانگان هیچ زانیاریێوە، بارەو ڕابەروو گەلوو کوردی عەبدوڵا ئۆجالانیوە نییەن. پەی ئی مەبەسیچە هەڵمەتەو 'ئازادیی پەی عەبدوڵا ئۆجالانی، چارەسەری سیاسی پەی پەرسەو کوردی' لاو گەلوو کوردی و دۆسەکاشۆ دەسش پەنە کریان و پەیاموو 'تا ئازادیی جەسەیی ڕابەروو گەلوو کوردی بەردەوامێ مبیمێ' مدریۆ.
