هجووموو ١٥و ئەیلوولوو ٢٠١٤و چەتەکاو داعشی پەی سەروو کۆبانێ پەی ئەزموونکەردەی هێزەکاو مدرامانوو شارەکەی وەختێوە کارەساتاوی بێ.وەلێ شکسی گەورەو داعشی ٢٦و کانوونی دووەموو ٢٠١٥ینە مەرامەکاو داعشیش بنەوە ئاردێ. دەوڵەتوو تورکی و چەتەکێش کە شکسوو وێشا پەنە قبووڵ نەکریا، ٢٥و حوزەیرانوو ٢٠١٥ینە واوەی هجوومشکەردۆ سەروو کۆبانێ دەرەنجاموو ئی هجوومە درندانەینە هەزارا کەسێ گەشمەردێ بیێ کە فرێشا ژەنی و زارۆڵێ بێنێ.  

دەگاو بەرخ بۆتانوو کۆبانێ یوە بێ جە ئیاگەکاو هەرێمەکەی کە تراژیدیاێوە کۆکوشیی فرەتاریکش ملەرە ئاما لاو چەتەکاو داعشیوە، یەک هجوومەنە ٢٨ مەدەنیێ کوشیێ، ئەدا زەرکە یوە بێ جە شایەتحاڵەکاو ڕووەدای کۆکوشیی ئا وەختەو سەروو دەگاو بەرخ بۆتانی.

شایەتحاڵەو دڕندایەتیی کۆکوشیی بەرخ بۆتانی

٢٥و حوزەیرانوو ٢٠١٥ینە وەختێ سوپای ئەرەگیرەو تورکی و چەتەکاو داعشی هجوومشا کەرد سەروو کۆبانێ، دڕندایەتیی هجوومەکاش بە چەمێ وێش دی. دلێ بۆردومانی وفیشەکانە ئەداێوە بێ کە هێمای بنەڕەتییەو گلێرگەی بێ و زارۆڵێ و نەوەکێش دلێ ریزەکاو کۆشیای ئازادیینە گیانوو وێشا بەخت کەرد. یەرێ ڕۆلێ و دوێ نەوێش کۆکوشییەکەو دەگاو بەرخ بۆتانینە جەدەس دێ، وێنەو دەریوە جە مدرامانینە ئەدا زەرگە قەوەتە بێ.

ژیواێوە دلێ کۆشیای ئازادیی کوردینە

زەرگە جنێدە کۆشەرێوە ٧٥ساڵێ بێ، کە دڵش پەڕ بێ جە چندین چیرۆکە پەڕ ئازارا. یوە جە ئازارەکا کۆکوشیی دەگاو بەرخ بۆتانی بێ پانیشتوو کۆبانێنە. ئەدا زەرگە چەنی ڕازە بەئێشەکاو دەگاو بەرخ بۆتانی ژیوا. شۆکەو جەدەسدای نەوەکاش پەی هەمیشەی ڕووەشنە مەنۆ و چەماشنە هەستش پەنە کریێ.

دایکە زەرگە سیمبۆڵێوە جەوهەرییە بێ کە خاکوو دەگاو بەرخبۆتانینە زیێ بێ. وەختێ ساڵەو ١٩٨٦ینە عەلی بادینانی مێردش ئاشناو کۆسیای ئازادیی کوردسانی بی، بی بە فاڕیاێوە جە کۆشیای ژیوای ئازادیی خێزانەکەیشانە، پەوکای یانەو زەرگەی بی بە ناوەندێوە ئا وەختەو کۆشیای. دماو ئانەیە عوسمان بادینان (فەرهاد)ی کوڕش ملۆ دلێ ڕیزەکاو پەکەکەیوە، پەی دەگاو بەرخ بۆتانی بۆ بە چیوێوە تازە.

دایکە زەرگە  چا وەختانە سەربەرزە و هەم خەمگینەیچ بێ. ئا وەختە بەتەنیا ئەوەڵوو دەسپەنەکەردەی کۆشیای مافدارانەی نەبێ پەی کوڕەکەیش،هاموەخت پەی چارەنویسوو دەگێکێشا ساتیوی یەکلاییکەرەوە بێ. ئانە کە ساڵەو ١٩٩٢ ڕووبارۆکەنە گەشمەردە بی بەتەنیا گەشمەردەبییەی ڕۆڵێوەش نەبێ، سیمبوڵیوە بێ سیمبوڵ و مدرامانی و هومێدی. جەدەسدای کوڕەکەیش ئێشش دڵشەنە ئاستۆ. سەیەو کوڕەکەیشۆ ئامانجوو ئازادی و کۆشیای ڕاش بەردە دلێ دەگاو بەرخ بۆتانیوە.

مدرامان دژوو ڕژێمی

لەسەر خاکی سوریادا وەک چیایەک وەستایەوە. هەرگیز لە دژی گوشارەکانی ڕژێم کۆڵی نەدا و بە ڕەگ و ڕیشەی قوڵییەوە لە دژی ڕژێم وەستایەوە. هاوشێوەی ڕوبارێکی بەرخۆدان لە دژی هێرشەکانی ڕژێم لە تێکۆشاندا بوو. بە ماناداری تێکۆشانییەوە بوو بە دەنگی گەلی کورد، بوو بە هێمای جوانی لە هیوا و بەرخۆدان. لە دژی ناحەقی وەستایەوە و شەڕی بۆ چاند و زمانی خۆی کرد.

دایکە زەرگە و شۆڕشوو وەرنیشتی

پێسەو یوە جە سیمبوڵەکاو مدرامانوو شۆڕشوو وەرنیشتی ئەدازەرگە بە ڕۆحوو مدرامانیوە، قەرارداریێوە  قەوەتش نیشانە دا. ساڵەو ٢٠١٢ چا وەختانە هجووم کریا سەروو کۆبانێ  بە وەڵینەو خەباتوو دلێ کۆشیای ئازادییوە وەڵێ جەژنێنە و گەنجاوە دژوو هجوومەکا مدراوە. بە هەڵوێستەکاشاوە ئرماننەرێ تایبەتمدنیی بێ، کۆشیای وێپارێزنای و ئازادی، ورگێرتەی چەکی بە دەسەکاو وێش نیشانێ دەنگوو ئازارێ و هەمان وەختینە هومێدی بێ. بە بێ تەرسی و بە قەرارداریوە دژوو دوژمنی مدراوە، هاموەخت پەی گلێرگێوە چێروو فشاروو دەوڵەتینە بێ، بییە بە ڕۆشنایی هومێدی.

 مدرامانوو کۆبانێ بە ماناو وەرگێریکەردەی بێ جە شناسنامەی و چاندی و هومیدی، پی سەبەبەوە ئەدا زەرگە جەوهەرەو سەرەوردای و ئیرادەو خولقنای جیهانوو هومێدی. بییە بە سەرچەمەو بەخشایوەی ئیرادەی بە گەنجا. بە دەنگوو مدرامانیوە کە واچێ ' من ئینانی چێ، جەنگ مکەروو' گرد یاگێوەنە دەنگشداوە و بییە بە هێماو پەشتیوانی و باوڕداریی پەی گەنجا.

گردوو ژیوایش سەروو ڕاو گەشمەرداوە بێ

گردوو وەختەکاو ژیوایشەنە  خاوەندارییش جە یادوو گەشمەردا کەرد و بە خاوەنداری جە ئامانجوو ئازادی چێروو چەترەو یەپەژەی و قەسەدەینە دژوو دوژمنی گژیا. ئەدا زەرگە دڵسۆزەو خاکی و کۆشیای بێ، بییە بە ڕۆشنایی ڕاو ئازادیی.

ئەدا زەرگە کە ڕۆڵەکێش؛ موستەفا، حەلیمە و کیفاح بادینان. هەرپاسە ژیان بادینان و ئاراس جێدی نەوێش دلێ ڕیزەکاو کۆشیای ئازادیینە کۆشیێ و گیانشا بەخت کەرد، دماو مەردەی عەبدولقادری کوڕیش ١٩و ئابینە، ئەدا زەرگە بە خەمەکاو دلیشۆ٢١و ئابینە بە نەوەشیی دڵی گیانش جەدەس دا و بە دڵی پەڕ جە هومێدوو ئازادی و بێشکێ مدرامانیوە یانەئاواییش کەرد و پەی هەمیشەی بییە بە سیمبولەو مدرامانی و هومێدی.