دکتۆرەکێ سری سوورەیا ئۆندەری کە ئینا بەشو چەمدێری چڕینە، ئاماژەشا پانەیەدا، دۆخو ئۆندەری بە بەروارد بە هیزی جوابی خاسو چارەسەر کەردەی مڏۆوە و واتشا: "تەرسی سەرو ژیوای نەوەشەکەیما بەردەوامیش هەن".
یاگەگیرەو سەرۆکو پەڕلەمانی و ئەندامو شاندو ئیمراڵیی دەم پارتی، سری سوورەیا ئوندەر شەوەو ١٥و نیسانی سەکتەو دڵی داشوەنە، جە خەسەخانەو فلۆرانس نایتنگەیلینە ١٢ سەعاتێ عەمەلیاتش پەی کریا و ڕۆو چوار شەممەی بەشو چەمدێری چڕینە وسنریا.
دکتۆرەکێ سەرو دماین دۆخو تەندروسی ئۆندەری ئەرەیاونێوەشا دا.
پڕۆفیسۆر. د. چاڤلان ئەرەیاوناش ئوندەر بەخاسی جوابو چارەسەرییەکەیش داوە و واتش: " چی لایەنۆ ئینسان هورسەنگنایش پەی بکەرۆ ئانە جوابدایۆ خاسش هەن. ئینایمێ جا بڕوێنە پەنەوازیما بە کاتی هەن، تاوەکو ماوێوە فرە ئینە بەردەوامش هەن. ئی دۆخە یاگێ هیواینە."
د. چاڤلان چیفتچی جە بەردەوامی ئەرەیاوناکەینە واتش: "جە بەشو حەقیقەتو جەسەینە بە بەراورد چنی هیزی فاڕییای وەش بییەن. تەرسەکێ هەڵای بەردەوامیش هەن. واتما پەی ئینەی کاتی فرەما پەنەوازا، بەڵام بەمەڵامەتو ئانەی بەشو چەپو دڵیش خاسا، ئینە هیوایێ مڏۆ کە یارمەتی لاو ڕاسی دۆنە."
