ئەرەیاوناو کۆنسەس ڕاوەبەری کەجەکەینە وچیان: "هەم وەراو ئا بڕوێ کە بە ڕابەر ئاپۆی و پرۆسەکەی هەنما، هەم وەرو ئا رێز و حورمەتەی مڏەیمێش بە دۆس و هەمڕاو دۆزو گەلەکەیما، ئێژا سری سورەیا ئۆندەر هەوڵەکێما زیاتەر مکەرمێ و درێژەش پنەمڏەیمێ."

ئەرەیاوناو کەجەکەی پی جۆرەنە:

"یاگەگیرو سەرۆکو پەڕلەمانی جە بەشو دەم پارتی و ئەندامو شاندو ئیمراڵی، ئێژا سری سورەیا ئۆندەر بەمەڵامەتو سەکتەو دڵیۆ ڕەوانەو نەوەشخانەی کریا و عەمەلیاتێ ١٢ سەعاتیش پەی ئەنجام دریا. بەڵام داخەم مەشۆ دکتۆرەکێ واتشا، هەڵای تەرسی سەرو ژیوایش بەردەواما. بە غەمگینییۆ ئی هەواڵێما جە ئەرەیاوناکاوە شنی و هەوڵما دا دۆخو حەقەتینەیش بزانمێ. وەڵێ گرڏ چێوێ هیواو فرە زوو خاسبییەیش پەی وازمێ و هیواو وێڕاگیریش پەی وازمێ. یاگێ بێتاقەتیێ گۆرێنە کە ئینسانێ سەنگین کەوتەن دۆخێوە چی جۆرە، کە بە ئەوەکۆشای سۆسیالیزمی و دیموکراسی، بە هەرمانە هونەرییەکاش بییەن بە موڵکو گەلی. هیوادارێنمێ بە زووترین کات ئی دۆخەیە ویەرنۆ و درێژە بە هەرمانە تەمام نەکریاکاش و بە تایبەت هەرمانەکاش پەی ئاشتی و دیموکراسی دۆنە. ئەرەیاونمێش خواست، هیوا و چەمەڕایێ چی جۆرەما هەن.

جە کاتێنە کە چارەسەرو سیاسی دیموکراتیکو پەرسەو کوردی بییەن بە رۆژەڤو تورکیای و هەنگامەی گرنگە بەرەو دیالۆگ نریۆنە، کەوتەی دۆخێوە چی جۆرەو سری سورەیا ئۆندەر، کە چی پرۆسەنە دەورێ ستراتیژی گێڵنێ، فرە کاریگەریش بۆنە. وەرو ئانەی سری سورەیا ئۆندەر هەرمانەی گرنگە بەرێ ڕاوە و پەی گەشە کەردەی  ئاشتی و گلێرگەو دیموکراتیکی و یاوای پی ئاستەی دەورێ گۆرە گێڵنێ. سەرو ئی بنەمێ دماو گلێرۆبییەی چنی سەرۆککۆماری و وەڵێ چەمپنەکەوتەی چنی وەزیرو دادی کەوت دۆخێ چی جۆرە. پۆکەی ئانێ جە تورکیانە لایەنگرو دیموکراتیکبییەی و چارەسەرو پەرسەو کوردینێ، پەنەوازا فرە خاستەر جە ماناداری و سەنگینی هەرمانەکا سری سورەیا ئۆندەری یاوانە و پەی بەرەو وەڵێ پرۆسەو چارەسەری دیموکراتیکی و ئاشتی ئازایانە تەر هەرمانە بکەرا و هەوڵدانە.

پێسەو ئانەی دکتۆرێ عەلیاتی باسشا کەردەن، ئانەی زانریۆنە دۆخو ئیسەی دۆخێوە ئاسایی نییا، ئینا دۆخێوە سەختەنە. ئەر دەورو سری سورەیا ئۆندەری جە پرۆسەو سیاسینە وەرچەمگیریۆنە، ئاکاتە مشۆم ئینسان بە گومانۆ تەماشە و ئی دۆخەیە بکەرۆ. سری سورەیا ئۆندەر چالاکانە بەشداری ئی پرۆسەیە بێ. گەرەکمانە ئی نیگەرانی وێما ئاشکرا کەرمێنە و داوا جە گرڏو هێزە پەیوەندیدارەکا مکەرمێ پەی ڕۆشنکەردەیۆ ئی دۆخەی جە هەوڵدای پەنەوازەنەبا. حەر وێش ڕابەر ئاپۆ جە دیدارەکاشەنە بە گرنگییۆ سەرنجش وستەبێ سەرو ئەگەرو ڕووەدای دۆخێ چی جۆرەی و داواش جە گرڏ کەسێ کەرد ڕاگێرانە وەر و ئاگادارێ بانە.

پەی سەروستەو ئی پرۆسەیە کە بە بانگەوازو 'ئاشتی و گلێرگەو دیموکراتیک'و ڕابەر ئاپۆی دەسش پنەکەردەن و بە هەرمانە و هەوڵە گۆرەکا ئێژا سری سورەیا ئۆندەری لوان وەڵێ، جە ئیسە و دماتەریچ درێژە بە هەوڵەکاما مڏەیمێ. هەم وەرو ئا باوەڕدارییەی بە ڕابەر ئاپۆی و پرۆسەکەیما هەن، هەم وەرو ئا رێز و حورمەتەی مڏەیمێش بە دۆس و هەمڕاو دۆزو گەلەکەیما، ئێژا سری سورەیا ئۆندەر هەوڵدێکێما زیاتەر مکەرمێ و درێژەش پنەمڏەیمێ. جارێوەتەر هیواو خێرا خاسبییەیش پەی وازمێ و ماچمێنە، دڵما چنی دڵە سەنگینەکەو ئاڏی مڏۆوەنە."