کاندیدو پارتو یەکسانی و دیموکراسیی گەلا (دەم پارتی) پەی هامسەرۆکو شارەوانیی وانی، عەبدوڵا زەیدان حەرچند  ورچنیەینە براوە بی، کەچی مەرسومو سەرکەوتەیش نەدریا پەنە. دەم پارتی چی بارەوە ئەرەیاوناێوەش وەڵا کەردۆ.

دەم پارتی ئەرەمیاونۆش سەرەڕاو ئانەی کاندیدەکەشا فرەو دەنگەکاش ئاردێنێ، کەچی دەسەو باڵاو ورچنیەی مەرسومو شارەوانیی وانی تەسلیمو کاندیدو ئاکەپەی کریان، ئی قەرارەیە بە کودەتای سیاسی نمای منیۆ. ئەوەخوایش مکەرۆوە ئی قەرارە قبووڵنەکەردەی ئیرادەو گەلین و پارێزنەرەکاو دەم پارتی سکاڵای یاساییەشا کەردێنە و ماچۆ: "داوا جە دەسەو باڵاو ورچنیەیەکا مکەرمێن، دمایی پی ناهەقییە بارۆ و ئیرادەو گەلی قبووڵ بکەرۆ. پارتەکەما و ئەندامەکێما و گەلەکەما سەرو پایاوە بانی و تا دمایی دژوو ئی قەرارە نایاساییویوە ناڕەزایەتیی ڕەوا و دیموکراتیک بەروزا".