دەسەو ڕاوەبەری مېیانو دەم پارتی واتش: "دەسوەردای دادوەری جە دژو شارەوانی گۊرەشارو ئەستەنبوڵی  جە ١٩و ئاداریوە بەردەواما. ئی ئۆپراسیۆنێچە دژو شارەوانییەکا گەلی و لایەنو ئۆپۆزسیۆنی ئەنجام دریان."

دەم پارتی ئاماژەش پانەی دا ئینەیچ بۆ بە مەڵامەتو ئانەی کە میلیۆنان هاموڵاتیۍ کە ئیسفاڎە جە خزمەتگوزارییەکا شارەوانییەکا هۊرگێرا، بێبەشۍ با و شارەوانییەکا ئۆپۆزسیۆنو گەلی سزا مڎۆ.

دەم پارتی ئەرەیاۋناش کە دەسسەرەرەگێرتەی و زینانیکەردەی پی جۊرە پاشێلکاریێوە جدیا جە دژو یاسا و دیموکراسی و واتش: "بە پاو ئا هەنگاما نییا کە نریێنۍ و بە پاو ئا هەستیارییە نییا کە پۊرەشەرە موېیەرمۍ، مېڎانی سیاسی وەرتەسک مکەرۊوە."

دەسەو ڕاوەبەری مېیانو دەم پارتی داواو دمایی پنەئاردەو ئی ئۆپراسیۆناشە کەرد و واتش: "مشۊم یاسا پەی گرڎ کەسۍ بەبێ لایەنی جابەجێ بکریۆ. شارەوانیەکۍ هینۍ گەلینۍ، بڕبڕەو مازی دیموکراسی دلېینەینۍ. مشۊم تەوقەی دادوەریەو سەرو شارەوانییەکا هۊرگیریۆ".