قسەکەرەو پارتوو یەکسانی و دیموکراسیی گەلا (دەم پارتی) ئایشەگوڵ دۆغانە دەربارەو کۆبییەیوە لوجنەو ڕاوەبەری ناوەندی ناوەندی گردینەنە کۆنگرەی ڕۆنامەوانییش بەست.

ئایشەگوڵ دۆغانەبەئامانجوو تیشکوستەیسەروو فشارەکا پەی سەروو زوانی ئەدایی، بەکوردی دەسش کەرد بە قسەکاش و ئەرەیاوناش فشارەکێ پەی سەروو کولتوور و زوانی کوردیی تا مێ فرەتەرێ با و دژوو گردوو فشارەکا مدراوە.

دۆغانە تیشکەش وستە سەروو پەرسەو  پەرلەمانتار جان ئاتالای و واتش: "جان ئاتالای پەرلەمانتار، یاگێش پەرلەمانا نەوەک زیندان، پەنەوازا زیندانیەکاو دۆزوو کۆبانێ و گەزی پی نزیکانە هوربسەنگییا، تا بە ئازادانە سیاسەت بکریۆ. مشۆم پەرلەما هەرمانە و وەرپەرسیی وێش بیاونۆ یاگێ".

ئایشەگوڵ دۆغانە ئەرەیاوناش دلێنە و بەرۆ سیاسەتوو چارەسەرنەکەردەی هەن، واتش:" جەنگ وەرکەوتوو دلیڕاسەینە وەڵا بییەنۆ، ساڵانیوا درێژە بە کۆشیای مدەیمێ. بەینوو ڕێککەوتەی ئەنقەرەی و بەغداینە باسوو هەنگامیوە تەرێم کەرد، هامکاریی ئەمنی و سەروازیی دژوو تیرۆری، وەرکەوتوو دلێڕاسەینە کیشەکێ بە بنکەی سەروازی چارەسەرێ نمەکریا، ئارۆ تورکیانە ئانە کە پەنەوازیین، جمیەرێوە قەوەتی ئاشتی و دیموکراسییا".