دماو مەنەیۆیش پێ ماوەو ٣٠ ساڵا زینڎانەنە، موتڵەق تۆزون بە شەرتە ئازاڎکریا و گیانی عەمرەو خوڎایش کەردە، جە دەگاو کزکاپانی پانۆسی بە درووشمەو "گەشمەرڎێ مەمرا" ئەسپەردە بە خاکی کریا.
دماو مەنەیۆیش پێ ماوەو ٣٠ ساڵا جە زینڎانەنە، موتڵەق تۆزون جە خەسەخانەو پەروەردە و ئەوەکۆڵیای وانینە چارەسەریش پێ کریێ، سەرسەعبوو ئارۆی عەمرەو خوڎایش کەردە و جە دەگاو کزکاپانی مەنتیقەو پانۆسی ئاگرینە ئەسپەردە کریا.
سەڎان ترۆمبێلێ جە دووڕیانوو پانۆسی کزکاپانینە شۆنەو ترۆمبێلوو جەنازەکەی کۆتۍ و لووۍ دلۍ دەگاکۍ. جە مەراسیمەکەنە نوێنەروو بەشێوە فرەی جە پارت و ڕێکوزیاکا و کەسایەتیەکا بەشدارۍ بێنۍ.
جە مەراسیمەکەنە هامسەرۆکوو جەمەو پەشتیوانی جە بنەیانەو زینڎانیا و حکومدریایا وانی (توای دەر)، چەتین ئویار ئەرەیاۋناش جە کەسایەتی هەڤاڵ موتڵەقینە وەعد پۍ٤٠ هەزار گەشمەرڎا کوردسانی واوەی مکەرمێوە کە وەرمەکاشا بەدی مارمێ، واتش: "ئارۆ جە سایەو هەڤاڵە شۆڕشگێڵناماوە سەروو خاکوو کوردسانیۆ مژیومۍ. ئەگەر قارەمانە شۆڕشگێڵنەکۍ ئارۆی نەبا، دلۍ کۆڵۆنیاڵیزمێوە ڕەهاینە ژیوێنمۍ. بە نامۍ گرڎوو ڕێکوزیاکاوە سەرەوەشی جە بنەیانەکەیش مکەرمۍ".
جەماوەر بێ مردای درووشمەو "گەشمەرڎۍ مەمرا"یشا بەرز کەردۆ و لووۍ پۍ سەردای بنەیانەو تۆزونی. بنەیانەکە جە تەعزیەخانەنەو سەرەوەشی دەگاو کزکاپانینە خێرامایشا جە ئاماڎەبیا کەرد.
