زیندانییوە بە نامۍ محمەد یەڵدەمیوە (٦٥) ساڵە، دماو ٣٠ ساڵا زیندانی ئازاڎ بی. یەڵدەم ساڵەو ١٩٩٣ ئەدەنەنە گیریا، لاو دادگاو ئاسایشوو دەوڵەتیوە بە بەهانۍ "تێکدای یۊبییەی وەڵات"یوە سزای حەتاحەتاییەش پەی بڕیاوە.

'حەتا گۊشەگیری مەڕیۊ مشۊم کۊشیای بەرڎەوام بۊ'

یەڵدەم وەرڎەموو زیندانینە قسێش کەردۍ و باسوو ئانەیش کەرد، وەروو ئانەی هامڕاکەش جیاش ئاستەن هەست بە غەمگینی کەرۊ و واتش: "دۊزوو ئێمە دۊزوو ئازاڎیین، ئازاڎییچ ئاسان نییا. ئازاڎی بە کۊشیای پێک مێ". یەڵدەم سەرەنجەش وستە سەروو مانگێرتا جە وارڎەی و واتش: "تا داوێکێما بەدەس مەیا کۊشیایما بەرڎەوام بۊ. مشۊم دلێوە و بەرۊ کۊشیای گەورە کەرمێ".

یەڵدەم باسش کەرد زینداننە نەوەشیی قورسش گێرتەن و پاسە بەرڎەوام بی: "جگە جە  نەوەشکەوتەیم بەریچۊ جە کۊشیای بەرڎەوام بوو. پەی دۊزوو ئازاڎیی ٣٠ وزیانا زیندان. تا دما هەناسە جە کۊشیای بەرڎەوام بوو".