یۆبییەی هێزە دیموکراتیکەکا و ڕێکوزییا عەلەوییەکێ دەربارەو هرووژمەکا سەرو سوریای نامێوەشا ئاڕاسەو سەرۆک شالېیارو بەریتانیای کەرد.

فیدراسیۆنو عەلەوییەکا بەریتانیای نامێوە کراوەشا ئاڕاسەو سەرۆک شالېیارو بەریتانیای کەرد. دلێشەنە جەخت وزیان سەرو هەڕەشۍ سەرو سلامەتی کەمینەکا سوریای و ڕەخنە جە بێدەنگی گلێرگەی مییاندۆڵەتی گیریان. جەختکریانۆ هەیئەو تەحریر ئەل شام (هەتەشە)ی و گرووپە ڕادیکاڵەکێ هامشێوەیش، عەلەوی و کورد و ئەرمەنی و ئاشووری و تورکمان و مەسیحی و ئێزدی و دورزی و گرڏو کەمینەکا کەرانە ئامانج، بە ڕێبازو حیساب نەکەردەی پەی بەها مرۆڤایەتییەکا جە هەرێمەکەنە هەوڵو قڕکەردەی مڎانە.

فیدراسیۆنەکە واوەیش کەرۆوە پەنەوازا بەریتانیا و هێزە مییاننەتەوەییەکێ دژو ئی هەرمانە نایاساییا هەڵوێسی جدیشا بۆنە.

جە نامەکەنە ئی داواکاریێ کریێنێ:

پەنەوازا هامکارییەکێ پەی گرووپە ڕادیکاڵەکا مردانە و زەمینەسازی بکریۆ پەی یەکسانی و ئایندەو گرڏو گەلا سوریای.

جیای ورەتەو چەکی هامکاری مرۆیی بیاویۆ بە هەرێمەکەی.

هامکاری تیمە تەندرووستییەکا پەی گرڏی و بەتایبەت پەی زاڕۆڵا.

هەوڵدای پەی مدرنای هەڵوێسی هرووژمکەرانەو تورکیای پەی سەرو هەرێمەکەی".