پرۆسەو دادگاییکەردەکەی جە زانشتگەو لیبر دی برۆکسلی (زانشتگەو ئازادی برۆکسلی) دەسش پنەکەرڎ و پارێزنەرا، چالاکا مافو مرۆڤی، هەرپاسە قوربانیاو هرووژمەکا و شایەتۍ هرووژمەکا ئاماڎۍ بێنۍ. جە مېیانەو دادگاییەکەینە داوا جە دۊڵەتو تورکی کریا پەی وەرگریکەردەی ئاماڎەو دادگاکەی بۆ و پارێزگاری جە ۋێش بکەرۆ، بەڵام نوێنەرو دۊڵەتو تورکی بەشداری ئەرەنیشتەکەیش نەکەرد. دادگای کەردەکەی بە شێوێوە غیابی ملۊڕاوە.

سەرەتاو دادگایکەردەکەینە جە لایەنو بیاسینتۆ بیسۆگنیۆ وتێوە پێشکەشکریا. بیسۆگنی ئەرەیاۋناش، "ئێمە پەی ئی دادگاییکەردەیە گرنگەیە کوۍ بیێنمێوە و ماوەو دادگاییکەردەکەی دووۍ ڕووۍ بەردەوام بۆ، دادگاییکەردەکەی بە پاڵپەشتی زانشتگەو ئازادی برۆکسلی ملۊڕاوە، ئێمە پەی پارێزنای مافەکا مرۆڤی و پارېزنای ۋەرنیشتی چۍ ئاماڎۍ بێنمۍ. ۋەرنیشت ئا یاگېنە کە ئازادی ژەنۍ و دیموکراسی چنەشەنە بنیاڎ نریان؛ پا مەڵا مەتۆ مشۆم پارزنمێش. خېرئامایتا مکەرمۍ و هەر مەندۍ."

جە مېیانو دادگاییەکەینە تاوتوۍ سەرو تاوانەکا کوشتەی خەڵکی مەدەنی، ڕۆنامەنوویسا و سیاسەتمەدارا، ئەشکەنجەدای، کردەوۍ نامرۆڤانۍ و هەرپاسە هرووژمکەردەی سەرو چېرخانی ئابووری گەلاو ناوچەکەی و بەکارئاوردەی چەکی قەڎەغەکریای مکریۆ.

بەرنامەکۍ ڕۊو یووەمی:

٩:٠٠ – ٩:٣٠: تۆمارکەردەی و وەڵۍ ئەرەنیشتەی

٩:٣٠ – ٩:٤٥: ئشناسای ئەنداماو دادگای

٩:٤٥ – ١٠:١٥: وتارەو سەرەتای جە لایەنو داواکاری گرڎیوە

١٠: ١٥ – ١٢:٣٠: ئەرەنیشتەی یووەم

١٣:٣٠ -  ١٥:٠٠: ئەرەنیشتەی دووەم

١٥:١٥ – ١٧:٥٠: ئەرەنیشتەی یەرەم

ئاماڎەکارا و ئەرەمەرزیا پەشتیوانەکۍ

دادگاییەکە جە لایەنو کۆمیتەو پەیوەندییەکا جبەرو ئیدارەو ۋېڕاوەبەری سەرنیشت و ۋەرکۊتوو سووریای، گرووپێوە جە پارێزنەرا کە شۊنیرەلوای پەی تاوانە جەنگییەکا دۊڵەتو تورکی مکەرا، مېیانو پارېزنای و ئەوەکۊڵیای جە مافو ژەنا و ڕێکوزیا جیاوازەکا مافو مرۆڤی ملۊڕاوە.

هەرپاسە کۆنگرەو نەتەوەیی کوردەسانی و ئەنستیتۆو کوردا برۆکسلی، جەمەو پارێزنەرا مېیاننەتەوەیی و دیموکراسی- ULB, MAF-DAD ، جەمەو پارێزنەرا دیموکراتیکی ئۊروپای- IADL ، جەمەو مېیاننەتەوەیی پارێزنەرا دیموکراتیکی، پەشتگیری جە چالاکییەکەینە مکەرا.