دۊڵەتو تورکی فاشیستی بە هرووژمەکاش پەی سەرو ڕۆنامەوانا جە ساڵۊو ٢٠١٩ی تا ئیساتۍ جە پانیشتوو کوردەسانی و هەرێمو سەرنیشت و ۋەرکۊتوو سووریای، تا ئیساتۍ ١٤ ڕۆنامەوانێش گەشمەرڎۍ کەردێنۍ و هەرپاسە حۊت ڕۆنامەوانېچ زامڎارۍ بیێنۍ.
ئا ڕۊنامەوانۍ کە جە یووەم ڕۆو بەردەوامی هرووژمەکاوە شۊنیرەلوای و گوزارشتە سەرو پێشئامایەکا مکەرا، جە ۋەرا ۋەرەنە دۊڵەتو تورکی بە بێ گۊشدای بە حیچ یاسېوە مېیاننەتەوەی کە جەخت جە 'پارېزنای گیانو ڕۆنامەوانا مکەراوە' بە فڕۆکەی بێفڕۆکەوان، یان بۆردوومان و تیرۆرکەردەی کریێنۍ ئامانج، حەرچڼە وەڵتەریچ بە هامکارییکەردەی داعشی تاوانبارو گەشمەرڎەکەردەی ڕۆنامەوانان، وەلۍ جە ساڵۊو ٢٠١٩یۆ دەسشکەرڎەن بە هرووژمېوە ۋەرفراوان پەی سەرو ڕۆنامەوانا ئەرەیاۋنای ئازادی، تا ئیساتێچ ٢١ ڕۆنامەوانێش بەئامانج گېرتێنۍ.
ئامارەو هرووژم و گەشمەرڎەکەرڎەی و زامڎارکەردەی ڕۆنامەوانا پی جۊرەنە:
١١ و نۊۋەمبەرو ٢٠١٩: ڕۆنامەنوویس وەدات ئەردەمچی جە هرووژمۍ ئاسمانینە پەی سەرو سەرێکانی گەشمەرڎەبی.
١٣ و نۊۋەمبەرو ٢٠١٩: جە بۊمبوارانو سەرێکانینە، سەید ئەحمەد، پەیامکیانو ئاژانسو هاواری و محەمەد حسێن ڕێشۆ، پەیامکیانو کەناڵو ئاسمانی چرای گەشمەرڎۍ کریۍ.
١٣ و نۊۋەمبەرو ٢٠١٩: دلۆڤان گەڤەر جە هرووژمی ئاسمانینە بە فڕۆکەی بێفڕۆکەوان پەی سەرو ترۊمبېلو ڕۆنامەوانا جە گرێ سپینە گەشمەرڎە کریا.
جە ٢٠١٩: زیزیس سینکێ، ئەندامو چاپخانەو فری بۆر مەرینجەری جە بۊمبوارانو تەلتەمرینە گەشمەرڎە کریا.
٤ و نۊۋەمبەرو ٢٠٢٢: ناگیهان ئاکارسەلە، ژەنە ڕۆژامەنوویسە و ئەوەکۊڵیەرە جە سلێمانینە تیرۆرە کریا.
١٩و تشرینو دووەمو ٢٠٢٢: پەیامکیانو ئاژانسو هاواری، عیسام عەبدوڵا جە هرووژمۍ ئاسمانینە جە دێرک گەشمەرڎە کریا.
٢٣ۍ ئابو ٢٠٢٣: ترۊمبێلو ژن تیڤی سەرو ڕاو قامیشلۆ-عاموودای بۊمبواران کریا، جە هرووژمەکەنە، نەجمەدین فەیسەل ئەلحەج سینان، کارمەندو کەناڵو ژن تیڤی گەشمەرڎە کریا و پەیامکیانەو هەمان دەزگایچ بە نامۍ دەلیلا عەگیدی زامڎارە بیە.
٨و تەموزو ٢٠٢٤: هرووژمێوە ئاسمانی کریا سەرو ئا ترۊمبېلەی کە کارمەندا چرا تیڤی و چرا ئێف ئێمیش چنە بێنۍ کە شنگالەنە شۊنیرەلوای پەی هەواڵەکا کەرێنۍ، مراد میرزا پەیامکیانو چرا ئێف ئێمی کە جە بۊمبوارانەکەنە زامڎار بی، جە ١١و تەمووزو ٢٠٢٤ ینە گەشمەرڎە بی، هەرپاسە ڕۆنامەنوویسێوە تەرو چراتیڤی زامڎار بی.
٢٣ۍ ئابو ٢٠٢٤: ترۊمبېلێوە سەر بە کۆمپانیاو چەتری پەی بەرهەمئاوردەی میدیایی چنی تیمەکەیشا جە ناوچەو سەیدسایەقی بە فڕۆکەی بێفڕۆکەوانو دۊڵەتو ئەرەگیرو تورکی کریۍ ئامانج، سەرەنجامو هرووژمەکەینە ڕۆنامەوانا گوڵستان تارا و هێرۆ بەهادینە گەشمەرڎۍ بیۍ و پەنج ڕۆنامەنوویسێچ زامڎارۍ بیۍ.
١٩و کانوونو یووەمو ٢٠٢٤: ڕۆنامەوان نازم داشتان و جیهان بیلگینە کە شۊنیرە لوای پەی پێشئامایەکا سەرنیشت و ۋەرکۊتوو سووریای کەرێنۍ، جە هرووژمېوە فڕۆکەی بێفڕۆکەوانینە پەی سەرو ڕاو بەینو بەنداوو تشرینی و ناوچەو سرینی گەشمەرڎۍ کریۍ.
٢٧و کانوونو دووەمو ٢٠٢٥، دۊڵەتو تورکی بە فڕۆکەی بێفڕۆکەوان بۊمبوارانو ترۆمبێلۍ هاموڵاتییا مەدەنیش نزیک بە دەگاو گردجانی جە ناوچەو چوارقوڕنەی سەربە ئیدارەو ڕاپەڕینی کەرڎ، پا مەڵا مەتۆ ڕۆنامەنوویس “عەزیز کۆیلوئۆغلو” گەشمەرڎە بی.
ئی ئامارێچە پنەما ماچا دۊڵەتو تورکی ئەرەگیری بێ گۊشدای بە یاسا مېیاندەوڵەتیەکا پەی پارېزنای ڕۆنامەوانا جە جەنگەنە سەرەمڕە ڕۆنامەوانۍ ئەرەیاۋنای ئازادیش بە ئامانج گرتێنۍ، بە ئامانجو ئانەی ڕاسی کۆمکوژییەکاش جە ڕایگرڎینو جەهانی بشارۊوە و پیلانە چەپەڵ و ئەرەگیریەکاش جابەجێ بکەرۆ بە هامکاری هێڵۊو خیانەتو دلېینەی.
