بە پاو لوایشونیرەی ئاژانسو هاوار نیوز (ئانها) بەرکەوتەن، سەرەتاو هرووژمو چەتەکا سوپاو نەتەوەیی سووریا (سمۆ) پەی سەرو منبجی جە ٢٧و نۆوەمبەری، ئا چەتێ گرد تاوانێ جەنگی جە شێوەو کوشتەی، ئەشکەنجەو هاموڵاتییا و تاڵانکەردەی و دزی ئەنجام مڎا.

بەپاو ئانهای پەی کۆکەردەیۆ داتاکا پەشتیش بە سەرچەمە دلېینەییەکا بینان و چنی ئانەیچ جەمۍ دیمەنێش نیێنێرە، پی جۊرە ڕیزبەندی ئا تاواناشە دیاری کەردەن:

تاوانەی یوەمە: کوشتەو ڕاسەوخۆو دیلەکا

دیمەنەکانە بەرگنۆ کە چنین چەتەکۍ سمۆی بە ئەمرەو سەرچەتەکەیشا، دەسڕێژو گولا جە ٤ جەنگاوەرە زامڎارا مکەرا.

تاوانەو دووەمە: ئەشکنجەدای هاموڵاتییا

دیمەنەکانە بەرگنۆ کە چنین چەتەکێ سوکایەتی بە ٣ مەدەنیە باڵبەس کریایا مکەرا. یۆ جە باڵبەسکریاکا پیرەمێردێن  و گرد  جۆرە تنوتیژیێ دژش ئەنجام مڎا.

هەڵای چارەنوویسو ئا دیلا نادیارا و تەرسی سەرو ژیوایشا هەن.

تاوانەی یەرەمە: تاڵانی، کاولکەردەی و دزی

دیمەنێوە تەرەنە بەرگنۆ کە چنین ٢ چەتێ مڎا سەرو یانێوەرە، چەتەکێ مۆبایلەکا دزا و هەوڵمڎا کامێراو چەمڎارییەکەی ماڕانە.

دماو هرووژمەکا سوپاو نەتەوەیی سوریای پەی سەرو منبجی، چنین یانێ  هامڵاتییا جە لایەنو چەتەکاوە تاڵان کریێ. جە دژو ئی کردەوا هیزی ئەرەنیشتا منبجی 'مانگرێرتەی گردیشا'ئەرەیاونا.

تاوانەی چوارەمە: پاشێلکەردەو حەرەمی و شکۆو یانا

دیمەنەکانە ئانە بەرگنۆ کە چنین چەتەکێ "مغاویر جەرابلس"ی سەر بە چەتەکا سمۆی هرووژم مکەرا سەرو یانێوە جە دەگاو منبجینە. کەلوپەلو یانەکەی دزانە  و دووێ تڕۆمبێلێ تاڵان مکەرا.