بە پاو ئاژانسو هەواڵو ڕۆژنیوزی کە زانیارییەکێش جە سەرچەمە دلینییەکا هورگێردێنی، کەسێ نەشناسێ جە دەگاکا هەرێمو زێبارییانینە جە دامێنو کەشو گارەی سوڕیاوە واتەنشا 'ئەر تا ٦و شوباتی دەگاکاتا چۆڵ نەکەردێ، ئانە وێتا وەرپرسێنێ چا ڕووداوا ' هەڕەشێ جە دەگانشینا مکەرا.

ئەرەیاویا ئا کەسێ هەڕەشەکێشا وەڵاکەردێنێ سەر بە میتو-پارێزناو پەدەکەینێ.

سەرچەمەکە ئاماژەش پانەیە کەردەن، بە تایبەت دەگاکا نباخ، بیرکەکۆر و کافیا کە گرڏشا گنانە هەرێمو زێباریانی هەڕەشێشا ونەکریێنە.

جە لێوەتەرۆ دیمەنێوە جە میدیا دیجیتاڵیەن وەڵا بییەنۆ، کە سەروازا تورکی ئەرەگیری ملانە دەگاو کێستەی بادینانی  و جە لایەنو کەسێوە بە نامێ ئومێد سەعیدیۆ بە گەرمی پێشوازیشا چنە مکەرا. دما بەدماو وەڵابییەیۆ ئی دیمەنا جە میدیا دیجیتاڵەنە کاردانەوێ تنس ونەکەوتۆ.