فەرماندۍ قەرارگەو ناوەندی یەژا ستاری شەردا مەزڵوم گابارە بەشداریش جە بەرنامەو تەلەفزیۆنی مەدیا خەبەرینە کەرد و هۊرسەنگنایش پەی ڕۆژەڤەکا کەرد، بەتایبەت سەروو مژاروو جەنگی ئەرەگیری سەروو کوردسانی مردا.

'جەنگېوە فرە گەورە جە کوردسانەنە ڕووە مڎۆ'

شەردا مەزڵوم گابارە ئاماژەش پانەی دا کە جەنگێوە فرە گەورە جە کوردسانەنە ڕووە مڎۆ و واتش: "جەنگ فرە وەڵابۆوە و گرڎوو کوردسانی گێرۆوە. ۋەروو ئانەی چی چن ڕووا دمایینە ئاماو لووای دیبلۆماسی ئینا ئارانا. ئینە ڕاسی قۆناغەکەین. ڕابەرایەتی جە نەورۆزوو ٢٠١٣ینە ئاماژەش پانەی کەرد 'گەر ئی قۆناغۍ جە بەین بلۆ، یانی بە پاو ئانەی نەبۆ کە قەرارا بلۆڕاوە، ئانە ئا جەنگەی کوردسانەنە ڕووەمڎۆ جەنگێوە ئاسایی مەبۆ. ۋەروو ئانەی نە ئیمە، پېسە گەلوو کوردی، نە هێزە ئازاڎیوازەکۍ، کە ئینۍ دلۍ ڕاسی پەکەکەینە. نە متاوا پېسە وەڵتەری جەنگ بکەرا، نە متاوایچ پېسە وەڵتەری بژیۋا'. ئی حەقەتینە پەشتڕاستبیۆ، کە بەڕا و ڕێبازی وەڵینۆ جەنگەکۍ مەلا ڕاوە، حەرپاسە ژیۋایچ بە ڕێبازەکاو وەڵتەری مەبۆ. ڕابەرایەتی ئینەش ساڵانێوەن واتەن. جە کوردسانیچەنە جەنگوو گەریلای بە تەکنیکوو وەڵتەری ڕاوەمەبریۆ. ڕابەرایەتی چا سەردەمەنە ئانەش دیاریکەرد پەنەوازش بە سەرجەنۆ بنیاڎنیایۆ هەن. ئینەیچ پەی گەریلای جە گرڎ وەختێنە ڕۆژەڤا. یانی گفتوگۆ سەروو ئانەی کریا کە گەریلا چنی متاوۆ سەرجە نۆ ۋێش بنیاڎبنیۆوە، بەشێوەی عالتەر سەرکەوتەی بە بنەما گێرۆ و ڕێبازوو جەنگی سەرکەوتەی بەرۆڕاوە.

ۋەروو ئانەی تا ئیساتۍ مدرامان پی جۊرە ئەنجام دریۍ، هەنگامەی گرنگەیچ نەنریۍ، بەڵام دیسان ڕابەرایەتی ڕەخنەما کەرۍ. یانی ڕەخنەو ئانەیما ۋنەگیریۍ جە شێوازوو جەنگینە چەقبەستە مەنمېوە، خوڵقنای جە تاکتیکەنە مەکەرمۍ. بەڵام متاوو ئانەی بواچوو؛ جە ساڵەو ٢٠١٤ بەدمایۆ، بەتایبەت جە ساڵەو ٢٠١٥یۆ قۆناغەو جەنگی بە گرانی ملۆڕاوە کە دەوڵەتوو تورکیچ بە 'پلانەو دلېنەبەردەی' نامێش بەردەن. ئینەیچ بە ماناو قڕکەردەی گەلوو کوردی و تەسفیەکەردەو پەکەکەین.ئامانجیچ هەر ئینە بۍ. ئانەی چنڎە پێکشئاردەن یا نا ئانە وینیۆ. گرڎ وەختۍ ماچۆ ئێساڵ دمایش پنەماروو، جە ئیساتێچەنە ماچۆ چی هامنەنە دمایی بە پەکەکەی ماروو. ئانە دووۍ مانگېش مەنەن پەی هامنی، گەلۆ چنی متاوۆ تەڤگەرێوە پاسە گەورە بەکۆتا بارۆ؟ ئی ئاژەشە فاڕان پەی ئاژێوە تراژیدی-کۆمیدی. دماو ئانەی ڕابەرایەتی ڕەخنەکێش وستۍ ڕۆژەڤماوە، گفتوگۆی فرە کریا و هەنگامەیی کردەییەی گرنگەیچ بریا ڕاوە.

دماو ساڵەو ٢٠١٩ یۆ  جەنگێوە گەورە بریاڕاوە، بەڵام جە دمایینە فرەو چێوی جە ئیسفاڎەو ئێمەنە مەڕیاوە. جە شۆککەردەو جەنگینە پەڕێوە تازە خولقیا. جە سەڎەو ٢١ینە تەکنەلۆجیا فرە وەڵێکۊتەن، هەواڵگری و سیخوڕی فراوانتەربیەن، ئایە کۊشیای گەریلای دمایش پنەئاما؟ ‌هێزە چەپەکۍ، ئانارشی، شۆڕشگێڵنا گەریلایەتیشا وەشێمسیا، بەڵام جە دیەیۆ سەرکەوتەی جە خەباتی گەریلایینە بێ هومېڎۍ بیێنۍ، بەڵام گەریلاکاو ئازاڎیی کوردسانی جارێوەتەر هومېڎوو سەرکەووتەیش ژیۋناوە. بە تاکتیکەکاش بەتایبەت جە ساڵەو ٢٠٢٠ هەتا ٢٠٢٤ ی ئینەش نیشانە دا؛ گەریلا جە کوردسان و جەهانەنە بە دمایی نمۍ، مەتاویۆ گەریلا کۆنترۆڵ بکریۆ. وەختۍ ئینسان تەماشەو ئی حەقەتینا مکەرۆ، ئانە موینیۆ کە گەریلاکاو ئازاڎیی کوردسانی نەدۆڕیێنۍ، ئانەی دۆڕیان و شکسش واردەن دەوڵەتوو تورکین.

دەوڵەتو تورکی موازۊ ئەرەگیرکاری وەرفراوانتر بکەرۊ

ماچا بە ڕێبازێوی نائاسایی مکەرمێش، چندین نۊکەرێ، هێزە خاینەکۍ و پەدەکەشا بەرەو وێشا پەلکێشۍ کەردێنێ، گرد چەکێوی قەدەغەکریا بەکارمارانۍ، تاکتیکی ئەتۊمییوە تا چەکی کیمیاوی و گازی جۊربەجۊر. جە بۊلوو، قەیسەر، فۊچای،یشا ئاردەن. هەروەختێو فەرماندێوی شکسش ئارۍ دوورش وزێنیوە و یۊ تەر وزێنۍ یاگەکێش. فرۍ ئامۍ زاپ و دمایی بە شکسۊ لوێنێوە. کۍ مارا با بارا، وەراوەرو باوەڕداری و دڵسۊزیی گەریلاینە حیچ دەرفەتێوی سەرکەوتەی پەی دەوڵەتو تورکی نییا.  دەوڵەتی تورکی ئیساتێنە دیبلۊماسی مکەرۊ، بەغداد و هەولێرش پێسەو شارێوی تورکیای پنە کەردێنۍ ، هاموشۊشا. ئی گردو کۊبییەیوا چێشێنێ؟ بێگومان پەی تەسفیەکەردەی پەکەکەینێ، پەی سەروستەی پلانۍ نیو-عوسمانییێ، گەرەکشا سنوورەکانی میساقی میللی بیاونۊ یاگۍ،

ڕەنگە حکومەتی عێراقی خاس تارێخو تورکیا و نەریتو عوسمانییش نەزانابۊ، پەوکای هەروەختێو هامکاری بکەرۊ، ئانە بەدڵنیاییوە دۊڕیای وێش موینۊ. وەعدو ئاوێش پەنە دێنێ، هینو ڕای بازرگانیێو.دماتەرنە عێراق ئانەیە موینۊ کە ئی وەعدۍ چەنی مگناوە! بەڵام مشۊم ئانەی خاس بزانۊ کە ئامانجو تورکی تەنها تەسفییەکەردەی پەکەکەی نیا، ڕاسا پەکەکەی پیسەو قۊرتو وەردەمیش موینۊ، پەوکای گەرەکشا تەسفییەش بکەرۊ. ئامانجو دەوڵەتو تورکی ئەرەگیرکاریێوی وەرفراوانا. ئامانجشا گەلو عەرەبی، خاکو عەرەبی بوزۊنۍ چێرو دەسیش. ئامانجش وەشکەردەی هامپەیمانیێوی دژ بە کوردین. گەر عێراق و پەدەکە ئی ڕەوشەیە خاس ورنەسەنگنانێ، ئانە مبۊنۍ بە بەڵاو سەرەیشا. بایسو مەرگیشا. پەوکای عێراق بێشکۍ شارستانێتینە، ئیساتێنە بییەن بە ناوەندو جەنگی یەرەمینو جیهانی.

گەرەکشانە عێراقی بوزانۍ بەرەو وێشاوە، کاریگەریی سەرو ئێرانیوە وەش بکەرانۍ و سوریایچ بەشدار بکەرا چی هاوپەیمانیینە، پێسە ئامانجی ئەرەگیرکارییشا بیاونا یاگۍ، عێراق واتەنش پەکەکەی پیسەو ڕێکوزیێوە تیرۊرستی نمەوینوو، بەڵام ڕێکوستەێوەن بەروو یاسێوە. پەوکای ئینە ڕاسیین ئێمە هیچ وەختێو بە پاو یاسۍ ڕێکوستەیۍ نەبیێنمۍ، پەکەکە گرد وەخت ڕێکوستەێو بیەن بەرو یاسێوە، نە بە پاو یاساکاو عێراق، نە یاساکاو تورکیای، نە یاساکاو ئەمریکای نەبییەن. پەکەکە بە پاو یاساکاو سیستمی سەردەسەیی نییا. پەکەکە تەنها بە پاو یاساکا ئازادیی هەن، کە یاسۍ ئینسانیێنێ، جگە چی یاسایا ئینا بەروو گردو  یاسایاوە".