دەوڵەتوو توركی ئه‌وروپایچەنە جە کەیفوەشی کوردا متەرسۆ
ڕووەداکەو بەلجیكای هەقا بۆ بە پەندێوە گرنگە پۍ وڵاتا ئەوروپای تا جە توركی بیاوانە، نەك پۆلیسەكێشا گۊشۍ ۋێشا بوسنا تا ڕووەدایەکۍ قۊمیا و ئا وەختە هەردووەلای تاوانبارۍ بكەرا.
ڕووەدایەکۍ به‌لجیكای چی نه‌ورۆزنە ، تەماموو ئا ڕووەدایا ساڵانی ویەردەی جە فه‌ڕه‌نساو سوید و ئه‌ڵمانیاو شۊنەکا تەرینە پنەما ماچا توركۍ ئینۍ چێروو په‌روه‌ردێوە مه‌ترسیڎارینە، په‌روه‌رده‌و نه‌فره‌ت کەردەی چانیشا کە ده‌سه‌ڵاتی توركی قینیش چنەشانە ، كورد به نمونه، وەڵتەرۍ و ئیساتێچ ئەجۊمەنە دلۍ تورکیچەنە خه‌ڵكی ئاشتی واز ، مرۆڤدۆس و خوازیاروو پێوەرە ژیۋای ئاشتیانەی هەنۍ، به‌ڵام كه ڕووبه‌ڕوو ئی جۆره شاڵاویە بیۆ نیگه‌رانیێوە قوڵ گێرۊتەرە ، به تایبه‌تی قینەو توركی جە كوردی ، ڕووەدایەکۍ به‌لجیكای به یه‌ك ڕسته پنەما ماچا تورك گەرەکش نیا كورد دڵوەش بۆ ، ئه‌گینا کەردما میتێوەیچ ئاڎێش هانی دۍ با چی مشۊم پێسە مەیۍ گنا شۊنیش، جەنگ ورەتەی به دڵوەشی كوردا و مەراسیموو ئاڵ و واڵای كوردانهی، جەنگ ورەتەین به جوانی ئینسانی و جوانی سروشتی و ڕەنگاڵه‌یی ژیۋای ، ئینە ئه‌و په‌ڕوو گه‌مژه‌ییا، خۆ ئانۍ به‌لجیكانە جەنگشا به جوانی ورەت ، ئانۍ سه‌روو فڕۆكه جه‌نگیه‌كا و پەشتەو درۆنه‌كا و سه‌روو كورسی ده‌سه‌ڵاته فاشیزمه‌كهی نیەنۍ ، ئەی چی پاسە مکەرا ، ئایه ئینە نەوەشیێوە كوشنده نیا پێسە ئانەی نامێش بنیەی ده‌رده تورك، یان په‌تاو هاربیەی به كوردی.
من ئیسەیچ بڕوام هەنە کە توركی جوانۍ و به ڕوومه‌تۍ هه‌نۍ ، به‌ڵام چانەی مشۆ فرە كه‌مۍ با ، ده‌نا ئشیۍ توركه‌كۍ به تایبه‌ت به‌لجیكانە به‌شداری مەراسیموو نه‌ورۆزیشا کەردەبیۍ په‌یامشا پۍ ده‌وڵه‌توو توركی کیاستەبیۍ كه مرۆڤەکۍ پێوەرە جوانێنۍ، ئانە نه‌كریا، وەلۍ وەختۍ کناچڵێوە ئەڎاو تاتە توركەم دیە به كوردی گۆرانیەو مه‌زهه‌ری خالقی واچۍ، دڵم وەش بۍ واتم ئانەیچ هەن پێسە چنی جە ٢٠١٤ەنە ئامه‌دەنە كوڕه توركێوە دژه تن و تیژی زیتم دی، چالاكانه دژوو توركی و فاشیزمی جەنگەنە بۍ، ڕووەدایەکەو به‌لجیكای هه‌قا بۆنە بە په‌ندێوە گرنگە پۍ وڵاتا ئه‌وروپای تا جە توركا بیاوانە ، نه‌ك پۆلیسه‌كێشا گۊشۍ ۋێشا بوسنا تا ڕووەدایەکۍ قۊمیا و ئا وەختە هه‌ردووەلای تاوانبار بکەرا ، جه‌لاد و قوربانی، جە حیچ کۊو دنیێنە پێوەرە تاوانبارۍ نیەنۍ، ئینە به حیچ کلوەجۍ ئاوه‌ز قبووڵش مەکەرۆ .
چانەی مشۆ دژه درۆنه‌كۍ كاریگه‌ری ۋێشا بیەبۆ پۊکاتی جە به‌لجیكایچەنە داخەو دڵیشا به عەزیەتکەردەو كوردا مجا.
