ڕوانگەی سووری پەی مافەکاو ئینسانی ئەرەیاوناش، کە هێزەکاو تورکی ئەرەگیری و چەتەکیش پەیامکیانیوە ئاژانسوو فرانس پرێسیشا ئڕفانان، کە هەرێموو بابینە گێڵانۆ و دمایی ئەشکەنجەشا دان.
ڕوانگەی سووری مافەکاو ئینسانی ئانەش وستەن ڕووە کە سەبەبوو گێرتەی پەیامکیانو ئاژانسوو فرانس پرێسی بەکر ئەلقاسمی هەڵای نەزانیان.
ژەنەو ڕۆنامەوانەکەی، نەبیهە تەها بە ئاژانسەکەیش واتەن کە ڕۆو دووەشەممەی مێردەکش وەختوو ئەوەگێڵایوەنە شارەکڵەو بابینە و دماو ڕووەماڵوو مەراسیمێوە چا شارەکڵەنە گیریان.
نەبیهە تەها باسوو ئانەیشە کەرد، " من دماو ماوێوی کەمی ئازادە کریانێ، بەڵام ئاد هەڵای گیریان". واتیچش سبەبەو گێرتەکەیش نمەزانۆ. دماو گێرتەیشا پۆلیسوو تورکی و چەتەکیش ورشا کوان سەروو یانەکەیش و دوێ تەلەفۆنێ و کامێرێوە قاسمیشا گێرتێنێ.
ڕوانگەی سووری مافەکاو ئینسانی ئاماژەش پانەیچە کەردەن وەختوو گێرتەیشانە، پۆلیسێ و چەتەکاو هەواڵگێریی تورکی دانشا وەنەو ئا ڕۆانمەوانەیە.
ئەرەیاونیا کە بەکر ئەلقاسم ساڵەو ٢٠١٩یوە پەی ئاژانسوو فرانس پرێسی هەرمانە مکەرۆ و هەمان وەختەنە هەرمانەش پەی ئاژانسوو ئەنادۆڵی تورکیی کەردێنە، کە سەر بە ئاکەپەیا.
سەرنویسەر جە ئاژانسوو فرانس پرێسی داواش کەردەم کە ڕۆنامەوانەکەشا دەمودەس ئازاد بکریۆ.
