نەورۆزوو ئەنتاڵیای بە بەشداریی دەیان هەزار کەسا بە جۆشوخرۆشۆ مەبارەک کریا، ئاهەنگەکە بە دروشمو  "وەختو ئازادی و سەرکەوتەین" مەبارەک کریا، پەیامەکانە داواو ئازادیی ڕابەرو گەلو کوردی عەبدوڵا ئۆجالانی کریا.

بەشدارێ درووشـمو "ژەنی، ژیوای، ئازادی" و "بژیوۆ سەرۆک ئاپۆ"یشا بەرزێ کەردێوە. ئاهەنگەکە بە گۆرانیێ کوردیێ دەسش پەنە کەرد.  

کاندیدەو دەم پارتی پەی  هامسەرۆکو شارەوانیی ئەنتاڵیای نەسیبە باهادیرە واتش:"بە دەنگوو ژەنا ماچمێ:  "ژەنی، ژیوای، ئازادی".

کاندیدو دەم پارتی پەی هامسەرۆکو شارەوانیی ئەنتاڵیای، کەمال بولبول تیشکەش وستە سەرو کۆبییەیۆ دەوڵەتو تورکی و عێراقی و پەدەکەی، هەرپاسە سەردای ساندو تورکی پەی واسنتۆنی واتش: "گەرەکشا پەی کوشتەی کوردا، ڕاپەنەادی ورگێرۆ. ٣٠ هەزار ئینسانێ ئینێ چی مەیدانەنە، نەورۆزو ئەنتاڵیای نەورۆزو دمایین. حەر دەنگێوە ئەنتاڵیانە مدریۆ هەلوێستا دژوو گۆشەگێریی ئیمراڵی سڵاما وەنەو سیاسەتمەدارە زیندانیکریایا، ناڕەزایەتییا دژوو قەیومەکا."  

دمایی پەرلەمانتارو دەم پارتی ساروخان ئۆلوچ نەورۆزش وەنەو ڕابەرو گەلو کوردی عەبدوڵا ئۆجالانی و هامڕایەکاش ئیمراڵیینە مەبارەک کەرد، نەخشەڕاو نەورۆزو  ٢٠١٣ ڕابەرو گەلو کوردی عەبدوڵا ئۆجالانیش یاد ئاردۆ و واتش: "ئێمە ئا ڕوە پەشتەو ئا نەخشەڕاو ئاشتییەیۆ بێنمێ، دماو ١١ساڵا ئێمە ئەنتالیانە پەشتگیریی ئا نەخشەڕێ مکەرمێ. ئا ئینسانە هۆش و فکرش پەی ئاشتی تەرخان کەرد، ئیساتێنە ئیمراڵینە ئینا چێرو گۆشەگیریێوە نایاسایی و نائینسانینە".

ئۆلوچ داواش وەنەو دەسەڵاتی کەردە پەی دماییئاردەی بە گۆشەگیری و هەنگامەنیای پەی ئاشتی  و دایوسانای ئازادیی، واتش: "ئێمە حەرجندە مواچمێ ئاشتی، ئەردۆگان ماچۆ جەنگو ماڵایۆیرەی. ئێمە ڕووبەڕوێ دوژمنایەتی و بەدکاریێوە ڕێکوزیای بیمێوە. دژوو ئینەیە کۆشیای ئاشتی ڕێکوزیاما وست وەڵێ و هەڵای بەردەوامێنمێ.  دەسەڵات گەرەکشا گەلێو دلێنە ببەرۆ، کە نوێنەرایەتیی ڕۆحو ئازادیی مکەرۆ، بەڵام ئارۆ گەل ئاهەنگو نەورۆزینە جوابش داوە."

ئەدایاو ئاشتی ئاویرو نەورۆزیشا کەردۆ و ئاهەنگەکە بە ورپڕای دماییش ئاما.