دەیان ناوەندێ مەدەنیێ و رۆشنویریێ پەشتیوانیشان جە وەزیرو ڕۆشنویری کەرد

جە نامێوەنە دەیان ناوەندێ مەدەنیێ و ڕۆشنویریێ وەرکەوت (رۆژھەڵات)و کوردستانی، پەشتیوانیشان داواکاری وەزیرو ڕۆشنویری هەرێمو کوردستانی پەی وانانی بەزوانی هەورامی کەرد.

پشتیوانیێ و کاروەدایەکێ سەبارەت بە داواکاری وەزیرو ڕۆشنویری هەرێمو کوردستانی (حەمەو حەمەسەعید)ی بەردەوامێنێ. جە ئی چوار چوەنە دەیان ناوەندێ و ڕێکوزیێ مەدەنیێ و رۆشنویریێ هەورامانی و وەرکەوت (رۆژھەڵات)و کوردستانی، بەگەرمی پەشتیوانی وێشان جە داواکاریەکە نیشانەدا وبە هەنگامێ گرنگە پەی پارێزنای هەورامی و یەکیەتی نەتەوەیی وەسفشان کەردەن.

دەقو نامەکێ بە ئی جۆرەنە:

بەڕێز؛ "کاک حەمەو حەمەسەعید"ی وەزیری ڕۆشنویری و لاوانو حکومەتو هەرێمو کوردستانی، سەرەڕاو گەرمتەرین سڵامی،

ئێمە چوون چالاکوانێ و ئەندامێ ڕێکوزیا فەرهەنگیێ و مەدەنیەکێ وەرکەو (ڕۆژهەڵات)و کوردستانی و هامڕا چەی خەڵکو هەورامانی بە گەرمی پەشتیوانی جە داواکارییە ڕەواکەو جەنابیتان مەکەرمێ سەبارەت بە پڕاکتیزەکەردەی وانای هەورامی جە پارێزگاو هەڵەبجەو پانیشتو کوردستانیەنە. هیوادارێنمێ کابینەو نۆیەمینو حکومەتو هەرێمو کوردستانی بەیۆن دەمو داواریەکەیتانەوە و مافو وانای بە هەورامی کەردەیی بکریۆنە کە یۆن جە لقەکانو زوانی کوردی و سامانێوی ڕەگینو گەلەکەیمانش پنە نویسیانەوە. پارێزنای و گەشەدای بە سەرجەم لقەکێ زاوانی کوردی ڕۆڵی گرنگش هەن پەی شوناسو زوانەکەی و یەکیەتی نەتەوەییمان بەهێز مەکەرۆنە.

چەنی ڕێز وحورمەت؛

1.ناوەندی فەرهەنگی-هۆنەری ڤەژین. مریوان
2.ئەنجۆمەنی فەرهەنگی- ئەدەبیو ڕۆجیاری. مەریوان
3.ئەنجۆمەنی فەرهەنگی ئەدەبی مەریوان
4.ئەنجۆمەنی سەوزی چیا. مەریوان
5.ئەنجۆمەنی فەرهەنگی کومەڵایەتی نۆژین. سنە
6.ئەنجۆمەنی ئەدەبی سەردەم .سەردەشت
7.ڕێکخراوی مافی شارومەندی لاوانی هەتاو. سەردەشت
8.ئەنجۆمەنی پاژینی بانە
9.ناوەندی زانستی فەرهەنگی ڕۆنان. مەریوان
10.ئەنجۆمەنی شانۆی مەریوان.
11.ئەنجۆمەنی خەڵکی بۆ پێشگرتن لە مادە هۆشبەرەکان(ژیانەوە).مەریوان
12.ئەنجۆمەنی ئەدەبی خانای قوبادی. جوانڕۆ
13.ئەنجۆمەنی ئەدەبی مەولەوی. جوانڕۆ
14.ڕێکخراوی گۆتاری نوێ. جوانڕۆ
15.ڕێکخراوی چرای هزر. جوانڕۆ
16.دامەزراوەی فەرهەنگی هونەری قەڵەمی هاوچەرخی کورد.پاوە
17.بنکەی ئەدەبی هورام. پاوە
18.ئەنجۆمەنی ویری سەوزی هەورامان. نۆدشە
19. موسسە فرهنگی و هنری نسیم هەورامان. پاوە
20.مەڵبەندوو ڕۆشنویری قەڵەموو هەورامانی. سنە
21. موسسە فرهنگی و هنری ملا مصطفی بیسارانی. سنه
22. یانەو فەرهەنگ و ئەدەبوو بێسارانی هەورامانی. سەڵواوا
23.  ئەنجۆمەنوو فەرهەنگی و ئەدەبی گرینگەی. پاوە
24.  ئێنتێشاراتوو ئارۆی.پاوە
25. مەکۆی چاپ و پەخشی زایەڵەی. مەریوان
26.پیام آوران زمین پاک(ژیوای) .پاوە
27. ئەنجۆمەنوو مەولەوی. پاوە
28.ڕێکخراوە خێرخوازییەکانی هانا، ئوفۆق، ساڕێژ. نۆدشە

یاگۍ ئاماژەیەنە، جە ڕێکەوتو ٣٠ حوزەیرانو ساڵەو ٢٠٢١ی، حەمەو حەمەسەعیدی  وەزیرو ڕۆشنویری ھەرێمو کوردستان بەنوسیای ژمارە ٤٦، بە فەرمی داواش جە وەزارەتو پەروەردەو هەرمێو کوردستانی کەردەبێ  تاوەکو زوانی هەورامی جە پارێزگاو هەڵەبجەیەنە بوانیۆنە، بەڵام تا ئیسە بە فەرمی وەزارەتو پەروەردەی هیچ کۆمێنت و وەڵامێوش پەی داواکارییەکەی نەبییەن.