جەنگەوانا ئەنجوومەنو سەروازیی مەنبەجی دەگاو قشلەیشا جە چەتەکا پاککەردۆ کە چێرو دەسو دۆڵەتو ئەرەگیرو تورکی و چەتەکا سوپاو نەتەوەیی سوریا (NSA)ینە بۍ. جە دیمەنەکانە بەرگنۆ جەنگەوانا ئەنجوومەنەکەی بە ڕۆحێوە فیداکارانە هۆرکوا سەرو چەتەکا.
هرووژمەکۍ دۆڵەتو ئەرەگیرو تورکی و چەتەکۍ سوپاو نەتەوەیی سوریا (NSA)ی پەی سەرو بەنداوو تشرینی ڕووانە بەردەواما. جەنگەوانا ئەنجوومەنو سەروازیی مەنبەجی هەڵمەتەو پاککەردەیۆیشا دژو چەتەکا دەس پنە کەرد و دەگاو قشلەیشا جە چەتەکا پاککەردۆ.
١٥ ڕوێن مڎرامان جە هەرێمەکەنە بەردەواما، جە دیمەنەکانە جەنگەکە و دەگاو قشلەی نیشانە مڎریۆ. جە دیمەنەکانە دەنگو چەکی قورسی و چەکی سوکی مژنەویۆ. جەنگەوانێوە ئەنجوومەنو سەروازیی مەنبەجی ئەرەیاۋناش تاوانشا دەگاکۍ جە دەسو چەتەکا بەربارا.
جەنگەوانەکە ئەرەیاۋناش بە ڕۆحێوە فیداکارانۆ چالاکی ئەنجام مڎا و واتش: "ئیسە هەڤاڵەکێما ئینۍ دلۍ جەنگینە، فیداکارانە مڎرامان مکەرا. هەڤاڵەکێما ئیسە فرەو یاگا دەگاکێشا کۆنتڕۆڵ کەردەن. با کەس پاسە نەزانۆ کە هێزما نییا. حەجگیز ڕا نمەڎەیمۍ چەتەکۍ ئا شۆنا گێرانە".
