هجوومو گرووپێوە نەژادپەرسی شارو هیوسدن-زۆلدەرو بەلژیکاینە پەی سەرو ئا خێزانە کوردا، کە ئاهەنگو نەورۆزینە مگێڵاوە، بەرلینو پایتەختو ئەڵمانیاینە و کانتۆنو زیوریخو سویسراینە شەرمەزار کریا.

بەرلین

کوردسانێی و دۆسەکێشا سەرو داواو مەجلیسو ژەنا دەس دای و ناڤ-بەرلین وەردەمو کونسوڵخانەو بەلژیکاینە کوێ بیێوە، هجوومو گرووپە نەژادپەرسەکەو شارو هیوسدن-زۆلدەریشا شەرمەزار کەرد.

دماو دەیەقێو ڕێزگێرتەی جە گەشمەردا، هامسەرۆکو ناڤ-بەرلینی حوسەین یەڵماز واتش: "گردما مزانمێ دەوڵەتو تورکی ئینا پەشتەو هجوومەکاوە. داوا وەنەو دەوڵەتو بەلژیکای و دەوڵەتاو ئەورووپای مکەرمێن، کە وەراوەرو هجوومە نەژادپەرسییەکاوە ڕاکارێ مەگێرارە وەر و گۆشێ وێشا مووسنا، پەنەوازا بە هەرمانەو وێشا وربێزا".