وەختۍ سوپا جە ئۆپراسیۆنە سەروازییەکانە شکس مارۆ، تاوانەکۍ وزا سەروو ئا  کەسا کە سەرکردایەتی ئۆپەراسیۆنەکەی کەرا و فاڕاشا. پۍ ڕاگێرتەی جە دۆڕیای و سەرکۊتەی ئی شێوازیە پەیڕەو کەرا. ئی جۆرە فاڕیایۍ متاویۆ پېسە تاکتیکێوە جە جەنگە ئاساییەکانە بەکاربۍ، واتە جە جەنگوو سوپاکانە کە هێزشا هامسەنگ بۆ. بەڵام وەختۍ مژارەکە کۊشیای گەریلاین، ئا تاکتیکە حیچ دەرئەنجامێوەش مەبۆ. بە پێچەوانۊ دەسەو فەرماندەیی جەنگی تازەی گوایە پۍ ئانەی ۋېش سەلەمنۆ.  سەروازەکاش وزۆ خراپتەرین ئاژۆ. ئاژەو ئیسەو مەنتیقەکا پارېزنای مەدیای ئینەی نیشانە مڎۆ. سوپاو تورکیای ساڵەو ٢٠٢٢زەرەرۍ گیانی فرەش ۋەرکۊت و شکسش وارد، ڕا چارەشا  جە ساڵەو ٢٠٢٣ېنە بە فاڕای فەرماندەیی ئۆپەراسیۆنەکەی و فراوانکەردەی سنووروو جمیەرەکەی دیۆ. ئی فەرماندەییە تازەیچە پۍ ئانەی گوایە ۋېشا سەلەمنۆ و ڕیکلام پۍ دەسەڵاتەکەیشا کەرا، بە ئەنقەس سەروازێشا دژوو گەریلای کیاستێ. واتە سەروازەکېش کیاستۍ پۍ مەردەی. مەڵامەتۍ ئی زەرەرا فرېنۍ

"گەریلا سەروو بنەماو جەنگوو دلۍ مېڎانی بە شێوازوو تاکتیکی و تیمی دوژمنی دلێنەبەرا"

شێوازوو جەنگی شۆڕشگێڵنی کە جە تەرەفوو گەریلاکاو مۆدێرنیتەی دیموکراتیکیوە پەرەش پنەدریا، سەروو بنەماو ئاوەڎانکەردەیۆ جە سەختتەرین هەلومەرجەنە بە سەرکۊتەیی جابەجێ کریا. ئی ڕاسییەو گەریلای ئاستوو خەباتیش سەلەمنا کە ئیسە پنەش یاوان و نیشانەو گرڎ لېوەش دا. گەریلاکۍ ئازاڎیی کوردسانی جە ڕوو تاکتیکییوە زیاتەر و زیاتەر شارەزۍ  باو جە بەرەکاو جەنگینە دژوو وەڵېکۊتەتەرین تەکنەلۆجیاو دوژمنی ئینەی نیشانە مڎا. پی جۊرە یاوا بە ئاستێوە کە ئاستوو خەباتیش بەرزتەر کەرڎ. هێزەکۍ گەریلای سەرکۊتەیۍ بێ وێنەشا چی ئاژەنە بەدەسئاردەن. جە نیشانە ماڕېوە تا سابۆتاژ و چەکی قورس، بە دەیان شێواز چالاکی سەرکەوتانەشا ئەنجامدان. ئا شێوازۍ جە دووۍ مېڎانۍ سەرەکینە بە کردەیی کریا. یۆ چانیشا تیموو گەریلایا کە هەر تیمێوە جە مەڕەکا جەنگینە چالاکا، ئانەی دووەمیچ؛ تیمە گێڵیارەکېنۍ سەروو زەمینی و دلۍ مېڎانەکانە. ئا کۊشیایەی جە دلۍ مەڕەکا جەنگینە ئەنجام دریا، جە سەڎ ساڵی ۋیەردەنە بەرزتەرین ئاستوو کۊشیای نیشانە مڎا. ئێمە بەردەوامۍ بیمۍ کە ئەرەگیرەکۍ چەکی کلاسیک و گرڎوو تەکنەلۆجیاو مۆدێرنی، جە ۋەران ۋەروو مەڕەکا جەنگ و گەریلاینە بەکارمارۆ. جە دژوو ئا هجوما چا مەڕانە مدرامانېوە گۊرە پەیڕەو کریۆ. ئا مدرامانە بە شێوازوو وەرگیری و ناچالاکی نییا، جە هەمان وەختەنە هەڵای هێزەکۍ دوژمنی نزیکۍ نەبیېنێوە وزیانە چېروو چەمڎاریوە، گورزەشا ۋنە مڎا و بە بێ زەرەری گیانی گېڵاوە پۍ مەڕەکا جەنگی. شێوازوو تیموو گەریلای گېڵیاری سەروو بنەماو مېڎانیچ، شێوازێوەن کە زیاتەر دوژمنی شکس مڎۆ و گورزەش ۋنە شانۆ. تیمەکۍ گەریلای جە ڕاو ئی شێوازیۆ بە پاو مېڎانەکەی بە تەمامی ۋېشا حەشاردان، سات بە سات دوژمنی وزا چېروو چەمڎاریۆ، جە گونجیاتەرین وەختەنە و رێک چا ساتەنە دوژمن چەمەڕاش مەکەرۆ، مەڎاشا ۋنە و دلېشانە بەرا. سوپاو تورکی جە ۋەران ۋەروو شێوازێوە پا جۆرە ئاماڎەی و حېقمینە حەر کە ماوە و ئاستوو ئەرەگیری زیاتەر بی، جە بەروو گورزەکاو گەریلاینە هەلومەرجوو جەنگیچ گورزێوە گۊرێش جە سوپاو تورکی شانا. وەختۍ ئینسان جە ڕوو دەرونیچۆ تەماشەش کەرۆ، هێزەکۍ گەریلای دلۍ مەڕەکانە حیچ هجومېوەیچ نەکەرا، ۋەروو ئانەی مەزانا تیمە گێڵیارەکۍ گەریلای کەی و چکۊ مەیا ۋەروودەمیشا، ئینە جە ڕوو دەرونیوە کاریگەری کەرۆ سەروو دوژمنی. مدرامانەکۍ جە مەڕەکا جەنگینە جە مېڎانوو کەش و ئێف ئێمی جە هەرێموو گەشمەرڎە دەلیلوو ۋەرنیشتوو زاپی و مەڕەکاو جەنگوو گەشمەرڎە دۆغانینە جە مېڎانوو مدرامانوو سیداو زاپی کە نزیکەو دووۍ ساڵان بەردەواما، یۆ جە نمونە گەورەکاش ئانەن. تەنیا جە دژوو ئا مەڕانە حیچ تەقەمەنیېوە نەمەنەن کە جە لیستوو تەقەمەنیەکاو سوپاو ئەرەگیرینە بۆ و بەکارنامابۆ. واتە سوپاو ئەرەگیری گرڎوو تەقەمەنیەکاش جە کۆگا و لیستەکا ۋېشەنە بەکار ئاردېنۍ. بەڵام سەرەڕاو ئانەیچ مدرامانی تاریخی هێزەکاو گەریلای بەردەواما. چنی ئانەیچ جە راسینە گەریلا خاڵێوە باڵادەسوو گەورەیش هەن. ئانەیچ زاڵبیەین سەروو مېڎانەکەیرە و ئشناسای مېڎانەکەیا. سوپاو ئەرەگیری بە تەکنەلۆجیاو ملۋێنان دۆلارا، مەتاوۆ سەروو مېڎانەکەیرە باڵادەس بۊ. بەڵام هێزەکۍ گەریلای پا خاڵۍ باڵادەسیشا بە شێوېوە سەرکۊتانە سەروو مېڎانەکەیرە زاڵۍ بیېنۍ. پۍ نمونەی دوژمن ئانڎە چەقان و یاوان بە بنبەس کە تاکتیکێوە کە پۍ مېڎانی جیاوازی بۆ، واتە پۍ هېزی بەحری بۆ ئاردەنش مېڎانوو گەریلای و بەکارش مارۆ.

حەتا ئەرەگیرېوە مەنۆ کۊشیای بەردەوام بۆ

حەرچنە جە روو ئاسمانییوە کۆنترۆڵ دەسشەنە بۆ، بەڵام هێزوو گەریلای بەبێ حیچ کێشېوە تواناو جمایش هەن. بەتایبەت پۍ ئەرەبڕیەو پەیوەندی بەینوو هەرێمەکا و وستەیرەی ڕاکا، خەتە ستراتیجییەکاو ئاماو لووای، هێزەکاو گەریلای کەرۆ ئامانج و بە بەردەوامی بۆردومانشا کەرۊ. بەڵام چی بۆردومانانە گەریلا حیچ زەرەرېوەش پنە مەیاوۆ. مەڵامەتوو ئینەیچ مەرەکۍ جەنگ و گەریلاینۍ. چوونکی ئا مەڕۍ ئاسایۍ نیەنۍ. سەروو ئی بنەمایە، جەنگوو ساڵەو ٢٠٢٣ دینامیزموو کۊشیای گەورەیش خوڵقنا و بە پەشتبەستەی بە پەروەردەکا ساڵا وەڵینی، شێوازوو سەردەمی تازەی بە کاریگەرتەرین شێوە جابەجێکریا. دەوڵەتوو تورکی ئەرەگیری پەی شارتەیۆ شکسەکا ساڵەو ۋیەردەی و قەرەبووکەردەیۆ زەرەرەکاشا، جە ئێساڵەنە بەشێوېوە تازە هجومەکېشا دەس پنەکەردۍ و فەرماندەیی ئۆپەراسیۆنەکەیشا فاڕا. پی جۊرە ویر چانەی کەرېنێوە کە گوایە سەرۍ گنا. بەڵام ئا دای ۋنە قورسەی کە جە ئاخروو ساڵېنە ئەنجامدریۍ تووشوو شۆکی بیۍ، ئی فەرماندەییە تازەی کە ئۆپەراسیۆنەکا ئاراسە کەرۆ، شکسش ئارڎ. ئۆپراسیۆنە شۆڕشگێڵنییەکۍ دووە مانگەو ویەردەو گەریلاکا، ئاژەکەش بەتەمامی پێچەوانە کەردۆ. واتە وەختۍ سوپاو تورکی حۊڵوو فراوانبیەی هێزیش دۍ جە مەنتیقەکەنە، گەریلا ئیسفاڎەش جە ئاژەکەی وینا. بە تایبەتی تاکتیکوو گەریلاکاشا بە کەم تەماشە کەردەبۍ، واتە هۊرسەنگنایشا بەرش وست کە ئاڎۍ ئینۍ جە چ وۍ هۊرخەڵەتنایێنە. گوایە بە قەراروو فاڕیای ناوەندوو فەرماندەیی قەرارشا دان کە ئێساڵ جە مەنتیقەکەنە نەکیشیاوە، ئی قەرارە بی بە سەرەتاو گورزێوە بەقوەتی پۍ ئاڎیشا. بەمەڵامەتوو ئانەی هێزوو گەریلای سەروو بنەماو ۋۍ ڕکوستەیۆ تازەی بنیات نریانۆ، کاریگەرییە نەرێنییەکاو فەسڵە جیاوازەکا تا ڕادېوە فرە کەمکەرۊوە.

سوپاو تورکی، ئەجۊشانە کە متاوا بە ئاسانی ئەرەنیستۍ با بە تایبەتی جە زاپ و گرڎوو هەرێمەکاو پارېزناو مەدیاینە. بەڵام ئی هەرێمۍ بانۍ بە جەهەنەم پېشا. ئاژەکە ئنڎە سەختا، تا سەروو ئێسقانی هەست بە جەنگوو سروشتی جە دوو مرۆڤی کەری. چێگە تەنیا هێزوو گەریلای متاوا بژیوا. جە فەسڵ و زمسانیەنە بەمەتر وەرۋە وارۆ، باهۆز و سەرداش کەم مەبۊوە. هێزەکۍ گەریلای ساڵانێوە ڕووبەڕوو ئا هەلومەرجا بیېوە، ئینەیچ بەندا بە ئیراڎەو ئینسانەکاوە. تەنانەڎ جە سەختتەرین هەلومەرجیچەنە ڕۆحوو فیداکاری گەریلای ئاپۆییش بە زینڎەیی ئاستەنۆ. چونکی گەریلا ئامانجێوە پیرۆزش هەن، ئاڎیچ هەتا یەک ئەرەگیر مەنەبۊ، کۊشیای پۍ ئازاڎیی کەرۆ. پی ئیرادەیە پاسە کەرۆ بتاویۆ ئامانجەکاش بەئەنجام بیاونا کە مرۆڤ مەتاوۆ خەیاڵیچش کەرۆ. هێزەکاو گەریلای جە چالاکییە شۆڕشگێڵنییەکا و ٢٢ و ٢٣ۍ کانوونوو یووەمینە بە ڕۆحوو سەرکەوتەی سەروو ڕێبازوو ئاپۆیی گورزەشا جە سوپاو ئەرەگیری ئەشا. گەریلا جارێوەتەر ئاستوو چالاکیی کاریگەروو گەریلایشا نیشانەو گرڎ لېوەدا. سەرەڕاو هەلومەرجە سەختەکا، هێزوو گەریلای  کۊشیایش پەرە پنەمڎۊ و گورزەی کاریگەرە جە دوژمنی شانۆ، تەنانەڎ ئەگەر دوژمن سەڎان فەرماندېچ فاڕۆ، مەتاوۆ ئەنجام گێرۆ.

چا جەنگانە کە چن مانگێوەن بەردەوامېنۍ، سوپاو ئەرەگیروو تورکی هەزاران کەسېش دلېنە شیۍ. ئینۍ بڕۍ جارۍ جەلایەنوو هێزەکاو گەریلایۆ پۍ ڕای گرڎیی وەڵۍ کریېنۍ. فرەو جارا نامۍ سەروازەکا و ئشناسنامەکاشا وەڵا کریانۆ. سەرەڕاو ئینیشایچ ئەردۆغان سەروازۍ پۍ مەردەی کیانۊ و پۍ ڕاگێرتەی جە وەشبیەی کاروەدای و فشاری کۆمەڵایەتی، مەردەی سەروازەکاش مشارۊوە، چی خاڵێنە بەرگنۆ جە سیاسەتوو دلېینەینە بێچارە مەنېنۍ.

قەیرانە ئابوورییەکۍ دلۍ گلېرگەی یاوېنۍ بە بەرزتەرین ئاست و حەرچنە وێنېوە خەیاڵاوی نیشانەو گلېرگەی مڎا، بەڵام ئیتر بڕوا پا درواشا مەکریۆ و دەس بە ۋنەپەرسایۊیشا کریۆ. دەوڵەتوو فاشیستی ئەردۆغانی جە پڕوپاگەندەو وەڵاکەردەیۆ فاشیزمینە گەرەکشا چارەسەرێوە پۍ مەرگوو سەروازەکاشا بېزۊوە. جە ڕاسینە ڕۊشنا کە مەبەس جە ئاشکرا کەردەی کوشتەی ١٢ سەروازا سەروو یۊی چی پرۊسەو دماییەینە، پۍ بەگوڕدای دوژمنایەتی چنی کوردی و فاڕای ڕۆژەڤوو گلېرگەین. چونکی سوپاو تورکی دماو دۊڕیای جە مېڎانوو جەنگینە، سیستمەکەیچش شکس مارۆ. پۊکەی پێویسا  گلېرگە بە هۆشیارییوە ئی گەمە تسناکا بوینۆ و دژوو دەسەڵاتوو فاشیستی ئەردۆغانی سەرهۊربڎا. سوپاو فاشیستی تورکی مەحاڵا جە ۋەران ۋەروو گەریلاینە سەرگنۆ. ئی سەروازۍ بە ئەدەبیاتوو "خاک-نەتەوە-ساکاریا"ی فریو مڎریا و بە مەبەسوو درێژکەردەیۆ تەمەنوو دەسەڵاتی بە ئەنقەس کوشیا.

پۊکەی پێویسا جارێوەتەر ئانە بزانیۆ، پېسە فەرماندەو قەرارگەو ناوەندی پارېزناو گەلی موراڎ قەرەیلان کە وەلتەر واتەنش، گەورەتەرین ڕاسی ئانەنە کە ئەرەگیرەکۍ جە دووۍ هۊرچنیا زیاتەرشا نییا. یا کیشیاوە بەتەمامی جیابازا، یا مەناوە و دلېنە بشا. حەرچنە ئاڎۍ قەناعەتشا پاسەبۍ کە ئامێرە تەکنیکییەکېشا دماو ئی دایوەنا فریاشا مەگنا، بەڵام بە عالی یاوېنە. ئەگەر نەیاوانە، هێزوو گەریلای بە دایوەنەی کاریگەرتەری حۊڵ مڎۆ بیاونۊشانە، کەس گومانەش چانەی نەبۆ.

ۋەروو ئانەی مشۊم جارێوەتەر ئانە بزانیۆ کە پېسە فەرماندەو قەرارگەو ناوەندی پارېزنای گەلی موراد قەرەیلانی چېوەڵتەر واتەبێش، گەورەتەرین راسی سەر زەمینی ئانەن کە ئا ئەرەگیرۍ کە مەیا پۍ وای دووۍ هۊرچنیېشا ئینە وەروو دەمیەنە. یا کیشیاوە و مېڎانەکا گەریلای بە تەمامی چۆڵ کەرا، یا مەناوەو دلېنە بریا. گەریلا حیچ حیچ هۊرچنیېوەتەر وەروودەم و ئەرەگیرانە نمازۊوە. بەهەر حاڵ قایلۍ بیۍ کە کەلوپەلوو تەکنەلۆجیا و ئاڎیشا دماو ئی گورزا مەتاوۆ پارېزنۊشا، عالتەریچ چانەی یاوېنە. ئەگەریچ نەیاوانە، هێزەکانی گەریلا بە گورزەی کاریگەرە میاونۊشانە، مەبۊ کەس گومانەش چانەی بۆ.