فڕات کۆچەر یۊ جە فەرماندەکانو یەکینەکاو پارێزناو گەلې- (ھەپەگە)، نە دیمانێۋەنە چەنی ئاژانسەکەیمان (فرات نیوز)ی، سەبارەت بە جەنگ و مدرامانی دژ بە سوپا ئەرەگێرەکەو تورکیای جە هۆرسەنگنایش کەردەن و ڕۆشناییش ۋستەن سەرو ئا مدرامان و جەنگەیە کە زیاتەر جە ٧  مانگێن بە دواری بەردەوان و جە میانشەنە گەریلایەکانو هەپەگە-ی و ژەنە گەریلایەکۍ یەکینەکۍ ژەنۍ ئازادی- (یەژاستار)، گورزی قوس جە دوژمنی مڎانۍ.

”بە تاکتیکی سەردەمیانە ڕووبەڕوۍ دوژمنی بینمێوە”

فەرماندە فڕات کۆچەر واتش: ھێزەکۍ گەریلای بەشێۋێوی سەردەمیانە ڕووبەڕوۍ دوژمنی بینێوە و جەنگ مکەرانۍ و ھێزە ئەرەگیرەکان جە دلێنەبەرانۍ. 
فەرماندە کۊچەر ماچۆنە: ''ئێمەی گەریلا ئامانجمانە تا ھێزە ئەرەگیرەکانو تورکیای شکستۍ بڎێمۍ و جەدلێنەبەرمێشان. جە چواچۋەۆە ېوەم قۊناغو جەنگەکەیشان بە سەرکۊتەیی دمایی پنە ئاوردەن. جە قۊناغەو دوەمیچەنە، ھێزە ئەرەگیرەکان بەتەمامی شکستۍ بڎێمۍ و جە دلێنەبەرمێشان. سەرجەم جۆش، ورە و هەوڵەکۍ هاۋەڵەکانمان سەرو ئا بنەمایە وەگەڕ ۋزیان.

”زاپ گۆرستانو دوژمنیەن“

فەرماندە کۆچەر، ئاماژەش بە ئانەیەدا: زاپ جە مێژوو کۆشای ئازادیوازی گەلو کوردینە خۊتان ېاگۍ و جایگایێۋی تایبەتن. جە ۋیەردەن زاپ گۆرستانو دوژمنی بییەن و ئارۊچ دیسان بکریۆوە بە گۆشستانشان. جە زاپ و هەرێمەکۍ تەرۍ، گەریلا بە جۆرێ دوژمنی ئەرەگێری شکست بڎۆنە، کە جارێۋیتەر هەرگیز نەتاوۆنە چوون ئیسە یۆرش بکەرۆنەوە. بەکوڵی، ئێمە امانجمانە دوژمنی ئەرەگێری تەفرتونا بکەرمۍ و بە یەکجاری جەدلێنەبرمێنەش. پەی یۋای بە ئانەیچە، هەم گەلەکەمان و هەم گەریلا خۊتان ھێز و تەوانایی گەرە و کاریگەرنۍ.

”دوژمن زەمینگیر کریان و ورەو ئەرەگێرەکان وڕانەرە“

فەرماندە فڕات کۆچەر ئانەیچش وات: ھێزەکۍ گەریلای بەشێۊازیە سەردەمیانە جەنگ مکەرانۍ، بە تایبەت شێۋازو جەنگو دلۍ ماڕەکانە (تونێلەکانە) دوژمنشان زەمینگیر کەردەن و ورەو ئەرەگیرەکان وڕانەرە. پێسەو دڵسۊزییە پەی گردو ھاۋەڵە شەھیدەکانمان، چ ئەرکیە بگنۆنە سەرۊ شانەیما بەگاش باۋەرمۍ،  چوونکە ئێمە خاس مزانمۍ کە ئاڎێ چی شەهیدۍ بیێنۍ و نمازمۍ ونیشان بەهەدەر بشۆنە.

جە دمایی قسەکانشەنە، فڕات کۆچەر یۊ جە فەرماندەکانو یەکینەکاو پارێزناو گەلې- (ھەپەگە)، واتش: جەنگ پەی ئازادی ڕێبەر ئاپۆی مکەرمێنە، پەی ئانەی لایقۍ و شایستۍ شەهیدەکانمان، ڕابەرایەتیی، گەل و جمیەرەکەیمان بێمۍ، بێمدرای و تا سەرکەوتەی درێژە بە کۆشایشی و مدرامانی و رووبەڕووبییەی دوژمنی بڎێمۍ و ڕابەرایەتیی ئازد بکەرمۍ. سڵام پەی سەرجەم هەۋاڵە کۆشەرەکانمان و گەلەکە قارەمانەکەیمان کیانمۍ.

”٧ مانگێن یوش و جەنگی هەمەلانە بەردۋامەن“

یاگۍ یادئاوەرین کە جە ڕۊدیارو ١٤مانگەو نیسانو ٢٠٢٢یەوە، سوپاو ئەرەگێرو تورکیای یۊرشی هەمەلایەنەش بە گشتی پەی سەرو ھەرێمەکانو پارێزناو مەدیاې و بەتایەتی (زاپ، مەتینا، ئاڤاشین)ی دەست پنەکەردەن و جە میانشەنە ئا  سوپا ئەرەگێرە گرد جۊرە چەکۍ قەڎەغەکرېای و چەکی کیمیایی و بۆمبۍ تەرمۆباریکۍ و ئەۆمیۍ تاکتیکیۍ دژ بە ھێزەکانو گەریلاې و ژیوگەو کوردستانی بەکارمارۆنە.
جەنگەکە سەرەڕاو ئانەی کە نزیک بە ٧ مانگان بەرڎەوامیش ھەن، بەڵام دوژمن شکست دریان و ئامانجەکەش مایەپووچ کریانەوە و جە سەرجەم مێڎانەکانو جەنگیەنە گەریلا سەردەست و زاڵەن.

هـ.هـ