فەد_گەل ناڕەزایش بەربڕی جە ۋەرا ۋەرو وشکنای یانەو گەلوو مەدیای جە نورنبێرگ و گێرتەی هامسەرۆکۊو دەتەمەی مەقبولە کارتالېش شەرمەزار کەرد و واتش: "دەمودەس دمایی پا قەرار و قەڎەغە سیاسییا بارانە کە زەرەر بە گەلوو کوردی مېیاونا".
سەرسەعبو ئارۊی پۆلیسو باڤاریای جە یانەو گەلوو مەدیاینە جە نورنبێرگ و یانەو هامسەرۆکۊو ئەنجوومەنو گلېرگەو دیموکراتیکی نورنبێرگی (دەتەمە) مەقبولە کارتالېشا وشکنا. دماو وشکنای، مەقبوولە کارتالە باڵبەسە کریا و ڕوانەو زینانو ستادلهایمی جە میونیخەنە کریا.
فیدراسیۆنو گەلا کوردەسانی (فەد_گەل) دژو ئی هرووژمەیە ئەرەیاۋنێوەش وەڵا کەرڎۆ و جەختش کەرڎۆ کە جە ۋەرا ۋەرو ئی سیاسەتەینە سەرە نمەنامنارە.
فەد_گەل ئەرەیاۋناش ئینە هەوڵێوەن پەی چەمتەرسنای کوردەکا و پاشێلکەردەی مافە ڕەواکاو گەلوو کوردی. وە جەخت مکەرۊوە مەقبولە کارتال تەمەنش ٦٥ ساڵێن و گرفتی تەندرووسیش هەن، بە هەڵوێسەکا ۋێش پېسە ژەنێوە نموونەییەو کوردی بەرکۊتێنە.
فەد_گەل داوا جە دۊڵەتو ئەڵمانیای مکەرۆ دەس جە سیاسەتو دژ بە کوردی و ئاشتی هۊرگێرۆ، ماچۆ: "دەمودەس دمایی پا قەرار و قەڎەغە سیاسییا بارانە کە زەرەر بە گەلوو کوردی مېیاونا".
فەد_گەل جەخت مکەرۊوە مشۊم ئانۍ هەوڵو تاوانبارکەردەی کوردا مڎا بزانا کە گەلوو کوردی سەرە مەنامنارە، ماچۆ: "پېسە چنی ئاشتی پەی سوریای پەنەوازا، بەهەمانشێوە پەی کوردا ئەرەنیشتۍ ئەڵمانیایچ ئاشتیێوە دەمودەسی پەنەوازا".
