فەڕەنسا هێز دژو کۆچبەرا جمنۆنە
برونۆ ڕیتایلۆ، وەزیرو دلېینەو فەڕەنسای ئاماژەش پانەیە کەرڎ، ڕوانو چوارشەممە و پەنجشەممەی دژ بە کۆچبەرا نایاسایی جە سەرانسەرو وڵاتینە بە بەشداریی چوار هەزار پۆلیسا و هێزی ئەمنی ئۆپەراسیۆنێوە فراوان ئەنجام مڎریۆ.
ئۆپەراسیۆنەکە بە چڕی جە وێستگەو قیتاری و ئۆتوبووسەکانە و هەرپاسە جە گەشتو وڵاتا هامسایانە و شارە گۊرەکا فەرەنساینە ئەنجام مڎریۆ
ڕیتایلۆ ئەرەیاۋناش، "جە سەرەتاو ساڵێوە تا ئیساتۍ ٤٧ هەزار کۆچبەرې نایاسایێشا باڵبەسۍ کەردێنۍ. مەبەسم ئانەنە کۆچبەرۍ نایاسایۍ جە فەڕەنسانە بەگەرمی پێشوازیشا چنە نمەکریۆ. وڵاتێوە جە دووۍ سنوورا پێک مۍ، یۆ جە دلېوە، یۊیچ جبەرۆ."
باسش چانەیچ کەرڎ، جە سیاسەتەکا کۆچبەرینە کەمتەر جە ٢٤٪ی ئیجازەشا پنە مڎریۆ و دیپۆرتکەردەیۊیچ بە ڕێژەو ١٤٪ زیاڎش کەردەن.
جە لېوەتەرۆ ڕیتایلۆ بانگەشەو ئانەیش کەرد کە تەرسەو تیرۆری جە فەڕەنسانە دمابەدماو گرژییەکا بەینو ئیسرائیلی و ئێرانی زیاڎش کەرڎەن و ئاماژەش پانەی دا کە هەم گرووپە ئیسلامییە دلېینەییەکۍ و هەمیچ ڕژێمو ئێرانی هەڕەشەکېشا زیاڎشا کەرڎەن.
