توێژەر و نویسەری فەرەنسی پاتریس فرانسیسک جەختش چانەی کەردۆ دیموکراسیەت و وەرنیشتی فرە لاوازا و ئەندام بییەو تورکیای جە ناتۆنە کێشێوە گۆرەن. فرانسیسکی واتش، "تا ئا کاتەی تورکیا ئەندامو ناتۆی بۆنە،  هاوپەیمانو ئەوروپاین. بەڕاسی پەنەوازا تورکیا جە ناتۆی دور وزیۆور. حیچ هەرمانێوە تورکیای جە ئەندام بییەو ناتۆینە نیا، چونکە گرد هەرمانو و ئامانجێوە تورکیای جە دژو دیموکراسی و وەرنیشتی و گر کەسێوەن. پۆکەی جە کاتێنە تورکیا ئەندامو ناتۆی بۆنە، ئانە فرە زەحمەتا هامکاری کوردا کریۆنە."

توێژەر و نویسەرو فەرەنسی پاتریس فرانسیسکی کە نویسەرو کتێبو 'مەردەی پەی کۆبانێن'، دەربارەو پێشئامای و ڕووەداکا سووریای ئی هۆرسەنگنایشا کەرد.

هەتەشە بەرنامەکا ئەردۆغانی جابەجێکەرۆنە

فرانسیسکی ویرئاردەیۆ دۆخو وڕناو ڕژێمو شاو ئێرانی جە ١٩٧٩ ئاماژەش پانەیەدا ڕەنگە هەمان دۆخ جە سووریانە واوەی بۆوە، دەستنیشانشکەرد ڕاسا وڕناو ڕژێمو ئەسەدی ئەرێنییا، بەڵام ئانێ ئا ڕژێمەشا وڕنا و بیێ بە یاگەگیرێ فرە ترسناکێ، بەتایبەت پەی کوردی و کەمینەکا تەرو سووریای.

فرانسیسکی دەستنیشانشکەرد کە هەتەشە و تەمامو گرووپە تنڕەوە ئیسالامییەکا تەرێچ جە لایەنو تورکیای جە ڕووەو پەروەردە، و مادییۆ هامکاری کریانە، هەرپاسە جە لایەن وڵاتو قەتەریۆ پەشتگیری مادیشا کریۆنە و واتش: "جە ئیسەنە هەتەشە ئا بەرنامەیە جابەجێکەرۆنە کە جە لایەن ئەردۆغانیۆ پەیشا دیاری کریان. جۆلانی، هەتەشە و ئەردۆغان ئینێ هەوڵو ئانەینە ئەوروپای قایل کەرانە چانەی هامکاریکەردەی بە شکۆدای. مشۆم ئاگادارێ بیمێ و پی چێوەیشا فریوونەوەرمێ. هەتەشە گروپێوە ڕادیکاڵو ئیسلامییا و یاگێ تەرسێنە پەی گردو نەتەوەکا. ئەر فریو وەرمێ و جە نەتەوە یۆگێرتەکا سەنگ دەیمی بە هەتەشەی و جە لیستو تیرۆرینە بەربەیا، ئانە باجێوە قورسو ئا هەرمانێ مرەیمێ. کاتێ هامسەنگییشا بە دەسئارد، ئا کاتە ڕۆژەڤو حەقەتینەو وێشا جابەجێ کەرا، بە ئەرەمەزنارەو شەریعەتی دەستوەردای گرد چێوێ کەرا. ئینەیچ پەی گردو کەمینەکا و بە تایبەت پەی کوردی خراپ مەڕیۆوە."

نەرمی و تازەگەری جە جیهادەنە بییەیش نییا

فرانسیسکی ئاماژەش پانەیەدق تەرسێ فرە سەرو ئایندەو سووریای و جەهانی هەن و واتش: "چونکە حیچ نەرمی و تازەگەریێ جە ڕێکوزییا ئیسلامییەکانە بییەیش نییا. ئیسلامیستو ڕادیکاڵنێ و پۆکەی دووژمنو وەرنیشتی، دیموکراسی، کوردا و کەمینەکا. مەبۆ بەحیچ شێوی بە خاس نیشانە دریا. ئارێ ئەلقاعیدەنه نەک چێوە تەر."

ئەنجامدای پاکتاوی نەژادی

فرانسیسکی دیاریشکەرد جە ئیسەنە جە لایێ هەوڵو جوڵناو و هەتەشەی هەن کە پانیشتوو سووریای ئەرەگیر کەرۆ و تێکەڵ بە ئێمپراتۆرێتو عوسمانی کەرۆ و جە لێوەتەرۆ جە دژو کوردا سەرنیشتوو  وەرکەوتوو سووریای هرووژمو دلێبەردەی بەرۆڕاوە و واتش: "دۆڵەتو تورکی ئەرکش دا بە سوپاو نەتەوەیی سووریای و جە ئیسەنە هرووژم سەر کورد کەرۆنە، منبجش ئەرەگیرکەرد و گەمارۆو کۆبانێش دان.

ئینێ سوپاو زەڕی و بەکرێ گیریێنێ. کەم و فرە ئیسلامی گەرانێ. جە لایەن ئەنقەرەیۆ پەروەردە و وەی کریێنێ. جە ساڵەو ٢٠١٨نە ئی گرووپە جە عەفرینەنە پاکتاو ئەتنیکییشا ئەنجامدان. هەرپاسە پەی پاکتاوکەردەی ئەرمەنییەکا گیانیێنێ پەی قەرەقۆزاقی. چارۆیشەنە ئنەی جە دەسشانە مێ گەرەکشانە کوردی جە سەرنیشتوو سووریاینە دلێنەبەرا. گردو ئینیشا بەشێوەن جە داواو و ئاواتو ئەردۆغانی. مشۆم وڵاتا وەرنیشتی چی نیازا یاونە و پەی ئانەی کۆبانێ و ڕەقا جە لایەنو ئی گرووپەیۆ داگیرنەکریا، بەردەوامی دۆنە بە پەشگیریی بە کوردا."

'کۆبانێ سیمبولا ئەر گنۆە، بۆ بەکەوتەو گردیما'

فرانسیسکی جە بەردەوامیشەنە ئاژەش بە سەرکەوتەی مڏرامانو تاریخو کۆبانێ کەرد جە دژو داعشی و بە سیمبولێوە گرنگش نرخنا و واتش: "ئەر دۆسە کوردەکاما تەنیا کەرمێنە و جییاشا بازمێ پەی چەتەکا تورکیای و کۆبانێشا دەسگنۆنە ئاکاتە ئینە بە ماناو دمای جەهانی مێ. بە بەربڕییێوە تەر جە وەراوەرو تیرۆری و تۆتالیترزمو تورکی ئینە بۆنە بە دماین ئازادی وەرنیشتی. پەنەوازا هێزە مییانەتەوەییەکا پێسەو ئەمریکای، فەرەنسای... پەی ئانەی تورک شارو سیمبولو کۆبانێ ئەرەگیرنەکەرۆ مشۆم هەنگامێ گێرۆنە وەر.

مۆدێلو وەرنیشتی مۆدێلو دیموکراسییا

بەردەوامییینە فرانسیسکی ئاماژەش بە مۆدێلو وەرنیشتی کەرد جە پەرەدای بە دیموکراسی، ئازادی ژەنا...هتد، وە جەختش چانەی کەرد وڵاتا وەرکەوتوو دلێڕاسەی جە شێوەو تورکیای، ئوردن، عێراق و سووریا ئی ئازادی وازیەش مۆدێلو وەرنیشتی پێسەو تەرسێ سەرو دەسەڵاتوازی وێشا ویناش، پۆکەی بە گرد جۆرێ جە دژس مڏرێنێ.

ناچارێنمۍ پەشتگیری جە کوردا بکەرمۍ

جە دماینە فرانسیسکی ویرش ئاردۆ کە گێرتەو کەمپو ڕۆژی و هۆڵ جەلایەن گروپە جیهادییەکاوە تەرسێ گۆرێنە پەی گردی و ئینەش وات، "زیاتەر جە ٥٠ هەزار جیهادی و خێزانەکێشا چی کەمپەنە ڕاگیریێنێ. ئی کەمپێ  ە وەرنیشتەنە پێسەو بۆمبێ پاسەن پەی وڵاتا وەرنیشتی و دیموکراسیی.

هیوادارەنا وڵاتا ئەوروپای و ئەمریکای ئی کێشەیە وینانە و ڕاگیری کەرا جە دەستبەسەرگێرتەی ئا کەمپا جە لایەن تورکی و هامپەیمانە ئیسلامیەکاشا. ئا چێوێ ئیسە ڕووەمرا فرە جددینێ و گرد چێوێ وەرەوڕو تەرسێ بییەنۆ. داخەکێم بەمەڵامەتو پرۆسەو فاڕایۆ بەینو ترەمپی و بایدنی جە لە ئەمریکانە هەن. هیوادارەنا وەڵێ ٢٠و کانوونو دووەمی قەراری دروس دانە و پەشتیوانی تەمام جە کوردی کەرا.

جە دماینە گەرەکما ئینەیە واچو؛ دنیاو ئازادی یعنی وڵاتا وەرنیشتی، بەڵام جە هەمان کاتەنە کورد و وڵاتا تەرێ، مشۆم زانانە ئانەی جە سەرنیشتوو سوریاینە گوزەریۆ، گرنگیێ فرەش هەن پەی ئازادیی گردو جەهانی. پەنەوازا جە ئیسەنە و بە گرد شێوێ هامکاری و پاڵپەشتیما پەی کوردی بۆنە. ئەر نا گردوو جەهانی ئینا وەردەمو تەرسەو وڕاینە”.