فەرهاد پاوە گەریلاو پارتو ژیوای ئازاڎو وەرکەوتوو کوردستانی (پژاک) بە بۆنەو ٧٥ ساڵەو پەیڎابییەی ڕابەرو گەلو کوردی عەبدوڵا ئۆجالانی و ٢٠ــەمین ساڵیادو ئەرەمەرزنای پژاکی چەنی ئاژانسو هەواڵو فوراتی قسێش کەردێ.

'پەی گەلو کوردی هێز ئیرادەن و ئومێدێوی تازەن'

گەریلاو پژاکی فەرهاد پاوە ٤و نیسانی ٧٥ ساڵەو پەیڎابییەی ڕابەرو گەلو کوردی عەبدوڵا ئۆجالانی و هەرپاسە ٢٠ ساڵەو ئەرەمەرزنای پارتو ژیوای ئازاڎو وەرکەوتو کوردستانی (پژاک)ی ئەوەڵ جە ڕابەرو گەلو کوردی عەبدوڵا ئۆجالانی، گەلو کوردی ئازیزی، وەڵاتپارێزنا و زیندانییە ئازاڎا، گەشمەردا و ئەدایاو ئاشتی مەبارەک کەرد.

گەریلا فەرهاد پاوە واتش: "جە کەسایەتیی گەشمەرڎە و قارەمانە گەورەکامانە، ئاکیف، سمکۆ، ساریا، ڕێزان، سیروان، زیلان، فەرهاد، فەرزاڎ، و ئاریننە، ڕۆو پەیڎابییەیی ڕابەر ئاپۆی جە گردو گەشمەرداو شۆڕشی مەبارەکبایی مکەرمێ". پەیڎابییەی ڕابەر ئاپۆی هێز، ڕۆح و هومێدێوە تازەن پەی گەلو کوردی  جە حەر چوار بەشو کوردستانینە. بهتایبەتی پەی گەلەکەیما وەرکەوتو کوردستانینە، ڕابەر ئاپۆ بە ویر و ویرۆکەکاش هۆشیارییێوی تازە، کەسایەتیێویی تازەش خوڵقنان. جە کەسایەتیی کوردینە هۆشیاریێوی دیموکراتیک و ئازاڎش خوڵقنا. بە خوڵقنای ئا جۆرە کەسایەتییە، وەراوەرو گردو هجوومە ئەرەگیرکەرییەکانە، ئینکار و سیاسەتی کۆکوشیی، تا ئارۆ، درێژە پا مدرامانییە مدۆنێ. ڕابەر ئاپۆ وەراوەرو سیستمو کوشتەی، قڕکەرڎەی و تاڵانینە مرداوە. فرەو کەساش قەراخوو دلێنەشییەینە ڕزگارێ کەردێ. گەلو کوردی سەیەو ویر و باوڕ و وێگیری ڕابەر ئاپۆینە یاوان ئی قۆناغە. پەی گرد لاێوە ڕۆشنا، کە بییەن قارەمانو ئازاڎی و دیموکراسی جە جیهانەنە."

"ئا تابلۆوە دەسەڵاتدارا وەششا کەرد تێکش دا'

فەرهاد پاوە سەرنجەش پەی ئەرەمەرزنای پارتو ژیوای ئازاڎو وەرکەوتو کوردستانی کێشتە و واتش: "ساڵاو ١٩٩٠ ئێراننە و وەرکەوتو کوردستانینە ناتەبایی و سەردیی پەرەش سانابێ. ئاویرو شۆڕشی سەرکوت کریابێ. لاێوە ڕژێمی ئەرەگیرکەر، دەسەڵاتدار و فاشیستو ئێرانی خەریکو پڕوپاگەندەی دژو کۆشیای ئازاڎیوازیی کوردی بێ. واتشا چیوێ بە نامێ پەرسەو کوردیوە نییەنە، قۆناغێوی چانەنە پارتو ژیوای ئازاڎو وەرکەوتو کوردستانی (پژاک) بە ویر و باوڕو، فکر و بە میتۆدێوی تازەوە سەرەش وردا. تا ئارۆیچ درێژە بە کۆشیای مدۆ. متاومێ باسو ئا دەسکەوتە فرە بەنرخ و مەبارەکا بکەرمێ کە بۆنەو پژاکیوە پەرەشا پەنە دریان بکەرمێ. بنیاتنیای کەسایەتیێوی ئازاڎ و زیندەئرمانای هومێد و مەیلو کۆشیای پەی ئازاڎیی گەلو کوردی سەرەتاێوی تازە بێ، بە ماناو پارتو ژیوای ئازاڎو وەرکەوتو کوردستانی، بییەن بە جوابو ئەرەگیراو ئێرانی، کە واچێنێ کێشەو کوردی نییا. بە کۆشیای وێش ئا مێزێ، کە دەسەڵاتی نیارە شکسش پەنە ئارڎە. بەتایبەت وەرکەوتو کوردستانینە، دلێ خەڵکو کوردانە هومێد، ئیرادە و ڕۆحێوی تازە پەرەش سانا و وێش سەرو ویر و ویرۆکەو ڕابەر ئاپۆینە بنیاد نیا و هەوڵێش دێ بە ڕێبازی ڕەخنەگرانە سەرو ئاستەنگییەکارە سەر بگنۆ."

بانگەواز پەی وێبەساعیبزانای جە هەڵمەتەو ئازاڎیی عەبدوڵا ئۆجالانینە کریا

فەرهاد پاوە درێژەو قسەکاشنە واتش: "نمەبۆ ویرما بشۆ هاموەخت چەنی وەڵێئامایەکا هجووموو ئەرەگیرا پەی  سەرو کوردستانی زیاتەر بییەن. بە شێواز و ڕێبازت تازەشا بەرڎەوامێنێ جە سیاسەتو ئینکاری، دلێنەبەرڎەی و کۆکوشی. گەلەکەما جە دووە ساڵی ویەرڎەنە ا زیاتەر هاگادارێ ڕووەدایەکا بیێوە. چی قۆناغەنە ئانە  مگنۆ سەرو شانەو گرد کوردێو، قەوەتکەرڎەی کۆشیای و مدرامانین، دژو عەقڵیەتی ئینکار، تاڵان و کۆکوشیی ڕژیمی.

گەریلا فەرهاد پاوە ئاخرۆ داواش جە گرد لاێوە کەرڎە، کە بە هێزۆ بەشداریی جە هەڵمەتەو "ئازاڎیی پەی عەبدوڵا ئۆجالانی، چارەسەری سیاسی پەی پەرسەو کوردی" بکەرا.