فەرماندێ ڕوناهی یەکتا (ئارشین حەسەن)ە کە بەنداوو تشرینینە جە جەنگو دژ بە چەتەکا دۆڵەتو تورکی ئەرەگیرینە گەشمەرڏێ بیە، جە کۆبانێنە بە مەڕاسیمێوە جەماوەری ئەسپەردە بە خاکی کریا.
بە مەبەسو ئەسپەردە کەردەی ڕوناهی یەکتا (ئارشین حەسەن)ۍ کە ٢٥ و کانوونو یوەمینە جە بەنداو تشرینی جە جەنگو دژ بە چەتەکا دۆڵەتو تورکی ئەرەگیرینە گەشمەرڏێ بییە، بە سەڎان کەسۍ جە کانتۆنو فوراتینە گلێرێبیێ و جە کۆبانێنە مەڕاسیمێوە لواڕاوە.
جە مەڕاسیمەکەنە بەبێ مردای دروشمەکۍ "گەشمەرڏە نمەمرۆ"، "قەولما حەقکەردەیۆن" وچیێوە.
دماو دەیەقێوە ڕێزگێرتەی پەی یاڏکەردەیۆ گەشمەرڏا، ئەندامو کوردیناسیۆنو کۆنگرەو ستاری کانتۆنو فوراتی ئارین ئەحمەد قسێش کەردۍ و واتش: "بە هەزاران ڕوناهیێ بانۍ بە شۆنکەوتۍ ڕوناهیێ. پەنەوازا ژەنی، جوانێ، پیرێ، گرد ئەرەپڕا. پەی ئانەی بە هێزو وێت پەشگیری بکەری بە چەک، ئاستو ئەرەکۆشای گرد یاگێنە بەرز بکەرۆ".
ئارین ئەحمەد ئاماژەش پانەیە کەرد کە دۆڵەتو تورکی بییەو کوردی قبوڵ نمەکەرۆ، پۆکەی ناچارێنمێ جە وەرا وەرو قڕکەردەینە ئەرەپڕمێ و واتش: "فەرماندە ڕوناهیە پەی ئازادی ژەنا بە جۆش، ئیرادێوە بێ هامتا مڏرامانش کەرد".
دماتەر تاتەو گەشمەرڏە ڕوناهی یەکتۍ، ئەنوەر حەسەن قسێش کەردۍ و ئاماژەش پانەیەکەرد کە ڕوناهیە گرڏ یاگێنە بەبێ دووە دڵی ئەرەکۆشێ و واتش: "ڕوناهیە ئازۍ بۍ، سەرو قەولو وێش بێ، بەبێ دووە دڵی ئەرەکۆشێ. دلێ جوانا شۆڕشگێڵنینە بێ. گرد یاگێنە بەبێ دووە دڵی مڏرامان کەرێ. پێسەو بنەیانەکەیش ئێمە فەخرش پۆوە مکەرمێ".
دماو مەڕاسیمەکەی شناسنامەو گەشمەرڏێ ونریاوە، ڕادەسو بنەیانەکەیش کریا و تەرمو گەشمەرڏێ بە دروشمۊو "گەشمەرڏە نمەمرۆ" ئەسپەردە بە خاکی کریا.
