ئەندامو کۆردیناسیۆنو ئێزدیا و کۆنسەو ڕاوەبەری کەجەکەی زەکی شەنگالی (ئیسماعیل ئۆزدەن) جە ئاکامو هرووزم و فڕۆکەی بێ فڕۆکەوانی دەوڵەتو تورکینە گەشمەرڎەبی، جە ششەمین ساڵیاڎو گەشمەرڎەکەردەیشەنە جە هێرفۆردەنە یاڎکریاوە. بنەیانەکەش و نوێنەرۍ ڕێکوزیاکا و کورڎەسانیا بەشدارۍ چالاکییەکەی بێنۍ.

وێنەو ڕابەرو گەلوو کورڎی عەبدوڵا ئۆجالانی و زەکی شەنگالی و گەشمەرڎە ئێزدییەکا هۆرواسیا و دەیەقێوە ڕێزگێرتەی نیشانەدریا.

بەنامۍ بنەیانەو زەکی شەنگالیۆ، گوڵێ ئۆزدەنە ئەرەیاۋناش تا بەدیئامای یۆبیەی گلێرگەو ئێزدی، ئەرەکۆشای شەنگالی بەردەوام مبۆ.

دماتەر بەنامۍ ئەرەمەرزیاو مڎرامانکەرا شەنگالیۆ خەلیل چیا، وە ئەندامو کۆردیناسیۆنو ناڤ-یەکی حاجی چەلیک قسێشا کەردۍ، جەختکریاوە تا دمایی ئاردەی بە کۆمکوژییەکا سەرو گلێرگەو ئێزدی و بەدەسئارڎەی ستاتۆیۍ، ئەرەکۆشای بەردەوام مبۆ.

هامسەرۆکو کەجەدەکە-ئەی، ئەنگین سەڤەر ئەرەیاۋناش زەکی شەنگالی پەی ئازاڎیی شەنگالی و سلامەتیی گەلوو ئێزدی ئەرەکۆشایۍ بێ ‌وێنەش کەرد.

بەنامۍ چەترەو مەجلیسو ژەنا ئێزدی (سەمەژێ) نوژیا گوناییە ئەرەیاۋناش ئەرەکۆشای سەرمەشقا پېسە زەکی شەنگالی، هەنگام بە هەنگام ژەنۍ ئێزدیێشا بەرەو ئازاڎیی وەڵێوستۍ.

یاڎەکە بە نیشاندای سینڤزیۆنێوە دمایش پنەئاما.