شەوەو ٢٣ی نیسانو ٢٠٢١ جارێوی تەر دوژمن بەرەو کەشەکاو زاگرۆسی کەوت ڕا. ئا وێرەگا سوپاو تورکی بۆردومانێوی قورسو هەرێمو ئاڤاشینیش کەرد. پەوکای وەراوەرو ئی بۆردومانانە گەریلاکاو ئازادیی کوردستانی مدرامانێوی گەورەشا کەرد. یۆ چا یاگا کە سوپاو تورکی گەرەکش بێ هجوومش بکەرۆ  سەر مەیدانو جیلۆی گولانەو هەرێمو زاپی بێ.

گەریلا باوەر دەیندار (ئومێد خان) فەرماندەو مەیدانو جیلۆی گولانەی بێ. سەرمەشقایەتیی هامڕایاش کەرێ مەیدانەکەنە.

باوەر دەیندار ساڵەو ١٩٩٤ینە مەنتێقەو گمگمو موشینە دلێ بنەیانێوی وەڵاتپارێزنینە دا پەیدا بییەن. کە بی بە نموونەو هومێدی و باوڕی پەی بنەیانەکەیشا، پەوکای نامێشا نیا ئومێد، وەختێ گەورە بی، بی بە هومێدو کوردستانی. باوەڕ زارۆلەیینە بە چاندی کوردایەتی و بەهاکاو وەڵاتپارێزنییوە گەورە بی، بی بە یۆ جە زارۆڵە مدرامانکەرەکاو مەیدانەکا. جگە ئانەیە وانیارێوی سەرکەوتە بێ، بەڵام وەرو ناکۆکی چنی سیستمی دماو ماوێوی وازش جە وەنای ئارد، بۆنەو هجوومەکاو سەرو گەلو کوردیوە، ملۆ دلێ هەرمانەو گەنجاوە و دەسش بە کۆشیای کەرد.

باوەڕ کە بەشداری جە چالاکییە مەدەنییەکانە و شەرمەزارکەردەی دەوڵەتی ئەرەگیرکەرو تورکی بێ، هەرپاسە بنەیانەکەیچش چندین جارێ بی بە ئامانجو دوژمنی. ئەنجامو ئی هجوومانە پەی ماوەو ٦ مانگا گیریۆ و زینداننە ئەشکەنجە مدریۆ. باوەڕ دماو ئانەیە زینداننە وەر بۆ ئیتر قەرار مدۆ، کە چێش بکەرۆ. وەختوو مدرامانو وێڕاوەبەریینە جە حەرچوار پارچەکەو کوردستانینە کریا، هجوومەکاو دوژمنیش سەرو گەلی و گەنجاوە دیێ. ئیتر چا چرکەساتاوە قەرار مدۆ وەختو هەقکەردەیۆن و پەوکای بە هومێد و تووڕەییێوی فرەوە ملۆ کەشە ئازادەکاو کوردستانی. پی باوەڕۆ بەشداریی دلێ ڕیزەکاو گەریلاینە مکەرۆ و نامێ وێش کەرد بە باوەڕ.

چندین جارێ جە مەردەی گێڵاوە

باوەڕ کە عاشقو کوردستانی ئازاد بێ کەشەکاو قەندیلیوە جارێوی تەر بەرزبییەیۆش پەکەکەیۆ ورگێرت. میلیتانو پەکەکەی ئینسانهایوی بەباوەڕێنێ. گەریلا باوەڕ یۆ جە کادرە مدرامانکەرە گەورەکاو پەکەکەی کەمال پیرش کەرد بە نموونەی سەرمەشقو وێش و پڕاوە پەی مەیدانەکاو زاگرۆسی. ساڵەو ٢٠١٩ینە بی بە فەرماندەو یەکینەی و بەشدارییش جە چندین چالاکییانە دژ بە دوژمنی کەرد. چندین جارێ  جەنگەنە جە مەردەی گێڵاوە. تووڕەیی باوەڕ دەینداری سات بە سات وەراوەرو دوژمنی فرەتەر بێ، بە هەڵوێست و قەرارە یارایەکاش بی بە یاگێ وەشەسیای هامڕایاش.

باوەڕ مەیدانو جیلۆی گولانەینە پەی وێش و هەم پەی هامڕایاش جەنگو تونێلەکا ئامادەکەرێ و چالاکییەکا ڕێک وزێ.

پیمەرەکاو فەرمانداری فرە بەڕۆشنی  کارەکتەری شۆڕشگێڵنی باوەڕینە بەرگنێ. بی بە فەرماندێوی نموونەیی گەریلایی سەردەمی تازەو سەرکەوتەی. مەیدانو جیلۆی گولانەینە تونێلەکاو جەنگینە فرە بە هێوری و دووروینیوە  دژو دوژمنی جەنگیێ و بە تەکتیکی تازە دوژمنی ماڕێ. وەراوەرو هجوومەکاو سەرو ئاڤاشینی و زاپی بێدەنگ نەبی. فەرماندە باوەڕ گرد وەختێ بە تەکنیکە جەنگییە کاریگەرییەکاش دوژمنی ماڕێ. باوەڕ بە ڕۆحێ فیدایی ئاپۆییانە و یاراێوی گەورەوە، سەرمەشقایەتیی چالاکیی جەنگی کەرێ و دلێ ئا چالاکییانە بە شێوێوی سەرکەوتانە دەورو وێش گێڵنێ.

یوە جە نیشانەکاو هەڵمەتێ شۆڕشگێڵنیێ هەڵۆکاو زاگرۆسی فەرماندە باوەڕ بە قارەمانێتییش دژو هجوومەکاو دەوڵەتو تورکی مەڕیای ڕۆو ئەوەڵیوە بەرەو وەڵێ جەنگیوە بێ.٢٦و نیسانو ٢٠٢١ینە پاینو کەشو گەشمەردە سەرخۆبوونی هەرێمو زاپینە ڕیزەکاو وەڵێو جەنگینە بەشداریی چالاکیی دژو ئەرگیرا بێ. چی جەنگەنە فرە بەسەختی بریندار بی. دماو ئانەیە هامڕایەکاو فەرماندە باوەڕ بە برینداری بەراش یاگێ پارێزنیێ،  ٣ ئایارو ٢٠٢١ینە گەشمەردە مبۆ و میاوۆ بە کارەوانو گەشمەرداو ڕزگاریی کوردستانی.