فەرمانڎەیی قەرارگەو نەپەگەی، پەیامێوە مبارەکبایش ئاراسەو ئا فەرمانڎە و گەریلایا کەرڎ کە هەرێموو مەتینای و هەرێمەکاو پارېزنای مەدیاینە، ئۆپراسیۆنی شۆڕشگێڵنیی گەشمەرڎە لەیلا ئامەڎېشا ئەنجامدا و ١٨ ئەرەگیرېشا سزادۍ.

جە پەیامەکەنە ئامان:

"وەڵۍ گرڎ چېوېنە، جارێوەتەر ساڵیاڎوو ئەرەمەرزناو پەکەکەی جە هامڕایا قارەمانیما مبارەک کەرمۍ، بەڕێزۊ سڵامشا ۋنەکەرمۍ. سەرمەشق و سیمبولەکاو کۊشیایما هامڕا شیلان کۆبانێ و هامڕا فوئاد، جوان، زەکەریا و جەمیلی کە جە ٢٩و تشرینوو دووەم و ٢٠٠٤ ی گەشمەرڎۍ بیۍ، جە ساڵیاڎوو گەشمەرڎەبیەیشانە بە ڕێزۊ یاڎشا کەرمېوە. ئێمە پا بەهایا و گەشمەرڎەکاما کە بە گیانوو ۋېشا خوڵقناشا، درێژە بە ئاخېزوو ئازاڎیی و کۊشیای مبارەکیشا مڎەیمۍ و خۊتانکەرڎەی جە یاڎەوەرییەکاشا کەرمۍ.

جە ٢٦و تشرینوو دووەمی، ئا شەوەی پارتەکەما (پەکەکە) مەرزیارە، جە مېڎانوو مدرامانوو کەش و چارچەلی مەتیناینە ئۆپراسیۆنی شۆڕشگێڵنی گەشمەرڎە لەیلا سورخوێن ئامەڎۍ ئەنجامدریا. بە ڕۆحی فیداکاری ئاپۆیی جە ٥ قۆڵېوە هجومشا کەرڎ سەروو دوژمنی و بە تاکتیکوو هۊرکوای سەری و هجومی جە دوژمنی دریا. ئا گورزە کاریگەرۍ جە دوژمنی مڎریا، نیشانەش مڎا کە جە شێوازوو جموجوڵی و پەنهانینە، وردبینی و قووڵیېوە بەدەس ئامان. بە ئارڎەیرەو میتۆدی هامچەرخی و ڕۆحی فیداکاری ئاپۆیی، ١٨ سەروازۍ تەرۍ سزا دریېنۍ، فەرماندەیچشا ئینا چنە. هاموەخت لوېنۍ سەروو جەنازەکاشا و دڵنیابیۍ چانەی کە سزا دریېنۍ، دەسگیریا سەروو چەکێوە نیمچە ئۆتۆماتیکی بی. کی. سی. و بۆمبشانېرە و ٢ چەکۍ تاکەکەسی MP-55 و چنڎین کەرەسۍ سەروازیۍ تەریرە. نەک هەر ئینە، بەڵکم جە نیمەو شەوېنە، دلۍ جەنگی دژوارینە، زانیارییەکۍ سەروو بڕۍ جە سەروازە سزا دریاکا مسۆگەر کریۍ و تۆمار کریۍ. ئۆپراسیۆنی شۆڕشگێڵنیی گەشمەرڎە لەیلا سورخوێنۍ چالاکیېوە بۍ سەروو بناغەو تاکتیکی هامچەرخی، بە ڕێبازێوە گونجیا ئەنجامدریا، بەبێ هیچ زەرەرېوە گورزەی گرانە جە دوژمنی شنیا و چەک سەروو دوژمنیۊ هۊرگیریا.

ئی سەرکەوتەیە مبارەک کەرمۍ جە گرڎوو ئا فەرماندە و جەنگەوانا جە پلان نیایرەی تا ئەنجامدای ئۆپەراسیۆنی شۆڕشگێڵنیی گەشمەردە لەیلا سورخوێنۍ بەشداربیەی و ڕەنج و سەرمەشقیشا ئەرمانا.

مەعنېوە گۊرەش هەن، وەختۍ نامۍ ئەندامەو کۆمیتەو ناوەندی پەکەکەی، ئەندامەو کۆنسەی فەرماندەیی هەپەگەی، فەرماندۍ مېڎانوو بۆتانی، فەرماندېوە ژەنەی کوردەی قارەمانۍ، شۆڕشگێڵنە و فریشتەئاسا و فیداکارێوە پېسە هامڕا گەشمەرڎە لەیلا سورخوێن ئامەڎۍ چی ئۆپراسیۆنەیە نریان و جە شەوەو ئەرەمەرزناو پەکەکەینە ئەنجامدریان.

ئی چالاکییە نەک هەر تەنیا گورزەش جە دوژمنی شانا، بەڵکم واوەی ڕاسی جەنگیش جە کوردسانەنە نیشانەدا، خنجەرێوەش جە ڕۆحوو بەرەو جەنگی تایبەتی دا کە دوژمن بە درۆ مەرزنانشەرە. واوەی دروەکۍ جەنگی تایبەتی دەوڵەتوو تورکیش دلېنەبەرڎۍ کە حەجگیز زەرەرەکا ۋېش ئاشکرا مەکەرۆ، یان ئا وەختەی ناچار بۆ بەشێوە گولانە جە زەرەرەکاش ئاشکرا کەرۊ، یان باس جە زەرەروو گەریلای کەرۆ، هەرچنە گەریلا حیچ زەرەرېش نەبیەن.

بە هەستێوە شۆڕشگێڵنیوە، سڵام چا هامڕایا کەرمۍ کە بە ڕۆحی فیداکاریی ئاپۆییوە جەنگشا کەرڎ و گورزەی گرانەشا جە دوژمنی شانا. باوەڕمان پاسەن، ساڵەی تازۍ پارتەکەینە، سەرکۊتەی زیاتەر بەدەس مارمۍ و ئێمەیچ هیواو سەرکۊتەی وازمۍ".