نەپەگە مبارەکبایش چا گەریلایا کەرڎ، کە ئۆپراسیۆنی شۆڕشگێڵنیشا ئەنجامدابۍ. جەبارەو دەوڵەتوو تورکیچۆ کە هجوم کەرۆ سەروو ۋەرنیشتی ئەرەیاۋنانش، " دەوڵەت و سوپېوە بەقوەتە و مەردە، ۋەران ۋەروو هێزۍ سەروازینە جەنگ کەرۆ، نەک هجوم کەرۆ سەروو مەدەنییە بێ چەکەکا".
پەیاموو مبارەکبایی فەرماندەیی قەرارگەو ناوەنڎیی پارېزناو گەلی (نەپەگە) بە نامونیشانوو "پۍ گرڎوو ئا جەنگەوان و فەرماندا، کە ئۆپراسیۆنە شۆڕشگێڵنییەکاشا ئەنجامدۍ" پی جۆرەنە:
" هامڕایا بەقیمەت و قەڎر گران
٢٢ و ٢٣ۍ کانونوو یووەمی جە ئەیالەتەکاو گەشمەرڎە دەلیلوو ۋەرنیشتوو زاپی، خواکورکی، مەتینای و زاپینە جە ماوەو ٢٤ سەعاتانە جە چووار یاگۍ جیاجیێوە ئۆپراسیۆنی شۆڕشگێڵنی و چالاکیۍ سەرکۊتۍ ئەنجامدریۍ.
جە ئەیالەتوو خواکورکینە ٢٢ۍ کانونوو یووەمی جە چوارچێوەو ئۆپراسیۆنی شۆڕشگێڵنی گەشمەرڎە ئەحمەڎ روبارینە؛ بە تاکتیکوو هجومکەرڎەی لووۍ دلۍ سەنگەرەکاو دوژمنی، ٢٧ ئەرەگیرېشا بە سزا یاونۍ، لووۍ سەروو جەنازەو ١٧ ئەرەگیراشا، دەسشا گېرت سەروو چەک و کەلوپەلە سەروازیەکاشارە و دلېنەبەردەو ئەویشای تەری ، ئاستێوە سەرکۊتانۍ نیشانەدریا.
جە ئەیالەتوو مەتینای ٢٢ۍ کانونوو یووەمی جە مېڎانوو مدرامانوو کەش و ئۆرتێ بە چالاکی هەماهەنگی گەریلای ئەرەگیرەکۍ کریۍ ئامانج و ٩ ئەرەگیرۍ بە سزایاویۍ. ئی چالاکیە بەرش وست کە ئەگەر هێزەکۍ ئەیالەتەکەی سەروو ئا بنەمایۍ زیاتەر ڕشدۍ باوە ، ئەنجامی سەرکۊتانەتەر بەدەس مارا.
جە ئەیالەتوو گەشمەرڎە دەلیلوو ۋەرنیشتوو زاپی ٢٣ۍ کانونوو یووەمی هێزوو دوژمنی جە کەش و ئامێدینە ٧ قۆڵېوە بە هەماهەنگی و ئۆپراسیۆنی شۆڕشگێڵنی کریۍ ئامانج. بە تاکتیکوو هجومبەردەی ئۆپراسیۆنەکە بە دەسوەڵېوستەی و باڵادەسی گەریلای دەسشپنەکەرڎ، ٣٤ ئەرەگیرۍ سزادریۍ، جگە جە ژمارېوە فرە جە چەکی، ٢٦ خێمۍ و سەنگەرۍ دلېنەبریۍ. پی جۆرە گورزێوە قورسە جە پلانەو ئەرەگیری دوژمنی شنیا.
جە مېڎانوو مدرامانوو کوڕەژارۆی ئەیالەتوو زاپی ٢٣ۍ کانونوو یووەمی جە ئۆپراسیۆنی شۆڕشگێڵنیی گەشمەرڎە مەلسا موشېنە بە تاکتیکوو دزەکەرڎەی پۍ دلېشا بە شێوېوە کاریگەر گورزە جە دوژمنی شنیا. بە سزایاوناو ١٨ ئەرەگیرا، لووۍ سەروو جەنازەو ٣ ئەرەگیرا و بە دەسگېرتەی سەروو چەک و کەلوپەلی سەروازیرە ئاستێوە گرنگ جە سەرکەوتەی نیشانەدریا. ئا چالاکیە فرە بە خێرای و بە تەمامەتی جە دەسوەڵۍ وستەی و باڵادەسی گەریلاینە بە بێ حیچ زەرەرېوە گیانی ئەنجامدریا. ئانەیچ بەرش وست کە ئۆپراسیۆنێوە شۆڕشگێڵنی فرە سەرکۊتانە کە شێوازوو سەردەمیانەیش جە ۋېش گرتەن.
مبارەکبایی جە گرڎوو هامڕایاما کەرمۍ کە بەشداریشا کەردەن و دەورشا بیەن
مبارەکبایی جە فەرماندەیی ئەیالەتوو زاپی، فەرماندەیی ئەیالەتوو خواکورکی، فەرماندەیی ئەیالەتوو گەشمەرڎە دەلیلوو ۋەرنیشتوو زاپی و فەرماندەیی ئەیالەتوو مەتینای و گرڎوو ئا جەنگەوان و فەرماندا کەرمۍ کە بەشدارییشا جە چالاکیەکەنە کەردەبۍ، گرڎوو ئا هامڕایا کە جە هەر ئاستێوەنە دەورشا چا چالاکیانە بیەن، بە مەڵامەتوو سەرکۊتەکەیشاوە مبارەکباییشا ۋنەکەرمۍ.
دەوڵەتوو تورکی مەحکوما بە شکس
گەریلا گرڎ فەسڵۍ، جە گرڎ هەلومەرجێ و جە گرڎ یاگېنە بە ڕۆحوو ئاپۆیی خۊتانکەرڎەی کەرۆ جە ئەرکوو شۆرشگێڵنی ۋېش و بە ئیراڎېوە ئاپۆیی بەقوەت و بە قەرارداریېوە گۊرە ئەرکوو سەروو شانا ۋېش بەیاگۍ میاونۆ. ئینەیچ پێرفۆرمانسێوە گرنگوو جەنگی خوڵقنۆ. گۆرزێوە گۊرېش جە سوپاو تورکی ئەرەگیری و ڕژێموو جەنگی تایبەتی ئاکەپە-مەهەپەی دان و دەوڵەتوو تورکیش زەنەق بەردەن. دەوڵەتوو تورکی ناچار بی کە، بەشێوە جە زەرەرە قورسەکاو ۋېش جە هەرێموو گەشمەرڎە دەلیلوو ۋەرنیشتوو زاپی و خواکورکی، ئاشکرا کەرۆ، بەڵام حۊڵ مڎۆ سەروازە کوشیاکاش جە ئۆپراسیۆنی شۆرشگێڵنی گەشمەرڎە مەلسا موشېنە، کە جە مېڎانوو مدرامانوو کۆرەژارۆو زاپی و مەتیناینە بە شێوېوە سەرکۊتانە و پرۆفیشناڵانە ئەنجامدریا بە تەمامی بشارۊوە. پېسە ئا چالاکییەو کە جە ١و تشرینوو یووەم و ٢٠٢٣ېنە جە تەرەفوو فیداییاو تابوری نەمرانیوە ئەنجامدریا، ئی ئۆپراسیونەیچە جارێوەتەر گرڎوو درووەکا جەنگوو تایبەتی دەوڵەتوو تورکی فاشیستیش ئاشکرا کەرڎ. مشۊم بزانیۊ کە، سەروو بنەماو ستراتیجوو شۆرشگێڵنی، ئا ستراتیجیەی کە ئێمە بەکارش مارمۍ، دەوڵەتوو تورکی مەحکومە بە شکس.
دەوڵەتوو تورکی کە جە لایەن و گەریلایوە گورزەی کۆشندېش وەرکۊتېنە، دروۍ کەرۆ و ماچۆ هێزەکۍ گەریلای زەرەرۍ فرەشا ۋەرکۊتەن و بە بەردەوامی ئا درووا واوەی کەرۆوە. پی جۊرە حۊڵ مڎۊ ڕای گرڎیی جەهانی و تورکیای هۊرخەڵەتنۆ و کاریگەری ئا شکستاشە کە وەرش کۊتېنۍ ۋیەرنۆ و ورە پۍ گروپە فاشیستەکاش گېڵنۊوە، بەڵام پېسە ئانەی کە پۍ ڕای گرڎی و گەلی وڵاتپارێزیما ئاشکرا کریا، جگە جە هەڤاڵاما مەمیان، هەڵمەت، وڵاتی و حسێنی، چی پرۆسەیەنە حیچ گەشمەرڎېوەتەرما نەڎان و حیچ زەرەرېما ۋەرنەکۊتەن. ئێمە ئا چوار هەڤالەما کە بە ڕۆحێوە فیدایی و بە ئازاڎیی گۊرۆ هجومشا کەرڎ سەروو دوژمنی و گەشمەرڎۍ بیۍ ، بە ڕێز و ئیحترامۆ ویرشا مارمېوە و وەعد مڎەیمۍ کە بە سەرکۊتەیما دڕێژە بە ڕاو سەرکۊتەیشا بڎەیمۍ و ئامانجەکاشا بەدی بارمۍ.
هجومەکۍ پۍ سەروو مەنتیقە مەدەنییەکا، ترسنۆکی و نامەردییا
ڕژێموو بکوژی و فاشیستی ئاکەپە-مەهەپەی، پا گورزە قورسا کە ۋەرش کۊتېنۍ، عەقڵش جە دەسدان. دماو ئۆپراسیۆنە شۆڕشگێڵنییەکەی، ڕووەش کەردېنە مېڎانەکاو ژیۋای خەڵکی مەدەنی. ئینە هجومېوە نامەردانە و ترسنۆکانەن و پی هەرمانېچشە ئاژەو شکسوو ۋېش نیشانە مڎۆ. ئاشکران کە دەوڵەت و سوپېوە بەقوەتە ۋەران ۋەروو هێزی سەروازینە جەنگ کەرۆ کە دژش مردېنۍ، هجوم مەکەرۆ سەروو هاموڵاتیا مەدەنی و بە هیچ شێوېوە مېڎانەکا ژیۋای خەڵکی مەدەنی مەکەرۆ ئامانج. ئینە هەرمانەو هێزێوە نامەردیا کە جە دژوو بیەو گەلا جەنگ کەرۆ. ڕژێموو فاشیستی ئاکەپە-مەهەپەی جە سەرنیشتوو کوردسانی حۊڵ و گېرتەی خەڵکی مەدەنی مڎۆ کە حیچ پەیوەندیېشا بە ئۆپراسیونەکاوە نییا، جە ۋەرنیشت خەسەخانە، کارگە، چاپخانە، وێسگەکاو کارەبۍ و سەرچەمەکا وزەی کەرۆ ئامانج. پی جۊرە یاسا میان نەتەوەییەکا جەنگی پاشێل کەرۊ و دژوو گەلەکەیما تیرۆری دەوڵەتی ئەنجام مدۆ. بەڵام ئی دەسەڵاتە بکوژ و فاشیستە چېش کەرۆ با کەرۊش، جە ۋەران ۋەروو ئاژەو رەواو گەلوو کوردینە ڕزگارش مەبۊ جە شکسی. بە دڵنیاییوە جە ۋەران ۋەروو ئیراڎەی شۆرشگێڵنی واڵە و برایی گەلانە، دیمۆکراسی و ئازاڎینە عەقلیەتی فاشیستوو ئەرەگیر سەرکەوتە مەبۆ.
ئێمە جارێوە تەر مبارەک بایی ۋېما ئاراسەو ئا فەرماندە و جەنگەوانا کەرمۍ کە مۆرەو ۋېشا چی قۆناغۍ دان و سەرکۊتەی گرنگشا خولقنان. بە هەستی شۆڕشگێڵنانە و جە ناخۆ سڵام جە گرڎوو هەڤاڵا کەرمۍ. ئێمە قەناعەتما پاسەن کە سەرکۊتەی گۊرەتەر بە دەس مارمۍ و هیواو سەرکۊتەی گەورەی پۍ گرڎوو هەڤالا موازمۍ".
