فەرەنسانە هجومەکۍ دەوڵەتوو تورکی شەرمەزار کریۍ
کوردسانیا جە چن شارێوە فەرەنساینە بە وېنیشاندای هجومە ئەرەگیریەکۍ دەوڵەتوو تورکیایشا پۍ سەروو ۋەرنیشتی شەرمەزار کەردۍ.
پاریسوو پایتەختوو فەرەنساینە کوردسانیا وەروو دەم و ستراسبورگ ساینت دەنیسینە کوۍ بیێوە و هجومەکۍ دەوڵەتوو تورکیایشا پۍ سەروو ۋەرنیشتی شەرمەزار کەردۍ.
کوردسانیا ئاڵاکۍ پەکەکەی و لافیتەشا بەرز کەردەبۍ کە سەرشۆ نویسیابۍ "دەوڵەتوو تورکی بکوژا"یان دروشمەکا "بکوژ ئەردۆغان"ی و "بژیۋۆ سەرۆک ئاپۆ"یشا واتېوە. حەرپاسە ئەرەیاۋناشا کە دژوو هجومە ئەرەگیریەکاو دەوڵەتوو تورکی مېڎانەکا چۆڵ مەکەرا و بەردەوامۍ با جە چالاکی.
هاموەخت کوردسانیا بە سەرمەشقایەتی جمیەروو گەنجاو شۆڕشگێڵنی (تەجەشە)ی و ناوەنڎوو گلېرگەو دیموکراتیکی کوردی (نەجەدەکە)ی جە شارەکا پېسە درانسی، ڤیلۆنۆڤ، ڤیلیەرس لی بەل و نۆرماندیای و رامسینە مجیێرە جاڎەکا و دژوو هجومە ئەرەگیریەکاو دەوڵەتوو تورکی پۍ سەروو ۋەرنیشتوو کوردسانی و سەرنیشتوو-ۋەرکەوتوو سوریای چنڎین دروشمێشا واتېوە.
کوردسانیا سەرەڕاو شەرمەزار کەرڎەی ئا هجوما داواشا کەرڎە حۊڵەکۍ پۍ مردنای ئا پەلامارا و دەوڵەتوو تورکی پۍ سەروو ۋەرنیشتی چڕۍ کریاوە.
