چوارچوەو سیاسەتەکاو فاڕای دیمۆگرافیاو عەفرینینە، ئا کەسێ چا ئەرەنیشتێ کریێنێ، موڵکوو ئەرەنیشتاو عەفرینی مورەشانە و کە بەزۆر ئاوارێ کریێنی.

بەپاو سەرچەمە وێمانەکا، کەسێوە بە نامێ ئەحمەد ئەلحاجی خەڵکوو کەشوو حسی حەلەبنە، کە دەوڵەتوو تورکی و چەتەکاش عەفرینەنە ئەرەنیشتە کەردەن،  گەڕەکەو مەحموودییەینە یانەو هاموەڵاتێوە کە  نامێش عیسمەت حەنان خەڵکوو دەگاو شێخ بلەین شاروو ڕاجۆینە، بە هەزار و 500 دۆلارێ ورەتەن بە کەسیوی تەری، کە نامێش محەمەد میریین،کە خەڵکوو کەشوو حس‌ـەین.

ئەحمەد ئەلجی وەختوو ئەرەگیرکەردەی  عەفرینینە لاو دەوڵەتوو تورکی ئەرگیریوە و چەتەکاشۆ دەسش ملوو یانەکەیشەرە گێرتەبێ.

هەرپاسە چەتیوی ئەنداموو گرووپوو "مغاویر الشرقییە"ت داواو ٤ هەزار دۆلاراش جە ئەرەنیشتیوی کەردەن بە نامێ، جەمال حەمیدیوە تا یانەکەش جادە خەسەخانەو دێرسیموو عەفرینینە بدۆوە پەنە.

بە هەمان شێوە چەتەکاو  "لیواو 112"ی دەوڵەتوو داگیرکەروو تورکی، کەسێوەشا بە نامێ محۆ مامۆ ناسان (40 ساڵەی) خەڵکوو دەگاو دمیلیاو شارووموباتاو عەفرینی ئڕفانا وەختوو گێڵایۆشنە پەی دەگێکێش، وەراوەروو ئازادکەردەیشەنە فیدیەشا جە بنەیانەکەیش سانا.

هەمان ڕۆ چەتەکاو "پۆلیسی سەروازی" ئەرەنیشتێوەشا بە نامێ سوبحی عەبدۆ شێخۆی(٦٠ ساڵە)یوە وەردەموو یانەکەیشەنە گەڕەکەو مەحموودیەو عەفرینینە ئڕفانا. ڕاو تەلەفۆنیوە چەنی خێزانەکەیش قسێشا کەردێنێ و هەڕەشێ کوشتەیشا وەنە کەردەن، ئەگەر فیدیە نەدانە.

هەرێمە داگیرکریایەکاو سوریاینە ڕوانە تاوانێ دڕندانێ دژوو ئەرەنیشتا مکریانێ و چەتەکێ دەس مگێرانە ملوو یانە و مڵکوو ئەرەنیشتا و ئاوارەکانە.

دەگایەکاو بێنە و تەنەبی مەنتێقەو شێراوای تۆپوارانێ کریێ، دەربارەو زیندانەکا حیچ زانیارییوە نەوزیان ڕووە.