جە چوارچوەو ئەشناسنای پوشتە، زەڕ و زیوەرو ژەناو هەورامانیەنە (فێسە زەڕە، یام کڵاو زەڕە)ی مشناسمێنە کە ئی چێواشە هەنێ:

لەچک                    چیر چەناکە
قەرانێ                   وەرتاقی
موورێ                   لاگیرە
قولاپێ                  گوڵەنفێس
نەقیمێ                 قوڵفەڕێژێ
پەشتەسەرە  
       

لەچک: لەچک تیکوێو پارچەی یەرە گۆشا و سووک و زەریفا پەی پەشتەو ! کڵاوەکێ
 
قەرانێ یام کە پووڵەوردێ قەدٚیمی: ئی قەرانێ پەی پەڕوەکەردەو گردوو کڵاوەکێ با.
 
موورێ: موورێ وردێ و قەویێ پەی زەریفی بەینوو قەرانەکا کە فرەتەر جە موورێ کەوەڕەنگێشا وستێنێ دلێشەرە، بۆنەو چەم و چڵەیوە 

چیرچەناکە: جە قەرانا و موورە کەوا وەش کریان و حاڵەتوو گۆشوارەی و ئاویزانیش بییەن. چیروو چەناکەیەنە ئی گۆش پەی ئەو گۆشی لکنانشا کڵاوەکێرە. فرەتەر بۆنەو ئانەیوە ملوو ژەنێ نەپێویو.

وەرتاقی: جە زنگیالا وەش کریان چنەیان و لکیان وەروو کڵاوە کێرە.

لاگیرە: ئادٚیچ بە قەرانێ وەش کریان و دوێ تیکێ ئاویزان جە وەسەتوو تەوێڵێوە پەی پەشتەو گۆشا..

قولاپێ: قەرانێ بیێنێ و هەڵقیەشا لکناینێ‌ پۆرە پەی گیر کەردەی قەتارە، لاگیرە، وەرتاقی، گوڵەنفێس و لەچکەکەی..

گوڵنفێس : دەوروو شش تاڵێ زەنگیاڵێ درێژێ پەی زەریفی کڵاوەکێ بە پەلکەی گێرتێنێشاوە و پیلا و پەولاو کڵاوەکێرە لکناینێشارە و هاڵووچیاینێرە 

پەشتەسەرە: پەشتەسەرەیچ جە قەرانا و موورا وەششا کەردەن. پێسەو قەتارەکەی گۆشاوگۆش پەی پەشتەو سەرەی لکنانشا کڵاوەکێرە.

قوڵفەژێرێ: جە قەرانیە وەششا کەردێنێ پەی پەڕوە کەردەی کڵاوەکێ با. یام کە سەروو حەڵقەکا پۆژنۆشارە...

نەقیمێ: هەنێ پەشتەو کڵاوەکێوە پەی  زەریفی حاڵەتوو ئاویزانیشا هەن.

ئامادە و کۆکەردەی: ئەسرا

سەرچەمە/ کاناڵو_ئەنجۆمەنو_ڕۆجیاری جە ”تەلەگرام“ـەنە