ئەندامەو دیوانوو هامسەرۊکایەتیی پارتوو یۊبییەی دیمۊکراتیک (پەیەدە)ی فۊزا یوسفە واتش، کە دەوڵەتوو تورکی ئەرەگیری مەنتێقەکەنە دەسش کەرڎەن بە جەنگێوە هەمەلایەنەی و واتش، کە ئێمەیچ هەمەلایەنە مدرامان کەرمێ.

فۊزا یوسفە داواو سەفەربەرییش وەنەو گەلی کەرڎە و واتش: "دەوڵەتوو تورکی دژوو ئێمە جەنگێوە هەمەلایەنەش ئەرەیاونان، هجووم کەرۊ سەروو گر چێوێوە. ئی هجوومۍ پەی دلێنەبەرڎەی گەلەکەیمانۍ مەنتێقەکەنە، دلۍ یاسا و ڕێسا میاننەتەوەییەکانە مافدای بە هجوومێوە چانەی نییا".

فۊزا یۊسفە دژوو ئی هجووما داواو یەکڕیزییش کەرڎە و واتش: "ئێمە مدرامانی هەمەلایەنە ئەرەیاونمێ، گەلەکەما گردوو شار و ئەرەمەرزیایەکانە دژوو ئی هجووما سەرفەربەر بۊ. ڕاوبەرایەتیی وێما و شارەکاما پارێزنمی. مشۊم حەرکەسێوە حەرلێوە ئی وەڵاتەینە سەفەربەر بۊ. ئارۊ ڕۊو مدرامانی و کەرامەتین. مشۊم یۊ بیمۍ و  دژوو هجوومەکاو دەوڵەتوو تورکی فاشیستی بیمێوە".