گوڵبین شاهین داغانە کاندیدەو هامسەرۆکی شارەوانی نسێبینی جە زەماۋنڎە جەماوەرییەکەو شاروو نسێبینیەنە قسێش کەردۍ و واتش: "ئێمە پێوەرە نسێبینی گێڵنمێوە پۍ ڕووانی وەڵینی، دەس جە دەسوو یۆی، دیسان نسێبینی ڕەنگین مکەرمێوە.
نسێبینەنە ئاماڎەکارییەکۍ پۍ هۊرچنیەو ٣١و ئاداری دمایشا ئامان، دەم پارتی زەماۋنڎێوە گرڎینە و ڕاپیمایۍ جەماوەریش بە بەشداریی کاموران تانهانی پەرلەمانتاروو مێردین ڕێکوست.
گەل جاڎەو ٢٧و ئایارینە کوۍ بیێوە و بە شۊڵەچراویۆ بەرەو نووسینگەو هۊرچنیەو ژەنا دەم پارتی کۊتۍ ڕا. ڕاپیماکەی دیمەنێوە نەخشینش خوڵقنابۍ، جە میانوو ڕاپیماکەیەنە دروشمەو "بژیۋا زینڎانیۍ" و "بژیۋۆ سەرۆک ئاپۆ" بەرزۍ کریێوە.
هاموەخت کاندیدەو هامسەرۆکی شارەوانی نسێبینی گوڵبین شاهینە ئەرەیاۋناش، "ئیراڎەو گەلەکەیما نسێبینەنە بە قەیوم دەسنیشانکریان، گرڎما مزانمۍ ڕژێموو قەیومی چێشا بە شەرعیش مزانۆ، گەلەکەما لایەقوو عالتەرین و جوانتەرین چێوییا، جە مانگەو ئادارینە بەدەسش مارمۍ". جە ٣١ ئادارینە قەیومەکا کیانمێوە و شارەوانییەکا ڕاوەبەرکەرمۍ، پارێزنای سنووقەکا ئنڎەو لووای سەروو سنووقەکا دەنگدای و دەنگدای گرنگا، پێوەرە نسێبینی گێڵنمێوە پۍ سەردەمی ویەردەی و دیسان نسێبینی مکەرمێوە بەشاروو گرڎوو ڕەنگەکا."
جۆش و خرۆشوو گەلی کە دیمەنۍ ڕەنگاوڕەنگی نەخشینش بە بەحرۆچکەکەی بەخشا بۍ بە سەما و گۊرانیۍ دمایش ئاما.
