گەلاو سەرنیشت و وەرکەوتو سوریای٤و نیسانیشا مەبارەک کەرد
گەلو سەرنیشت و وەرکەوتو سوریای بە بۆنەو ڕۆو پەیڎابییەی ڕابەرو گەلو کوردی عەبدوڵا ئۆجالانیوە چالاکیشا کەرد.
چالاکییەکێ بە بۆنەو ٤و نیسانیوە، ڕۆو پەیڎابییەی ڕابەرو گەلو کوردی عەبدوڵا ئۆجالانیوە سەرنیشت و وەرکەوتو سوریاینە بەرڎەوامێنێ.
قامیشلۆ
بە بۆنەو ٧٥ەمین ساڵیادو پەیڎابییەی ڕابەرو گەلو کوردی عەبدوڵا ئۆجالانیوە، ئەڎێ سەیرانگاو هەڵەبجەینە گەڕەکەو کۆرنیشو قامیشلۆینە جەمێ بیێ و چندین شەتڵێشا نیێ.
کەمپەینو "نیای ١٠٠ شەتڵا" لاو کۆمەڵەو پارێزنای و چەمداریی مافەکاو زارۆڵاو ستێرکیوە بەرڎەواما. زارۆڵێ بنەیانەکاو کۆمونەو گەشمەرڎە دەمهات قامیشلۆی و گەشمەرڎە مەزڵومو عەلیای و گەشمەرڎە سەیدۆو جودی (کەناڵی سوێس)ی بەشداریی چالاکیی نیای شەتڵەکا بێنێ. زارۆڵەکێ ئارۆ ١٠٠ شەتڵێ تەرێشا نیێ.
چلاغا
دەگاو زخیرەو چلاغاینە، کۆنگرەو ستاری چوارچوەو چالاکییەکاو ٤و نیسانینە، سیمینارێوەش کەرد.
ڕاوەبەرەو یانەو ژەناو چلاغای، هودا عەلییە سیمینارەکەنە قسێش کەردێ، ڕۆو پەیڎابییەی ڕابەرو گەلو کوردی عەبدوڵا ئۆجالانی و جەژنەو ئەکیتۆیش مەبارەک کەردێ و واتش: "تاکە ڕاو یاوای بە حەقیقەتی کۆبییەیۆن دەورو ڕابەر عەبدوڵا ئۆجالانی و فیکرەکەیشنە".
دماییبەشدارەکێ شەتڵێشا نیێ.
حەلەب
کۆمیتەو پەروەرڎە و فێرکەرڎەی جڤاکی دیموکراتیکو حەلەبی چوارچوەو چالاکییەکاو ٤و نیسانینە مەکتەبو گەشمەرڎە ئاڤاشین دەمهاتینە، چالاکیێوشا کەرد. گەل و ئەنداماو ڕێکوزیا مەدەنییەکا بەگەرمی لوێ دەمو چالاکییەکەیۆ.
بەشدارەکێ باخچەو مەکتەبەکەینە شەتڵێشا نیێ، گرووپو مۆسیقاو گەشمەرڎە عەگید جیلۆی گۆرانیێشا پێشکەشێ کەردێ، دمایی گرووپو فۆلکلۆرو گەشمەرڎە جودی ئامانۆسی لوێ سەرو شانۆی.
چالاکییەکە بە درووشمو "بێ سەرۆکی ژیوای نمەبۆ" و بەجۆشوخرۆش دماییش ئاما.
