شاندو ئیمراڵی کە پەی گلێرۊبیەکاش ئینا پانیشتوو کوردەسانینە، دماو گلېرۊبیەیش هێزی چنی مەسعود بارزانی، جە بەردەوامی گلېرۊبیەکاشەنە ئارۆ گلېرۊبیەیش چنی نێچیرڤان بارزانی سەرۆکو هەرێمو کوردەسانی دەسپنەکەرڎ.
جە چوارچێوەو سەرۋنەداکاشانە، شاندو ئیمرالیی دەم پارتی، کە دماو دیدارەکاشا چنی ڕابەر ئاپۆی دەسش پنەکەرڎەن، جە چن ڕۊی ۋېیەردەنە سەرشا ۋنەو پانیشتوو کوردەسانی دا و ئارۆ، جە بیناو سەرۆکایەتی هەرێمینە، سەردای نێچیرڤان بارزانی، سەرۆکو هەرێمو کوردەسانیشا کەرڎ و جە ئیسەیچەنە ئینۍ گلېرۊبیەینە.
شاندەکە پێکئامان، جە پەروین بوڵدانۍ و سری سورەیا ئۆندەری، ئەنداما سەرەکی شاندو ئیمرالی و پەرلەمانتارا پارتو یەکسانیی و دیموکراسیی گەلا (دەم پارتی)، کەسکین بایندر، هامسەرۆکو پارتو هەرێمە دیموکراتییەکا (دەبەپە)، ئۆزگور ئەرۆل و ئیبراهیم بیلمەز جە نووسینگەو یاسایی سەدەی، بەردان ئۆزتورک، هاموتەواچو کۆمسیۆنو پەیوەندییەکا جبەرو دەم پارتی، پەرلەمانتارا گولجان کاچماڵس و مەهمەت کاماچ-ەنۍ.
شاندەکە جە میانو سەرۋنەداکەیشانە پەی پانیشتوو کوردەسانی هېزی یووەم گلېرۊبیەی ۋێشا چنی مەسعود بارزانی سەرۆکو پەدەکەی جە پیرمام ئەنجامدا و سڵام و پەیامەکۍ ڕابەر ئاپۆیشا یاونۍ بە مەسعود بارزانی.
قەراریچا شاندەکە دماو گلېرۊبیەیشا چنی نێچیرڤان بارزانی جە دیوانو پارێزگاو هەولێرینە کۆنگرێوە ڕۆنامەوانی سەبارەت بە گلېرۊبیەکا هۊلێریشا ئەنجام بڎا و دماتەر بەرەو سلێمانی گنا ڕا و چنی بافڵ تاڵەبانی سەرۆکو یەنەکەی کوۍ باوە.
