جە سەرنیشتوو کوردسانی و تورکیاینە هۊرچنیەی دلێینەی ئەنجامدریا. گەل سەرەڕاو فرتوفێڵوو دەسەڵاتوو ئاکەپە_مەهەپەی دەنگوو ۋێشا دا. دەم پارتی جە هۊرچنیەکانە سەرکۊتەیۍ تاریخیش بەدەسئاورد و چنڎین شارەوانیێش بەردێوە کە وەڵتەر جە ڕاو قەیومیوە دەسشا سەرەرە گیریابۍ.

گەلوو کۆبانێ پۍ سڵام کەردەی جە سەرکۊتەی دەم پارتی دلۍ شارەکەینە بە ترۆمبێل خولیێوە و دماتەر لووۍ پۍ مێڎانوو ژەنۍ ئازاڎۍ. هاموڵاتیا جە مێڎانوو مەراسیمەکەینە هۊڕپڕایشا سازکەرد و سەرکۊتەی دەم پارتیشا پیرۆزکەرد.

دماو دەیەقێوە ڕێزگێرتەی، ئەنداموو تەڤگەروو گەنجا شۆڕشگێڵنی کۆبانێ محەمەڎ ئەحمەڎ واتش: "ئا ئەرەگیرەی سەروو کوردا قڕکەردەی ئەنجام مڎۆ، ۋەرا ۋەر بە ئیرادەو گەلەکەیما جە سەرنیشتوو کوردسانینە شکسش ئارد. ئاشکران فیکر و فەلسەفەو ڕابەر ئاپۆی سەرکۆتەن. پێسە چنی گەلوو سەرنیشتوو کوردسانی جە جەنگوو کۆبانێنە پەشگیری گەلوو کۆبانێشا کەرد، ئێمەیچ تا دما نەفەس پەشگیری جە گەلوو سەرنیشتوو کوردسانی مکەرمۍ".

مەراسیمەکە بە هۊرپڕای و بەرزکەردەیۆ درووشـمەکا دمایش پنە ئاما.