جە هەر چوار لاوە گلیرگەو کوردی بە ئیرادێوە بەهېز نەورۆزش موبارەک کەرد. بە واتەیۆ دروشمەو ژەنی ژیوای ئازاڎیی و چارەسەری پەی پرسو کوردی و پێوە ژیوای گەلا و ئازاڎیی جەستەی پەی ڕابەر ئاپۆی ئازاڎیی وازی جە هەر لێوەنە جەژنەو نەورۆزیشا موبارەکە کەردە. نەورۆز پەی گلیرگەو کوردی بە ماناو تازەبییەیۆ مێ. وەڵینگەو ئی جەژنۍ گێڵۆوە پەی سەردەمو چاخی نیۆلۆتیکی و تا بە ئارۆ جە کولتوور و زاگرۆسینە بەردەوام کەرۆ، فەلسەفەو نەورۆزی بە ماناو کۆشیای ئازاڎیی و ڕۆشنای مێ جەوەرانوەر و ستەمی و تاریکینە؛ ئارۆیچەنە زاوڵەکۍ ئەیا ستێکی و ئینانێ و ئەنلیلی جە هەریاگێوە دنیێنە بەردەوامېنۍ جە مدرامانی و ئاواکەردەی ژیوایێ ئازاڎانەی.

گەریلێکۍ ئازاڎیی جە کەشە ئازاڎەکا زاگرۆسینە بە کەردەیۆ ئێری و گۆرانیا جەژنەو نەورۆزیشا مبارەکە کەردە و ئەرەیاوناشا تاکە ڕاو چارەسەری جە میامینو وەرکەوتینە فکرو فەلسەفەو ڕابەر ئاپۆین. هەرپاسەیج جە وڵاتە ئەوروپییەکانە گلېرگەو کوردی و دۆسەکاشا نەورۆزشا موبارەک کەردو ئەرەیاوناشا تا ئازاڎیی جەستەی ڕابەر ئاپۆی و ئاواکەردەی ژیواێ ئازاڎانەی جە کۆشیایشا بەردەوامۍ بانە. چەنی سەرکوتکەردەیو دڕندەی دەسەڵاتە فاشیستیانەکەو ئەکەپە و مەهەپەی جە شارە گەورەکانە پېسەو ئەدەنەی و ئەنقەرەی و ئەستەنبوڵیج بە جۆشو خرۆشۆ نەوروز موبارەک کریا. سەرەڕاو هۆرکواو هێز و پۆلیسی پەی تێکداو بڵاوە پەنەکەردەو ئامادەبیا بەڵام خەڵکی بە ڕۆحیەتێوە ئاخیزانە بەردەوامۍ بېنۍ جە وەشی و شادیەکاشا. هاموەخت جە شارەکا سەرنیشت و کورسانیج بە بەشداری فرەو گلیرگەو کوردی ئێرو نەورۆزی کریاوە.

ئانەی ئېساڵ جۆشوخرۆششدابە چەژنەو نەورۆزی مدرامانو قارەمانانەو گەریلاکا هەپەگەی و یەشا ستاری بۍ. وەڵینگەو هیچ نەتەوێوەنە مرۆڤایەتی ئاشناو بییەو ڕێکوزیاو فەلسەفێوە پیسەو پەکەکەی نیا کە پیجۆرە گیان بازی کەرانۍ جە پیناو ئازادینە. چن ڕوێ وەڵۍ جەژنەو نەورۆزینە هەڤال موراد قەریلان فەرماندەو بریارگەو نەپەگەی ئەرەیاوناشا پەی ڕۆ نەورۆزی موژدێوە گرنگو دڵ وەشکەرما بۆ پەی گلیرگەو کوردی و تەمام و ئازاڎیی وازا دنیۍ. ڕوانێوە کادرە سەرمەشقەکۍ پەکەکەی پەی دەس وستەو چەکێوە بە ڕوان وێشا ئاوراکەرېنۍ، و بە قەرزو قۆڵە چەک ئەسانینۍ. بەڵام ئارۆنە دنیا شاهیڎو ئانەین کە ئی تەڤگەرە وېش چەک وەشکەرۆنەو بیەن بە فیگەرێوە گەورە جە یەکلاکەردەیۆ کێشە هەرێمییەکا و میامین و وەرکەوتینە. پەکەکە ئارۆنە ساحیب و درۆنی و چەکی دژە فڕۆکەین کە وێش بەرهەمشا مارۆنە. ئینەیچ ئا قسۍ هەڤاڵ جومعەیە پەشڕاس کەرۆوە کە جە وەڵینگەو پەکەکەینە ماچۆ: پەکەکە هامشێوەو ڕووبارێوەن کە هەرساتێوەنە ویش تازەکەرۆوە. دروسکەردەو چەک و دژە فڕۆکەی بە واتاو دمایی ئاردەی مێ بە دێوەزمە و درۆنەکا دەوڵەت و ئەرەگیرو تورکی. وەڵا کەردەیۆ ڤیدۆو وستەیرە وارو درۆنەکا دەوڵەتو تورکیای جەلایەن و گەریلا تیڤیۆ باسو خواسی فرەش جە دلۍ گلیرگەو کوردی و ڕای گرڎینە وەشکەرد، ئینەیج بی بە بائیس و شپرزەیی وتارە و سەرە گەورەکا ئەکەپەو مەهەپەی. وەشکەردەو چەک و زاگرۆسی بە سەلیقەو ژیری گەریلاکا یووەمین هۊرچەرخنای بۍ  کە وەڵینگەو کوردی پەی هەمیشەی شانازیش پۆوە کەرۆ. سەرپا وزتەو ئی ئاخیزە زانستییە جەلایەن و گەریلاکا ئازادیۆ، جە کاتێوەن کە دەوڵەتو ئەرەگیرو تورکیای بە هامکاری دەوڵەتا ناتۆی و چەمپۆشیکەردەیشا ئەو ئا دڕندەیا کە کەرۆشا، گەریلا درێژە بە کۆشیای تا سەرکۆتەی تەمامی مڎۊنە. دەوڵەتوو ئەرەگیروو تورکی بە سیسەموو وەڵېکەوتەی کە جەڕاو کەشفکەردەی پلەو گەرمی و ونێوە چنین ساڵېن سەرقاڵو گەشمەردەکەردەو گەریلاکان، ئارۆنە تامێ دۆخەکە پێچەوانە بۆوە و تامێ سوپا بی مۆڕاڵەکی تورکیای زەرەر وەرۆنەو تەنگەتاوکریان. چەنی وەڵیکەوتەو چەکی پەکەکە تاوانش گەریلای مۆدێرن ئاماڎەکەرۆنە و ڕووە ڕوو گرد ئاستەنگییەکا مێڎان و جەنگی بۆوە. دەوڵەتو ئەرەگیرو تورکی بانگەشێوە فرە جە دونیانە کەرۍ پەی درۆنەکاش، ئارۆنە بە سەلیقەو گەریلاکا درۆنەکیش ئیتر مەتاوانۍ بە ئاسانی سەرو ئاسمان و کورسانینە گیڵانۍ و بۆردومان کەرانۍ. ئینەیج بییەن بە مەڵامەتو ئانەی کە گەریلا ئاسمان و زەمینش کەرد بە گڕۆڵیۆوە جە ئێری وەرانوەرو سوپا ئەرەگیرەکی دەوڵەتو تورکی. بە پاو ئەرەیاناکەو نەپەگەی کە نەورۆزەنە یاوناش جەماوەو ١٣مانگانە ١٥ درۆنیشا کەردینی ئامانج و وستینیشارە. کە دوۍ دانېشا جە جۆرو ئاکەنچیبینی کە خاستەرین جۆرو درۆن و تورکین بەپاو ئەرەیاوناکا ویشا جە بیەو ئەشقی جە زیهن و ڕۆح و گەریلاینە پاسەش کەردەن کە خاکو کورسانی یەک پارچە بۆ بە دۆزەخ پەی داگیرکەرا.