شارەکڵەو خورماتووینە کە مگنۆ پانیشتو شارو کەرکوکو پانیشتو کورڎسانیوە، کۆمەڵەو گەنجە وەڵاتپارێزناو کورڎسانی بەردەوامێنێ جە چالاکییەکاشا بە بۆنەو ڕۆو ٤و نیسانی "جەژنەو ژیوایۆوە" کە مکەرۆ ڕۆو پەیدابییەی ڕابەرو گەلو کوردی ڕابەر عەبدوڵا ئۆجالانی.

 تازەتەرین چالاکییەکاشانە ئارۆ یەکشەممە، بەڵگەفیلمێو سەرو ژیواینامەو ڕابەرو گەلو کوردی ڕابەر عەبدوڵا ئۆجالانی نمایش کریا و سەرەتاو چالاکییەکەیچ بە دەیەقێو مردای پەی گیانی پاکو گەشمەرڎا دەسش پنە کەرد، هەرپاسە میانەو چالاکییەکەینە باسو گرنگیی ئی ڕوەیە و هەڵمەتەو ئازادیی جەسەیی پەی ڕابەرو گەلو کوردی عەبدوڵا ئۆجالانی و چارەسەری سیاسی پەی پرسەو کوردی کریا.

یاگێ باسینە گەنجێ ئەرەیاوناشا کە پێسەو گەنجە وەڵاتپارێزنا و گەنجاو پانیشتو کورڎسانی خاوەنداریی وەنەو ڕابەرو گەلو کوردی عەبدوڵا ئۆجالان مکەرا و هەرمانەو وێشا میاونا یاگێ و بەردەوامێ مبا جە کۆشیای پەی بەدیئاردەی ئازادیی جەسەیی ڕابەرو گەلو کوردی عەبدوڵا ئۆجالانی.