چالاکی 'ڕاپیمای ئازاڎیی' پۍ جاری دووەمی جە ساڵەو ٢٠٢٤ینە بە دروشمەو "ئازاڎیی پۍ عەبدوڵا ئۆجالانی، چارەسەری سیاسی پۍ پرسوو کوردی" ئەنجام مڎریۆ. چالاکیەکە جە ٩و  سیاو کامێنە جە شاروو مانهایمی جە ئەڵمانیا دەس پنەکەرۆ و جە ١٦و سیاو کامەو ٢٠٢٤ جە ستراسبۆرگوو فەرەنسای بە کۆنفرانسێوە دمایش پنە مۍ.

پەیوەس پی چالاکیەیۆ کۆمیتەو ئاماڎەکاری ئەرەیاۋنېوەش وەڵاکەردۆ.

جە ئەرەیاۋناکەینە ئامان کە ماوەو ٢٥ ساڵان ڕابەروو گەلوو کوردی عەبدوڵا ئۆجالان بە شێوەی گۆشەگیری زینڎانی کریان و ئەرەیاۋنانیچشا: "١٥و شوباتی پیلانگێڵنی میان نەتەوەیی جە کەسایەتی ڕابەروو گەلوو کوردی عەبدوڵا ئۆجالانینە جە دژوو گەلوو کوردی پێکئاما، جە هەمان وەختەنە ئی پیلانگێڵییە ڕۊو قڕکەردەی کوردیا. ٣٦ مانگێن حیچ زانیاریێوە سەروو ڕابەر ئاپۆی نیا. ژەنی و گەنجا کوردی بە حیچ جۊرۍ ئی گۆشەگیرییە قبوڵ مەکەرا. ۋەران ۋەر بە حەر هەڕەشێوە و جە هەر ئاژێوەنە گەنجاو کوردی جە دەوروو ڕابەروو ۋێشانە کوۍ بیېنێوە و حیچ دەرفەتێوە پۍ سەرکۊتەی پیلانگێڵنی میان نەتەوەی نمازاوە. هەروەختۍ پیلانگێڵی میان نەتەوەی و هجوموو قڕکەردەی زیاتەر بیەبۆ، گەنجاو کوردی جە چەمکوو دلېنەبەردەی میاومێنە، ئانە هامڕایا ئێمە جە ئاڤاشین، زاپ و مەتینانە جە دژوو فاشیزموو تورکی کۊشیانە، حەتا ئازاڎیی جەستەیی ڕابەر ئاپۆی بەردەوامی بە کۊشیای مڎەیمۍ".

هێز بڎریۆ پی هەڵمەتۍ

سەروو ئی بنەمایۍ، ڕاپیماو گەنجا ئەڵمانیای کە پۍ ماوەو ٢٥ ساڵان بەشێوێوە نەریتی  ئەنجام مڎریۆ، ئێساڵ بە دروشمەو "ئازاڎیی پۍ عەبدوڵا ئۆجالانی، چارەسەری سیاسی پۍ پرسوو کوردی" ملۊڕاوە و  داوا جە گرڎوو گەنجا کەرمۍ بە ڕۆحی سەفەربەری بەشدارۍ با. پی بەشداریکەردەیشا هێز بڎا بە هەڵمەتەکۍ.

بەپاو ئەرەیاۋناکەو کۆمیتەو ئاماڎەکاری، بەرنامەو چالاکیەکەی پی جۊرە بۆ:

٩/٢/٢٠٢٤ کۊبیەیۆ جە مانهایم

١٠/٢/٢٠٢٤ ڕۊو یووەمی مانهایم

١١/٢/٢٠٢٤ هیدلبێرگ

١٢/٢/٢٠٢٤ هامبۆرگ

١٣/٢/٢٠٢٤ فرید- ساربروکن

١٤/٢/٢٠٢٤ ساربرۆکن

١٥/٢/٢٠٢٤ ستراسبۆرگ

١٦/٢/٢٠٢٤ دما ڕۆ، بەستەی کۆنفرانسی جە ستراسبۆرگ