گەنجاو کۆمیتەو گەشمەردە زەردەشت لەیلاخی، بە بۆنەو ساڵڕۆو پەیدابییەی ڕابەرو گەلو کوردی عەبدوڵا ئۆجالان و ئەرەمەرزنای پژاکیوە چالاکییشا کەرد و ئەرەیاونایەکەیشانە واتشا: "پەیدابییەیی ڕابەر ئاپۆی، پەیدابییەیی گەلە ستەموەنەکریایان ".
گەنجێ ئاپۆییێ، کۆمیتەو گەشمەردە زەردەشتو لەیلاخی ئەرەیاونایەکەیشانە سەرەڕاو ئاماژەکەردەی بە ساڵڕۆو پەیدابییەی ڕابەرو گەلو کوردی عەبدوڵا ئۆجالانی بە نامونیشانو هاوارێو پەی ئازادیی گەلو کوردی و ڕزگاربییەی جە کۆکوشی و ئەرەگیرکاری، ئەوەخوایشا کەردۆ پەیدابییەی ڕابەرو گەلو کوردی عەبدوڵا ئۆجالانی، پەیدابییەیۆ گردو گەلە ستەمدیدان.
گەنجێ ئاپۆییێ دەربارەو گرنگیی ڕابەرو گەلو کوردی عەبدوڵا ئۆجالانی پەی بۆ ژەنا و جڤاکی بەگردی، ئەوەخوایش کەراوە پەیدابییەییش، مزانیێوە بێ پەی ئازادیی ژەنا و پیایا و گلێرگەی.
هەرپاسە ئاماژە کریان بە ٢٥ەمین ساڵیادو گێرەتەی ڕابەرو گەلو کوردی عەبدوڵا ئۆجالان، هومێد موازان ساڵەو ٢٧٢٤ ی کوردی بۆ بە ساڵەو ئازادی ڕابەرو گەلو کوردی عەبدوڵا ئۆجالان.
هەرپاسە ساڵڕۆو ئەرەمەرزنای پژاکی مەبارەک کریان و گەنجێ بە بۆنەو ئی دووە بۆنەیۆ نزیکەو ٢٠ نەمامێشا نیێ.
