مەجلیسوو گەنجاو پارتوو یەکسانی و دیموکراسیی گەلا (دەم پارتی) واننە، لە چوارچوەو کەمپەینوو "١٠٠٠ ناما پەی ئیمراڵی" نامەشا پەی ڕابەروو گەلوو کوردی عەبدوڵا ئۆجالانی کیانا.

گەنجێ وەردەموو بیناو دەم پارتیینە کوێ بیێوە و کۆنفرانسیی ڕۆنامەوانیشا بەست. ئەنداموو مەجلیسەکەی یەکبوون سافالی بە نامێ گەنجاوە واتش: " پێسە مزانیۆ سیاسەتوو گۆشەگیری وەراوەروو ڕابەروو گەلوو کوردی عەبدوڵا ئۆجالانی گردوو تورکیایرە وەڵا بییەنۆ و بەجیددی بەردەواما. وستەیرەت سەرجەموو ڕایەکاو پەیوەندیی چەنی بەڕێز ئۆجالانی چی قۆناغەنە، هەناسەدای پەی گەلاو کوردستانی و تورکیای قورس کەرۆ. بەتایبەت گەنجێ و ژەنی، گردوو گلێرگەی ڕاو سیاسەتوو گۆشەگیرییوە بەرەو کارەسات پەلکێش کریۆ".

سافالی واتش: "تاکە ئایدیاڵوو گەنجا و ژەنا و زارۆڵا ئانەن، ڕاو چارەسەروو پەرسەو کوردیوە ئاشتییێوە شکۆدار و ئازادیی بەڕێز ئۆجالان مێ دی".

سافالی واتش، کەمپەینوو "١٠٠٠ ناما پەی ئیمراڵی" کە بەینوو ١-١٥ شوباتینە دەسشا پەنە کەرد، جیهاننە دەنگێ گەورەش داوە و کوردستان و تورکیاوە هەزاران نامێ پەی بۆ ڕابەروو گەلوو کوردی عەبدوڵا ئۆجالانی کیانیێنێ، واتش: "گەلەکەما سەلەمناش پا گێرارە سەروو کۆشیای پەی ئازادیی بەڕێز ئۆجالانی، ئا نامێ کیانیێنێ کۆشا کەرمێ و کیانمێشا پەی ئیمراڵی. پی بۆنەوە، داوا جە گردوو دیموکراسیوازا و ئازادیوازا کەرمێ گۆشەگیریی ماڕا و دیموکراسیێوە پێوەیی مسۆگەر کەرا".

دمایی گەنجێ ڕاشا پیما ێپێوانیان و نامەکێشا ڕاو پۆستەخانەیۆ کیانێ.