پلاتفۆرمو لەقەکاو ئەدەنەو کۆنفیدراسیۆنو سەندیکاو کرێکارە جەماوەرییەکا (کەسک) پێوەس بە دەسبەسەرکریایەکاو ١و ئایاری ئیستەنبوڵنە، پارکو ئینۆنوینە ئەرەیاوناێوەش واناوە. قسەکەرو لەقو ئەدەنەو کەسکی و سکرتێرو سەندیکاو کرێکاراو پەروەردەی و زانستی (ئەگیتەم سەن) جودی ئیمرەک واتش گەرەکشانە ڕاو دەسەبەسەرکەردیوە تەرسناشا، واتش: "وەزیرو دلێچ دماو گێرتەیەکا واتش ورکوایسەرو یانا بەردەوام مبۆنێ و پەشتڕاسش کەردۆ، کە دەسەڵات پەشتی بە فشار و قەدەغە و ستەمکاری مبەسۆنێ"، ئیمرەک داواو ئازادکەردەی ڕۆنامەوانەکاش کەردە.

لاو وێشۆ مەریەم ئەسمەرە واتش فشار ئیرادەیشا مەفاڕۆ، واتش: "ئیساتێ وەختوو گەورەکەردەی کۆشیاین و ڕێکوستەی. کۆشیایما پەی ورگێرتەی مافو گردو هامڕایاما بەردەوام مبۆنێ ".

مێرسین

لەقو مێرسینی ئەگیتەم سەن داواو ئازادکەردەی دەستبەسەرکریایەکاش کەرد، سەرۆکوو لەقەکەی مەحمود سومبول واتش: "ئا هەرمانێ ١ و ئایارینە کریێنێ، حیچ ڕەوایەتییێوەشا نییا".