ئەنداموو کۊمیتەو ڕاوەبەریی پەکەکەی، موراد قەرەیلان نرخنایش پەی کۊشیای گەریلاکاو ئازادیی کوردستانی دژوو داعشی کەرد.

بەشی دووەموو دیدارەکەو موراد قەرەیلانی چەنی ڕۊنامەو یەنی ئۊزگور پۊڵەتیکای، پێسنەنە:

پاش ساڵەکاو ژیوایوە گلێرگری، ئەگەر گێڵمیوە پەی ساڵانی ویەرڎەی، دەربارەو گرنگی و ئەنجاموو کۊشیای و ئەزموونوو گەریلای دژوو داعشی کە هەرێمەکاو وەرنیشتی، شەنگالی، مەخموری و کەرکوکی، گەرەکتانە چێش واچدێ؟

داعش پێسە ڕێکوزیاێوە پەشتی بە خەتەو سەلەفیەتی بەسۊ، بە وروێڵنایوە ئیسلامی  دیایۍ تەمام جیاوازۊ خەتۍ تازۍ ئیسلامی خولقنۊ. جگە وێش گرد کەسی بە کافر موینۊ.بە بەرکەرڎەی فتوۍ جەنگکەرڎەی چەنی ئا هێزا کە بە کافر نامێشا بەرۊ بە خێرە مزانۊ. باوڕ بە خەڵکی مارۊ ئانۍ کە چی جەنگەنە مرا، یەکڕاس ملانۍ بەهەشت. گرد چەکدارێوە داعشی ئجۊش کە مەرد بەهەشتیین. تا ڕاددێوە فرە تەرسەو مەرڎەیش پێسە ناستێنە، هاموەخت دۊخێوە سەروازیی داعشیانە هەن کە وەرفراوان پەروەرڎێشا کەرۊ و کەرۊشا پسپۊڕۍ. بڕۍ جە فەرماندەکاشا وەڵتەرۍ ئەفغانتانەنە جەنگسا کەرڎەبۍ و ئەزموونشا بۍ و بڕۍ فرێچشا جەنگوو عێراقینە دماو ساڵەو ٢٠٠٣ێوە . پەوکای تەرسی جە مەرڎەی و شارەزایی و ئەزمونوو جەنگی، داعشش کەرد بە هێزێوە سەروازیی کاریگەر. هەرپاسە ڕسموو ڕێکوزیاێوەش وەش کەرد، کە بە سەرەبڕیەی خەڵکی دڕندەیی کەرۊ. چی ڕووەوە میدیای دیجیتاڵییش کاریگەرانە بەکار ئارد. ڕسموو ڕێکوزیاێوەش وەش کەرد، کە تەرسی وەڵا کەرۊوە و کەس نمەتاوۊ ڕاش وەەنە گێرۊ و ئا یاگا داگیر کەرۊ کە گەرەکشا. ئەوەڵ بڕۍ مەنتێقێش  سوریانە دەسوو ڕیکوزیایە ئۊپۊزسیۊن-ئیسلامییەکاوە بەر ئارڎۍ.پینەیچە وێش قەوەت کەرد. ئاست و ڕسمێوە چانەش وەش کەرد، کە هیچ سوپا و هێزێوە نەتاوۊ وەراوەرشاوە مرڎۊ. موسڵ  زیاتەر جە 30 هەزار کەسا جە هێزی سەروازی پارێزنێنیش کەچی ماوەو ٢٤ سەعاتانە بە ٨٠٠ کەسۍ شارەکەش گێرت.  گرت. نە ئا سەروازۍ داراو ئەداو هەرمانۍ و زەڕی بێنۍ و نە ئانۍ داراو باوڕی و ئیرادەی و هێزی سەروازیی جیددی بێنۍ، نەتاواشا مردناشا. ڕاسیینە تا ئامۍ ئەنجام دەس وزێنۍ. تەنیا هێزێوە بەئیرادە و داراو قووڵایی ئایدیۊلۊژی و پێکئامای سەروازی تاوۍ وەراوەروو ڕێکوزیایوە چانەیۊمرڎۊ. پەوکای تەنیا گەریلاکاو ئازادیی کوردستانی، کە سەروو بناغەو ئایدۊلۊژیای و فەلسەفەو ڕابەر ئاپۊی پەروەرڎە کریێنۍ و ڕۊحێوە فیداکارییسا بەدەس ئارڎەن و ئاستێوە دیاریکریای ئەزموون و پسپۊڕییشا کۊشیاینە هەن تاوێنۍ و تاواشا دژوو داعشی مرڎاوە، چیوەکە چینە بۍ.  

وەختۍ داعش هجوومش کەرد سەروو شەنگالی، سوپاو عێراقی و هەم هێزوو پێشمەرگەی شەنگالنە پڕتافیۍ و تا گیانیشا نەجات بدا و ڕزگارۍ با. گەریلاگەرەشابێیاوا شەنگال و ئا یەکە سەرەتایەە وەڵتەر چابێنۍ مدرامان پێسەیچ فیداکارانە جمێوە و گرد چێوشا وەرەچەم گێرت و داعششا شەنگالەنە مردنا . ئەوەل قۊناغەنە ئامانجی سەرەکی پارێزنای کەشوو شەنگالی و گەکەیما بۍ، کە پەناشا بەرڎێبی وەروو کەشەکەی، کە ئینەیچ ئەرەپڕایۍ بۍ دژوو داعشی و مردنایش بۍ. پەوکای شاندێوە ئەمریکی بە ٤ هێلیکۊپتەرێوە شەنگالنە نیشتێوە؛ گەرەکش بۍ ئا هێزەیە بشناسۊ کە داعشش مردنا.  دماتەر فەرماندەو وەفدەکەی لاو فەرماندەی شکۊدار عەگید جڤیانیوە خێرامایش ونە کریا و فەرماندەو وەفدەکەی پەرسۊ "شمە کێندێ؟"، هەڤاڵ عەگید وێش مشناسۊ و باسوو ڕابەر ئاپۊیشا پەی کەرۊ و  ماچۊ ئێمە جەنگەوانۍ کوردستانینمۍ. کابرا پەرسۊ "تۊ ڕاسەوڕاس  پەکەکەنی یان نا؟" هەڤاڵیچ ماچۊ"بەڵۍ، ئێمە ڕاسەوڕاس پەکەکێنمێ". پێسە مزانا، کە ئی وەرگێرییە پەکەکەی کەرڎەن. دماو منەیوەشا ٣-٤ سەعاتا چاگە ئەوەکۊڵیایشا کەرد، جارێوە تەر فڕۍ و نامێوە، ئینە ئەوەڵین کۊبییەیوەما بۍ چەنی هێزە ئەمریکییەکا.

مەخموریچنە هەمان چێو ڕوەەش دا، پەی نموونەی بەینوو مەخمووری و موسڵینە ٢٢ شارۊچکۍ هەنۍ، گردشا بەنۍ تەقنای یەک فیشەکی دریۍ دەسوو داعشیوە.  یەکەم فیشەک سەروو ئا خەتێوە دژوو داعشی کەمپوو پەنابەراو مەخمووریوە تەقا و وەڵیکەوتەی داعشی چا مردییا.  

لە کەرکوکیچەنە هەمان چێو ڕووەش دا، چیگەنە پێویسا ئاماژە بە دەوروو گەریلای کەرمۍ، گەریلاکاو ئازادیی کوردستانی دورێوە گرنگشا بۍ جە پێکئارڎەی و ڕێکوستەی مدرامانینە دژوو داعشی، وەختۍ گەرەکشا بۍ کەرکووکی گێرا چون کەرکووک کارەکتەرێوە سیاسی  بۍ و هەم بیرەنەوتێچش بێنۍ. پەوکای هجوومی وافرشا کەرد، هەر جارەو هجوومێوە وەرفراوان کریۍ، هێزوو پێشمەرگەی کە ژمارەشا هەزاران بۍ، ئشیا کەمێوە دژوو ئا هجوومە دڕندانەیە گژیێنۍ و گێڵێنیوە، وەلۍ چند تیمێوە هێزەکاو گەریلای نەگێڵێوە و سەرەمڕ گژیۍ.وەختۍ فەرماندۍ و پێشمەرگە پاشەکشکەرەکۍ لا کەرێنێوە و دیێنۍ گەریلۍ مەگێڵاوە و گژیای گژیا، فکرشا کەرڎۊ  "ئەگەر ئینسان مدرامان کەرۊ، متاوۊ داعشی مردنۊ" و دماو چند سەعاتۍ ورەشا جە جەنگوو گەریلاکاوە ورگێرت و گێڵێوە یاگەکاشاو جەگشا کەرد. گەریلا دژوو داعشی هیچ شۊنێوەنە پاشەکشەش نەکەرد. بێگومان جە جەنگنە تاکتیکوو پاشەکشۍ هەن،وەلۍ گەریلا تاکتیکی چانەیچشا دژوو داعشی بەکار نارد. مەخموریچەنە هەمان چیو ڕووەش دا. 3-4 جارۍ ئا هێزوو پێشمەرگەیە شارۊچکەو مەخموورینە مەنێنیوە، بۊنەو هجوومەکاو  داعشیوە وازشا جە وێشا ئارد و بەرەو هەولێر پاشەکشێشا کەرڎە، وەلۍ دماو ڕوۍ یان دوۍ ڕوا کە ژنیشا گەریلایاو پەکەکەی کەمپوو مەخمووری دەپارێزنا،  گێڵێوە پەی قەرەچۊخی و چا بەرەنە وێشا کۊ کەرڎۊ و ئینە چند جارێوە مەخمورنە ئەوەخوای بیۊ، یانۍ ئاشکران گەریلا جە وەڵیوستەی جەنگوو دژوو داعشینە، هەم ورەبەخش و هەم  دەورێوە گرنگش بۍ.  

هەرپاسە وەختوو هجووموو داعشینە پەی سەروو کۊبانۍ، ئا ڕوۍ کە وچیۍ، "وڕۊ، ئاندەش نەمەنەن وڕۊ"، بەڕاسی کۊبانۍ یاوا ئاستوو وڕای. وەلۍ چا وەختەنە بانگەوازوو سەفەربەریی ڕابەر ئاپۊی بۍ. هێزەکاو گەریلای ئینەیە پێسە فەرمانێوە زانێنۍ، ڕۊشن بۍ ئەگەر دەسوەرڎایۍ هەمەلایەنە نەبۊ، کۊبانۍ وڕۊ. ئجۊم جە کۊبییەیوێوەنە ١وو تشرینوو یوەمینە وچیابێ؛ "ئایا کۊبانۍ وڕۊ یا نا؟ ئەگەر نا، ئینە بە کیانای چند تیمێوە ڕووە مەدۊ، نادات؛ قۊناغوو یوەمینە متاویۊ بە کیانای هێزێوە گەریلای کە لاو کەمیوە ٤٠٠ کەسۍ با ڕاگێری جە وڕایش کریۊ". سەروو ئا بناغەیە  قەرار دریا ڕاگێری جە لوایدلۍ کۊبانێوە کریۊ.پی ئامانجە دەسوەستەینە و پلانسازییوە گردگیر بی و بۍ بە بابەتوو ڕۊی. چونکوم زانیۍ هجوومی وەرفراوانوو داعشی بە هێزە سەروازییە ئاساییەکا مەمردنیۊ، تیمەکاو گەریلای ڕاستەوخۊ هەرێمەکاو بۊتان، ئامەد، گارزان و ئەرزەڕۊمیوە، کە بەئەزموونتەرین گەریلێکێنۍ ڕەوانەو کۊبانۍ کریۍ. قۊناغوو مدرامانوو درێژخواینوو پەی وەرگێریی جە ئامایدلۍ داعشی پەی کۊبانۍ دەسش پەنە کەرد، ئەگەر دەسوەڵیوستەیۍ وەرفراوانی چانە نەبیۍ، وڕۍ. وێش ئاندەش نەمەنەبۍ وڕۊ. یەپەگە و یەپەژە مدرامانشا کەرد، وەلۍ ژمارەشا کەم بۍ، وەراوەروو هجوومی وەرفراوانوو چەتەکاو داعشینە بە تانکۍ یەرۍ قۊڵێوە، ئاسان نەبۍ سەرۍ گنا.ئاشکران ئا وەخت یەپەگە ئەزموونی پێویسش نەبۍ، فیداکاریێوە گەورە بۍ، وەلۍ ناهامسەنگیێوە گەورەیچ بۍ. چۍ ڕووەوە سەروو بناغەو دەسوەڵیوستەی گەریلای و هێزە پتەوەکا، هەنگام بە هەنگام مدرامان وەڵۍ کەوت و بە هجوومی پێچەوانەیاگەکاو چێروو دەسوو  داعشی کۊنتڕۊڵۍ کریێوە.

داعش هیچ یاگێوەنە نەگێڵانۊ، تاکتیکوو پاشەکشۍ جە یاواینەی جەنگوو داعشینە نیا، ئێمە ئینەما هەن وەلۍ بە ئەنقەست دژوو داعشی پاشەکشەما نەکەرد. چونکە پێویس بۍ مۊڕاڵوو گەلی و هێزەکاو دژوو داعشی و پێشمەرگە بەرز کریۊوە. وەلۍ ئینە شێوازوو داعشی نەبۍ. بنەڕەتیتەرین کەموکوڵی جە ڕێبازوو داعشینە پەی جەنگی ئانە بۍ، نەزانۍ تاکتیکوو کێشیایۊ بەکار بارۊ، پەوکای ئشیا گرد یانێوەنە کوشیێنۍ ئننا واز نارێنۍ.

چا وەختەنە بە ڕۊشنی بە ئەرەیاونایەکا وچیێ: "جەنگوو یانە بە یانەی کۊبانێنە بەرڎەوام بۊ، کۊبانۍ بۊ بە ستالینگراد و کۊبانۍ مەگنۊ". ئینە بەڕۊشنی ئەرەیاونای ئا وەختینە ئامابۍ، چەنی واتەیۊ "مدرامانوو کۊبانۍ سەر گنۊ و ئی سەرکەوتەیە بۊ بە ئەوەڵوو شکسوو داعشی، چێگەوە دمایی بە داعشی مێ". گردوو ئینیشا دماتەر ڕووەشا دا. ڕاسیینە کۊبانێنە ئا ئایدۊلۊژیا کە داعش پەی ڕازنایۊ هێزەکاش بە خورافات بەکارش ئارد، چەنی ئایدۊلۊژیاو پەکەکەی کوەتۍ وەروو یۊترینی، چێگەنە ئیرادەی ئایدیۊلۊژیی پەکەکە سەر کەوت. ئینە بۍ کە ڕووەش دا.

بەکوڵی ئی وەرگێرییەو گەریلاکاو ئازادیی کوردستانی دژوو داعشی بە وینگەو ڕابەر ئاپۊی کریا و ئینسانیەتش جە تەنگانێوە گەورەی ڕزگار کەرد. هێزە جیاوازەکاو دژوو داعشی جەنگشا کەرد، تەنیا ئێمە نەبێنمۍ، وەلۍ جەنگوو ئێمە ورەش بەخشا بە گرد لێوە و دەوری سەرمەشقانەش دی کە ئەوەڵووو جەنگوو داعشینە یاگێوە گرنگەش هەنە. ئینە هەقیقەتێوە تارێخیین، خزمەتێوە گەورەن، کە  پەکەکە سەروو بناغەو دیدگا ئینتەرناسیۊنالیستەکەیش پێشکەشوو گردوو ئینسانیەتیش کەرد.

هەمان وەختەنە ئینە دەسکەوتێوە گەورەش پەی ئینسانیەتی ئارد و دەرنجامۍ گەورێش پەی گەلوو کوردی و تەڤگەرەکەیما ئارڎۍ ئاراوە. وەلۍ ئاسان نەبۍ. چی وەرگێرییەنە فەرماندۍ و جەنگوانۍ و فیدایاکارۍ گەورێما گەشمەرڎۍ بێی، چی کۊشیایەنە سەدان گەشمەرڎێما هەنۍ، بەتایبەتی کۊبانۍ و شەنگالنە. وەلۍ پێسە واتم دەسکەوتی گرنگش پەی ئینسانیەتی و بۊ گەلەکەیما و تەڤگەرەکەیما بۍ، بێگومان ئینەیچ بی بە ئەنجام پەی هێزەکاما و تاواشا مەیدانی جیازەنە  توانایەکاشا تاقیۍ کەراوە، بەدڵنیاییوە چێگەنە هێزوو تاکتیکی گەریلای گەورەتەر و قووڵتەر بی.

وەلێئا هامڕۍ کە لوۍ شار و مەنتێقە مەدەنییەکا و ماوۍ جا مەنێوە، بڕۍ وانێشا جە ژیوگەیۊ ورگێرتۍ. ئا نۊعە وانۍ لاوازیی دیسیپلین و نەبییەی کواڵیتی چا هێزانە وێزیاوە، کە گێڵیوە پەی مەیدانوو چیاکا. وەلۍ ڕاسییەکەش جە ڕووەو زیادکەرڎەی هەمەلایەنبییەی هێزەکاما و دۊڵەمەندیی تاکتیکییوە، ئەزموونۍ گرنگۍ بەدەس ئامۍ.

ڕاتا چێشەنە بارەو ە گرنگیی وێپارێزنای ڕەواو  گلێرگەی دلۍ کۊشایی پەکەکەینە؟

تارێخەنەن ئا گلێرگۍ کە تەواناو وێپارێزنایشا نەبیێنە دایمە تەرسی سەروو بییەیشاوە بیێنە، یا دلێنەشیێنۍ یا کۊیلۍ بیێنۍ.بە ماناێە تەرە تا گلێرگە پێکئاما و چاندوو ویش پارێزنۊ، وێپاریزنای پێویسا.  گەلوو کورڎی تاریخەنە فرەتەرین وەختۍ بە ڕێکوستەی کۊنفیدراسیۊنی و عەشیرەتی وێش پاریزنای. بە نزیکەیی گرڎوو هەرێمەکاو کورڎسانینە، بییەی گلێرگەی لاو کۊنفیدراسیۊنوو عەشیرەتی ئۊتۊنۊمی یان چند عەشیرەت و هێزێوە چەکداریی ڕێکوزیایۊ، پارێزییان. بێگومان ئا فۊرمە خێڵەکییە ئارۊنە نیا، پەوکای ئارۊ پەنەوازیی وێپارێزنای مۊدێرنی هەن.

گەریلاکاو ئازاڎیی کورڎسانی بنەڕەتنە دا هێزوو وێپارێزناینۍ، وەلۍ هێزێوە پارێزنای باڵا و فەرمیین. پەوکای گرڎ یاگێوەنە، دلۍ جڤاکینە هەن؛ مەتاوۊ بیاوۊ گرڎیاگێوە، پەوکای مشۊم گلێرگە  گرڎ یاگۍ، دەگام گەڕەکە، شارێنە مشۊم هێزی ڕێکوزیاش بۊ تا پارێزنۊش . پێویسا بناغێوە بۊ بنەڕەتەنە مەدەنی بۊ، وەلۍ وەختۍ مەرجەکۍ پێویسشا کەرڎ، متاوۊ بە  نیمچە مەدەنی و نیمچە سەروازی هەرمانە کەرۊ، ئینە زەرووریەتا.

ئێمە چالاکییەکاو وێپارێزنایما نامۍ نیێنۍ "ستراتیژی ستراتیژی". چونکە ڕێکوستەی دەورۍ فرە گرنگش هەن تا گەلەکەما بەرڎەوام بۊ جە بییەیش کورڎسانەنە. بەتایبەت جە سەرڎەموو ئێمەنە، وەراوەروو پەرەسانای تەکنەلۊژیای بەرزینە و مووشەکا و گەشەسانای گەورەو هێزی ئاسمانینە، دەوروو سوپۍ نەوینۍ فرەتەر بەرکەوتەن. بە مانایۍ  تەرە چوارچوەو پارێزنای مەدەنینە، دەوروو هێزەکاو وێپاریزنای، کە نە نییەنە ئینۍ دلۍ گلێرگەینە زیاتەرە بییێنە چی؟ چونکوم هەمیشە متاوا پا تەکنیکەیە کە واتێما هێزە فەرمییەکا کەرا بە ئامانج. وەلۍ دەوروو قەوارێوە پارێزەنەری دلۍ گلێرگەینە کە یاگۍ و  ڕووبەرەکەشا ڕۊشن نییا، کە گرڎ کەسێوە یانەنە و سەروو هەرمانەکێشۊ  ئاندەی تەر گرنگتەر بی. ئینجا باسوو ڕێکوستەی کەرمۍ کە بۊنەو گلێرگەیوەجەوهەروو ڕەنگدایۊ وێپارێزنایش شکڵ گێرۊ و پێوەسا بە ژیوای جڤاکیوە.  بە مانێوە تەرە جیای ئانەیە چێوۍ تایبەت ڕێک  وزیۊ، ڕێکوستەێوە  کە بە سروشتی پەی بەرڎەوامبییەی  بییەی مجیابۊرە، پێویسا پەوکای واتما ستراتیژی ستراتیژ او بەڕاسی پاسنەن.  

چی ڕووەوە پێویسا گەلەکەما بەتایبەت ژەنی و گەنجۍ دەوروو وێشا جە پارێزناینە گێڵنا و گرڎ لایۍ چا ڕووەوە وەرپەرسانە مامەڵە کەرا.  با بواچمۍ هجووم پەی سەروو گەڕەکێوە هەن؛ پەگلێرگەی هەن؛ تریاک و ماددەهۊشبەرەکۍ وەڵی کریاوە، پیایاو ئاینی و جەنگی تایبەت هەنێ؛ لەشورەتەی بەرەو وەڵی ملۊ، سیخوڕی ئینا گەشەکەرڎەینە، پێویسییش بە پارێزنای جەوهەری هەن، پەی پارێزنای  گلێرگەی و خاکی و پاکئاستەیۊ گلێرگەی، وەلۍ شەرتە نییەنە ئینە ڕسمی بۊ، مەبۊ بەشێوەو  'فڵان کەس وێپارێزناین، فڵان کەس وەرپەرسا". مشۊم گەلوو گەڕەکۍ و دەگۍ و گەنجا بە شێوەی سروشتی وێشا ڕێکۍ وزا و بە میتۊدی مەدەنی وێشا پارێزنا. بە مانێوە تەرە ئا چالاکی و هەڵوێستورگێرتەیە وەراوەروو ئانیشاوە گلێرگەی تێک مدا و خراپەکاری کەرا وێپارێزناین. مشۊم گەل ئینەیە کەرۊ.

کەواتە هیچ پیمەرێوە نیا کە وێپاریزنای چەکدارانە بۊ؟  

پێسە نامەکێشۊ بەرگنۊ وێپاریزناێوە مەدەنیییانەن، گێرا بڕۍ جارۍ وەختوو پێویسینە نیمچە سەروازی و نیمچە مەدەنی بۊ، وەلێفرەو وەختا ڕەنگا سەروازی نەبۊ. پێویسا پێکئامێوە بۊ،  کە پێسە ڕێکوزیاێوە سروشتی گەشە کەرۊ، بەهایەکاو دلۍ بپارێزنۊ، کۊشیای سەروو بناغەو بەرژەوەندیی هامبەشی پەرە پەنە بدۊ، بە هێزوو گلێرگەی وێشا دژوو حەر هجوومێوە مرڎاوە کە کریۊ سەروو دەگۍ و گەڕەکێش. بە مانێوە تەرە گەر ئا هاڵیگایۍ کە فۊڕمەکاو خێڵی وەشێشا کەرڎێنۍ پەڕۍ نەکریاوە بە ڕێکوستەی هامبەشی مۊدێرن، تاکتیکوو جەنگی تایبەتی وەش بۊ و  هەمیشەیی بۊ چێگەوە  گلێرگە وێران بۊ، ئەخلاق و چاند و بەهاکاو جڤاکی دلێنە مشا و وزیا چێروو پایا. ڕاسیینە ئامانجوو گرڎوو ستەمکارەکا دژوو کورڎی ئانەن کورڎ نەبۊ بە گەل، بە بۍ ئیرادەیی و لاوازی مەنۊوە. پەوکای گرنگا کە ژەنی و گەنجۍ بە یۊگێرتەی  چەنی هەستوو وێپارێزنای گلێرگەی پارێزنا، بە قۊناغی جیاواز، ئەوەڵ بە قۊناغی مەدەنی ئاستوو دماتەریچەنە پەی شکڵێوە نیمە مەدەنی-نیمە سەروازی و وەڵێکەوتەتەرین ئاستیچ هێزی جڤاکیی ئێمەن، کە وەراوەروو گرڎوو هجوومەکانە ئینا بەرزتریەن ئاستنە و بە شێوازی گەریلای وێش وزۊ وەڵۍ، کە بەڕێکوستەی بەرڎەوام مۍ دی.  

گەریلاکاو ئازاڎیی کورڎسانی ئەوەڵۊ چەنی ئیسفادەشا جە ئەزموونەکاو وەڵۍ ور گێرت؟ وەختۍ جە چوارچوەو گەشەسانای تارێخیینە نرخنیۊ، قۊناغوو وەڵۍ گەریلاکاو مۊدێرنیتەی دیموکراتیکینە فاڕیای چەنی ڕووەش دێنە؟

سەروو بناغەو ئەزموونی چند ساڵەی جە جەنگی پراکتیکینە شۊڕشوو چینینە، ستراتیژوو جەنگوو گەلی درێژخواینی و تیۊریزەکەرڎەی جەنگوو گەریلای لاو ڕابەری گەورەو شۊڕشی ماو تسی تۊنگیوە کریا، سەروو بناغەو ئی ستراتیژە بنەڕەتییە، جەنگوو ڤێتناموو سەرنیشتی، دیسانۊ کوبا و هتد. جە حەفتایەکاو سەدەی وەڵێنیوە، فرەو یاگانە سەرکەوتەی گەورەش بەدەس ئارڎ و  ئاخرۊ سەرکەوتەی  گەریلاکا دژوو هێزوو ئەمریکای ڤێتناموو پانیشتینە دنیانە ورووژییا، بەتایبەت دلۍ هێزە چەپ-سۊسیالیست-شۊڕشگێڵنەکانە. هەمان جۊش و خرۊش کاریگەریی قەوەتش سەروو شۊڕشوو تورکیای و کورڎسانی بۍ. سەروو ئی بنەمێوە تەڤگەری گەریلای کە کورڎساننە پەرەش سانا، پەیڕەوو شێوازە گەریلایەکەیش کەرڎ، کە شۊڕشەکاو چینی و ڤێتنامینە وەڵۍ کەوت.  

وەلۍ پێسە چەنی ڕابەر ئاپۊ بە زیرەکی زانستی شۊڕشگێڵنانەش کورڎساننە بە گرڎی یاونا یاگۍ، بە هەمان ئارڎەینە ستایلێوە ستراتیژیی جەنگوو شەڕی گەلی درێژخواینی و شێوازوو گەریلایش بە پاو مەرجەکاو کورڎسانی یاونۍ یاگۍ، جیای ورگێرتەی ئەزموونی قاڵبدریاو وەڵاتا چوارچوەو لەیەدایۊ رابەرایەتیینە پەرەپەنەدای گەریلای تایبەتیەکاو کورڎسانی وەرەچەم گیرییۍ  چونکوم  بارودۊخوو هەروەڵاتێوە جیاوازا. ڤێتنام فرەتەری خاڵۍ هامبەشێش چنی کورڎسانۍ هەنۍ، ئا وەڵاتپارێزنۍ کە هیچ پەیوەندییشان بە پارتوو کرێکاراو ڤێتنامیوە نەبۍ، کە هێزی سەرمەشقوو شۊڕشوو ڤێتنامی بێنی، تاوێنۍ با بە فەرمانذۍ گەریلای و تا پلۍ جەنەڕاڵیچ بەرزۍ باوە، گەرەکمابۍ کورڎساننە ئینەی پەرە پەنە دەیمۍ وەلی سەرکەوتۍ نەبیەیمۍ، دمایی بەرکەوت، کە ئا کەسە کە چاندی ئاپۊیی قبووڵ نەکەرۊ، مەتاوو هەلومەرجوو کورڎسانینە بۊ بە فەرماندە.

سەرەڕاو گرڎوو  جیاوازییەکا، ساڵەو ١٩٨٤ تا ٢٠٠٠، گەریلاکاو ئازاڎیی کورڎسانی زیاتەر سەروو بناغەو مۊدێلوو چینی و ڤێتنامی ئەرەمەرزیۍ، هەرچندە  ڕابەرێتی وێش پلانەو ئەرەئارڎەی هەزاران کادرا و گونجنای پێکئامای ئایدیۊلۊژیی گەریلاکاش چەنی هەلومەرجوو کورڎسانی نیارە، پەی پەروەرڎەو گەریلای قەوەتی و بەئیرادەتەری، وەلۍ فرەیچ ئۊو یۊی شێنۍ. پەوکای هەرچندە بە هەوڵۍ گەورۍ ڕابەرێتی کارەکتەری ئایدیۊلۊژی-سیاسی گەریلاکاو کورڎسانی قەوەت بی و ئاستێوەش خوڵقنا، وەلۍ گەریلاکاو کورڎسانی تا ساڵەکاو ٢٠٠٠ نەتاواشا ستاتۊو سوپاو کلاسیکییەو گەلی ویەرنا.  ڕابەرێتی قۊناغوو  ڕۊماینە ڕەخنەی گرڎینشا سەبارەت پی بابەتەیە گێرت. نزیکایەتیی گرووپ‌پارێزنۍ بێنی، کە بنیاتوو حیزبینە نەکەوتۍ وەڵۍ، گەمە پا خەت و پەیلوایا کەرێنۍ، کە خەتەو حیزبی  تەمومژاوی کەرێنۍ. ئینە زیهنهیەتوو گرووپپارێزنی و ویلایەتپارێزانەی و هتد بە شێوازی جیاواز نیشانە دۍ.

دیسان تاکتیک و خەتەی سەروازینە کێماسیۍ بێنی، ڕابەرایەتی ئینەش فرە ڕەخنە کەرڎ یانۍ کە تا ئا وەخت ئاستوو گەریلای بەرکەوت ئەنجاموو ئا هەوڵا بۍ، وەلۍ ئا کەموکەسرێچە بێنۍ کە باسم کەرڎۍ،  ئا وێوارڎەیوێوە کە بێنۍ پیلانگێڵنیی میاننەتەوەیی وەشۍ کەرڎێبێنی، ئینەیچ پا کەموکەسریا کە ئامۍ وەڵێوە.  

لاێوە تەرۊ ئیرادە و ئازایۍ ئایدیۊلۊژی هێزەکامانە بۍ، کە دڵسۊزییش پەی خەتەو ڕابەریی قەوەتە کەرڎێبۍ، کە ڕۊحۍ هجوومبەر و فیداکارانە بۍ، یانۍ خەتەو زیلانۍ ئاستێوەنە بۍ. ئینەیچ قۊناغوو پیلانگێڵنینە ئاشکرا بی. سەدان وەڵێنیازۍ پەی چالاکییە فیداکارییەکا پەرەشا دریا پەنە و ئەنجامنە ڕێکوزیاو هێزە تایبەتەکا پێسە ئانەی کە هەنۍ وەشۍ بێی. یانۍ هەڵوێستێوە قەوەت و فیداکارانەی دڵسۊز پەی ڕابەرێتی بۍ،  وەلۍ پسپۊڕی سەروازی زیاد نەبی. یانۍ هێزەکۍ مانۊڕۍ و ئەزمونشا مەیدانەکانە بۍ، وەلۍ شارەزایی تەکنیکی و شارەزایی سەروازی و چالاکیی بەلەقبییەیشا وەڵی نەکەوتەبۍ و ڕێکوستەی هامشێوەو سوپاو گەریلای کلاسیکی بۍ. هەرپاسە ئەرەیاوناما، کە کێشەی تاکتیکی هەن. بە کوڵی ئاستوو جەنگیش بەر وست، هەمان وەختنە قۊناغوو پەرەپەنەدای وەڵیکەوتەینە ئەوەخوای بیۊ، کریۊ دۊخوو ئا قۊناغەیە پاسە شی و ڕاڤە کریۊ.